صديد المسالك

[قهوة تركيه]

السلام عليكم ورحمه الله وبركاتته يسعد صباحكم حبيباتي
انا لي فترى واشكي من الم باسفل بطني تحت اخر شي مااقدر اثني رجلي وسويت تحليل التهاب بول وانتم بكرامه طلعت معاي صديد بالمسالك نسبته قويه ثمانيه من عشرة وخافت الدكتورة وعطتني مضاد قوته 500اسمه زينات ولاغير شي شي بسيط بس الله يعافيكم حوامل وجميع خواتي اللي تعرف شي يخفف الالتهاب مرة متعبني
تقبلو تحياتي

[منى العين]

حبيبتي انا مثلك بالضبط وابي حل واحين غيرت المستشفى بكبره واشوف
اذا في دكتوره شاطره

[هيبة أنثى]

حبيبتي انا كان عندي صديد قبل الزواج واعطتني الدكتوره مضاد بس ناسيه اسمه
وقالت كثري شرررررررررب الماااء والحمدلله بعد اسبوعين من المراجعه اختفى نهائيا

واعتقد سببه على كلام الدكتوره انه احتقان باللوز وماعالجته صح ونزل تحت عباره عن صديد والله اعلم

قدامك العافيه حبيبتي
دعواتك ربي يثبت حملي

[قهوة تركيه]

يعافي قلبك ويسلمو على المشاركه خواتي
انا والله مايجي لي الا بالحمل وانتي تعرفين بالحمل تزيد الاوجاع
الله يجعله تكفير ذنوب يارب

[سماء الاحساء]

ياهلا وغلا نفس حالتي وأخذت تحميلات ومضاد ومرهم وما يجيئني الا بالحمل عاد مدري راح او بعده لان موعدي الاسبوع ألجاي والله يستر من النتيجة

[Sammar]

الله يشفيكم ويقومك بالسلامه يارب ..

[محبوبته]

اهلين اختي انا كان فيني ورقمه سالب100 اعلى رقممممم
واعطتني الدكتوره اوقمنتين وفوار وتحاميل ومضادات كثيره ولانفعت
وبعدها رحت ع دكتور مسالك وصرفلي زينات لمدة اسبوع والحمدلله نزل الرقم ع طول
وكملته اسبوع ثااني وراح وصار طبيعي الحمدلله .. لكن قبل يومين حللت وقالت رجع الالتهاب لكن بنسبه خفيفه
وتقول اللي يجيها صديد قووي يروح ويرجع ..
انتي رقمك مو عالي مره ان شاء الله يروح ومايرجعلك ..
استمري ع زيناات واهم شيء بالموعد المحدد والله يشفيك يارررب

[ليال الشتاء]

انا كنت مثلكم اتعب منه وخاصة في الحمل وبعده وكانت مره تتعبني لكن الحمد لله لقيت دكتورة شاطرة وتقول بعض الناس يكون عندهم استعداد يجيهم الصديد كل شوي وانا منهم
وقالت الحل بسيط جدا كثري مويه وروحي الحمام الله يكرمكم كل ساعتين حتى لو ما حسيتي ان ودك تروحي روحي عشان يتجدد البول وانتم بكرامه وما يتركز ويصير صديد
والحمد لله عن تجربة لي اكثر من سنه ما اتعبتني وفي حملي هذا الحمد لله ما اتعبتني ولاحسيت فيها

[قهوة تركيه]

الله يسعدكم جميعا ويقوم كل حامل بالسلامه وانا الحمدلله لسى معاي بس الحمدلله ع كل حال

[ام فـواز]

نفس الحالة والدكتورة انصحتني بشراب التوت يباع في البرادات

وشراب بربيكان اللي هو الشعير