بشروني الله يبشركم بالخير

[saya5005]

السلام عليكم ورحمة الله وبركاته
كيفكم بنات
انا من متابعاتكم بالمنتدى بس من وراء الكواليس وقررت اخيرا اشترك معكم حتى تفيدوني
طبعا انا متزوجه من تسع سنوات وربي ماكتبلي احمل لان زوجي عده ضعف وقله بالحيوانات المنويه وهالشي ماحد يعرفه لا اهله ولا اهلي وانا دورتي مخربطه ..وكانت لنا صولات وجولات بالمنشطات والانابيب والتلقيح ... الحمد لله على كل حال

دورتي متأخره من فتره يعني من كم شهر وهذي مو بأول مره رحت للمرخه الشهر اللي فات وقالت لي ان رحمي تمام ومعتدل ومااحتاج تمريخ بس قالت لي استخدم عشبة المدينه وكف مريم عشان تنشيط للمبايض وزوجي استخدم عسل جبلي مع شوية حلبه

المهم مدري وش طرا في راسي قلت له جيب تحليل حمل فيرست ستيب اللي غطاه كحلي
حللت طلع لي خط غامق وخط باهت جدا جدا حتى شكيت اني اشوفه كأنه ظل حتى زوجي بالغصب شافه وقلت له جب اثنين برضو اتأكد اليوم الثاني حللت واحد بطلعت الروح يبان
وجلست فتره لين الصبح وحللت نفس الاول خط غامق والثاني كأنه خيال ..فرحت وخفت في نفس الوقت .. ابغى اروح احلل دم بس خايفه اسمع كلمة مافي حمل من كثر ماسمعتها ..الحمد لله بس
قلت له جب لي تحليل من ابو عشره اللي بقطاره
حللت الصباح طلع خط واحد انصدمت وزعلت وراح جاب لي جهاز مثل الاول نتأكد وحللت صباح اليوم طلع برضو خط غامق والثاني باهت مثل الظل يالله تنشاف وكلها بالدقايق الاولى وهالكلام كله خلال هالاسبوع

اللحين مدري حامل والا لا حبيت تشاركوني من صار لها مثلي وليش يطلع باهت كذا يكون حمل ضعيف او باقي ماله اسابيع

اكيد بتقولون ليه ماحللتي دم وارتحتي ...والله خايفه ومتردده واحس حتى زوجي متردد زيي
بس أكيد باحلل بعد اسبوع

طمنوني بنات من تجاربكم الله يجزاكم الجنه ويرزقني وياكم الذريه الصالحه يارب