جبت له بنت ولا هو مهتم فيني

[الجوري الحربي]

السـلام عليكم ورحمة الله وبركاته


كيفكــم حبيبــاتي

وربي انامتضايقه ولا اني متضايقه ما ادري شنو اقولكم


انا لي ثلاث اسابيع جايبــة بنــت والحمد الله وانا عند أمي في الشرقيه وزوجي في القصيم

ويم جــبت البــت زوجي كان مقفل جواله وهو يعرف اني في المستشفى منومه وعلى وشك ولاده

وجــبت بنــت والحمد الله وقامو أخواني أتصلو على زوجي ولكــن جواله مغلق واليــوم الثاني فتح جواله وقال مبروك ويوم سألته متى بتجي قال بعد سبوع وربي حطمنــي وأخوي الي اكبر مني عصــب قــال وربي لا أمسسكــة وأذبحــة مع أن زوجي وأخوي أكثر من أصدقـاء ولــكن زوجــي بعد سبوع جاء وحتى ما جلس معي ثلاث ساعات على بعضها يا نايم ولا انه طالع وبعد ما خلص من المستشفى على طول مشى للقصيم وأتصالاته علي أقل من قليل شنو أسوي وأنا وربي ما أقصر معه شنو اسسسسوي

[شوق وحنين]

لا حول ولا قوة إلا بالله..

يعني اهو تفاجأ إن المولودة بنت؟ ما كنتو عارفين من قبل؟
هاذي أول طفلة لكم؟

[الجوري الحربي]

اهليــن حبيبتي أهو يعرف انو بنــت وكــان يبغــى يسميهــا وأهو فرحان قبــل الولادة بــس ما ادري عنوه تغيــر....

يــارب رحمتــك

[احساس أنثى]

حبيبتي اتركيه لين يرجع له عقله

اصلا تحديد الججنين يرجع للرجل

هوا مايعرف انه منه هالشي

يحملون المرأه كل شي بهالدنيا

وغيرنا يتمنى يسمع كلمه ماما

لاحول ولا قوة الا بالله

[روز بااريس]

شوفي شي يقهر صححح

بس انتي اتررررركيه وعيشي هاللحظات الحلوة

اذا دق اوكي ماادق لا تدقين ولاتخلين احد من اهلك يدق خلاص جاء وشافكم

وين بيروح مصيره بيرجع لاتقهرين نفسك

اذا عدت فترة الاربعين وهو على حاله كذا وقتها اتكلمي معه
والله اعلم وشفيه ...

[:: Galaxy ::]

يا الغالية اتركيه واشغلي نفسك بالبنوتة الجديدة و بيرجع للصواب إن شاء الله
بس إتركيه شوي يمكن في شيء مضايقه ،، حاولي تسأليه لو قدرتي

[ام البنوته الاموره]

ياحبيبتي لاتشيلين هم انتي شايله هم وهو مادرا عنك اقول استانسي بالبنت واكلي الي تحبين وتكشخي مو شرط له لنفسك علشان تتغير نفسيتك وعيشي حياتك هذا الي كتبه الله مو بيدك وهو مرده بيرجع بس انتي واهلك لاتدقون عليه متى مابغا يجي حياه الله وحسسيه انك مو ندمانه لانك جبتي له بنت هو المسئول بعد الله انتي مالك ذنب ويمكن تكون البنت الي كتبه الله لك احسن من الولد احس اني طولت معليش من قهري من غبى زوجك اسمحيلي لاتزعلين

[ام حلوومه]

لا تظنين فيه ظن سوء ..... يمكن معاه مشاكل ومايبغى يتعبك معاه وانتي توك والده .... حبيبتي ريحي اعصابك وربي يرجعه لك بأحسن حال . ياارب

[زهور لاتذبل]

عادي يا قلبي بعض الرجال يحتاجون فترة هدوء دامه قبل معاك زين المهم انتي ارتاحي ولاتطاردينه الله يوفقك

[رواسي]

والله لو انا مكانك لوسع صدري عند أهلي وادلع نفسي واهتم في بنوتي
واذا خلصت الاربعين
غيرت من اللوك ودلعت نفسي لنفسي مؤ علشان احد
وهو مصيرة يرجع ماراح يطير
واذا مارجع قلعته لاتضيقين صدرك ولا شي عادي
اشغلي نفسك في القمورة اللي ربي وهبها لكم
ولا تكثرين عليه اتصالات وسؤال مصيرة راجع