حامل بالشهر ببداية الثاني وتعرضت للسقوط ؟؟

[حرم عبود]

السلام عليكم رحمة الله بركاته ..

انا ولله الحمد حامل ولي شهر وشوي تقريبا اخر دوره كانت بالهجري 17 |6|1431ه.. وانا راجع بالحرس والدكتوره يوم درت اني حامل سوت تحليل الهرمون والحمدالله تضاعف بعد 48 ساعه وسوت تحاليل ثانيه وكلها الحمدالله كويسه المهم قالت انتي على حساب دورتك لك 5 اسابيع وماراح اسويلك سونار لانوو مارا يبين شي تعالي بعد 3 اسابيع يعني باقي على موعدي اسبوع وشوي ..

المهم تقريبا من خمس ايام زلقت وانا انزل من الدرج الحمدالله ماكانت زلقه قويه وبعدها خفت ان يكون صار شي لان كان فيه الم بظهري واسفل بطني ورحت لدكتوره في خاص وحسبت قبل ماتسوي لي سونار قالت لك خمس اسابيع نفس كلام دكتورتي .. وسوتلي سونار والحمدالله بان الكيس بس قالت الكيس صغير وحساب السونار يقول لك 3 اسابيع شكل تبويضك كان متأخر .. وقالت طبيعي هالشي تعالي بعد اسبوعين نشوف الجنين ان شالله بيوضح .. المهم انا الحين مو حاسه بشي ابد بس اللهم الم بظهري والم زي الدوره يروح ويجي ولافيه لا وحم ولاغثيان ولاشي هل هذا طبيعي صايره اوسوس لانو في حملي الاول اجهضت ومابي اجهض هالمره اخاف وقف حملي مااحس في بطني شي حتى الم الظهر بدا يخف ..

بنات طمنوني هل هذا طبيعي اني ماتوحم ومااحس بشي ولا لسى بدري ؟؟

[يارب ترزقني بطفل أضمه]

ياقلبي الله يتمم حملك ويثبته يارب يالغالية انتي اتارحي لحد موعدك والله يطمن قلبك وبالنسبة للوحم لاتخافين كثييير حوامل مايجيهم وحم ابداااااا وبالنسبة ماتحسين ببنطك شي توه الجنين صغير ياقلبي وطمنينا اذا رحتي موعدك والله يرزقك من واسع فضله ويفرح قلبك

[شوشوه]

عادي حبيبتي طبيعي انا كلش بالاشهر الاولى ما تنسيت ولا اي اعراض اللهم ظهري كان يعورني

كل وحده تختلف عن الثانيه ترا

[حرم عبود]

مشكــوريـــن الله يطمن قلوبكم يــارب ..

ان شالله بروح الدكتوره وبقولكم وش بيصير ..

[مليت فرقاكـ]

مافيك الاالعافيه ان شاء الله يالغلا
ومادام الدكتوره قالت كل شئ اوكي يعني اوكي
ولاتخافين كنت مثلك اوسوس انوا مافيني حمل لان ماتنسيت بس الحمد لله كل شئ تمام

[« خ ـجل »]

الم الدوره الي يجيك طبيييييييييييعي جدااا انا حصل معاي نفس الشي وكمان مثلك اجهضت حملي الاول وهذا حملي الثاني <~الحمد الله

ولا توحمت ولا شي حتى ماكنت احس اني حامل ابدا

مو كل البنات يتوحمون فديتك

[لؤلؤة أمل]

عزيزتي ما كل الحوامل عندهم نفس الاعراض في حوامل يتوحموا وفي الي ما يتوحم وهذا الشي طبيعي جداً والبنسبة للآلم الي تحسي فيه بعد فتره يزول أو أحياناً راح يجيك بنفس موعد الدوره ولا تحاتي أبد ولأنك في بداية الحمل ماراح تحسي بالجنين الحين انتي خليك مرتاحه ولا تبذلي أي مجهود يتعبك وإن شاء الله راح تتطمني وبتروحي مع الدكتوره وراح تشوفيه بالسونار
الله يرزقك يارب بالذرية الصالحة

[ام هناء]

حبيبتي دام الدكتوره طمنتك خلاص مافيكي الا العافيه ان شاء الله

واهم شي ريحي نفسك وارفعي رجولك لمن تنسدحي

وبالنسبه للألم اللي مثل الدوره هذا طبيعي ويجي للحوامل اللي بالشهور الاولى وانا كان يجيني ببداية حملي

والله يتمم لك حملك ويقومك بالسلامه وطمنينا عليكي ياقلبي

[ام حسين الدار]

الله اطمنك على جنينك يارب لااتفكري ووكلي امرك الى ربك وانشاالله اطمنيني عنك يارب

[حرم عبود]

الله يعااافيكم ويطمن قلوووووووووووبكم يااارب العالمين ..

ريحتوووني الله يريح قلوبكم..