حياكم بموضوعي يااغلى عضوات : انصحوني بمستشفى ممتاز بالرياض اولد فيه ؟؟

[روح أمه]

مرحبا ياغالين
حبيت أسألكم وآخذ رايكم ياعضواتنا العزيزات انا حمال الله يتمم لي على خير ولسى مافتح مابديت اراجع كله حيرة واشاور نفسي وابحث حصلت كثير بنات يمدحون الدكتورة نادية اللي كانت بمستشفى دلة بالرياض بس يقولون الحين راحت من تعرف وين احصلها فيه
ابغى اراجع عندها وتولني بالمستشفى اللي يقع اختيياري عليه
طبعاً انا من دون تأمين وسمعت انها تراجع. للي معاهم تامين بس هل الكلام صحيح ؟
وهل لها مستشفيات محددة تولد فيها؟
في حال ماحصلت لي تشورون علي بممتازة ولمياء بمستشفى دلة؟
وحبيت آخذ خبراتكم بمستشفى البريطاني تنصحوني اولد فيه ؟
سمعت انو ماعندهم بنك دم ومايقدرون يساعدونك في حال تعسرت الولادة لاقدر الله ماادري هل الكلام صحيح او لا
طبعا بتقولون كيف اولد عن لمياء او ممتازة بطلبهم يجون للبريطاني
ااي خبرة ومعلومات صحيحة ارحب فيها متشكرة لكم

[روح أمه]

تسع مشاهدات ولا رد واحد

[umm saad]

المستشفى البريطاني اسمع دايم يمدحونه اللي يولدون عنده
بسس للأمانة م جربته
وما حبيت اطلع وما ارد عليك
الله يسهل عليك يارب ويكتب لك الطبيبة اللي فيها خير

[روح أمه]

المشاركة الأصلية كتبت بواسطة umm saad

المستشفى البريطاني اسمع دايم يمدحونه اللي يولدون عنده
بسس للأمانة م جربته
وما حبيت اطلع وما ارد عليك
الله يسهل عليك يارب ويكتب لك الطبيبة اللي فيها خير

تسلمين ياقلبي جزاك الله خير
امين
لكن يمدحونه من اية ناحية هل الولادة او الخدمات والتعامل؟

[روح أمه]

من عندها خلفية يااخوات تفيدني

[روح أمه]

33مشاهدة والرد واحد

[شـــــوق]

الله بسهل عايكم حبيبتي والله ماعندي خلفيهعن المشتشفين بس يمدحون الابريطاني

[العاااالي مستواها]

يالغاليه اذا زوجك عسكري افضل شيئ المستشفيات الحكوميه العسكري اوقوى الامن هيه افضل شيئ في الرياض

للامانه انا ماجربت التجاريه ماجربت الا العسكري وهو جدا ممتاز

ربي يكتب لك ساعه مباركه والتيسير من رب العالمين والاطباء اسباب فقط يالغاليه

[روح أمه]

من عندها خلفية بتكلفة الولادة سواء طبيعي او قيصري بالسعودي البريطاني بالرياض تفيدنا

[نهال الدوسري]

السلام عليكم ورحمة الله وبركاتة

والله انا قبل اولد تعبت وانا احوس واسال عن المستشفيات الاهلية والحكومية وكل وحدة تمدح مستشفى والثانية تجي تذمة عموما ترا الولادة والله تساهيل متى ماسهل لك الله لو حتى تولدين بالبيت بتمدحين نفسك وتقولين يازين ولادة البيت
اهم شي من الحين اقري ادعية تسهيل الولادة عادي ماتاخذ منك وقت

بالنسبة لي انا ولدت بالشميسي مع ان فيه كثير يذمونة بس والله نظافة ومعاملة زي العسسل لدرجة اني وانا اطلق سبيت ولعنت فيهم وهزئتهم ومااسمع منهم الا كلمة ياماما ياحبيبتي
واذا تبين مستشفى اهلي عندك دار الشفا اللي بالخزان اطلبي الدكتورة مها بسيوني قليله عليها كلمة ذوق وعسل الولادة قيمتها 3 الالاف واذا تبين تراجعين عندها هي بمستوصف دوفن بعد بالخزان
عاد مادري عن مستشفيات الشمال لااني ساكنه بالشفا
والله يوفقك ويسهل عليك يارب