تعبت مع بناتي الله يصلحهم ارجوكم ساعدوني كيف اعاقبهم من غير ضرب

[عاشقة السنيكرز]

السلام عليكم ورحمة الله وبركاته

كيفكم ان شاء الله بخير


مشكلتي مع بناتي طبعا بناتي صغار ماهم كبار اكبر وحده بتدخل 6سنوات
المهم ان كل وحده بتغار من الثانيه وكل يوم صياااااح 24مع انهم مو مدلعين عشان بقول مدلعه
تبي تمشي كلامها بس هم مدلعين عمرهم على اي شي صياااح ويرمون نفسهم بالارض ويكملون صياح
ما احد يسمع الكلام الا نادر واحيانا اطلب من وحده وما ترضى تقوم بس اذا طلبت من الثانيه قامت الاولى تجيب
وهواش المشكله اخر شي صارو يمدون ايدهم ويصارخون علي وانا اول مره تصير لي كذا ربيت اخوي بس ما سوالي كذا
طبعا هم غيرانين من خواتهم الثانيات وحده الله يشفيها ما تمشي ووحده صغيره توها تحبي
ولا تعبتي ليه انتي تعبانه ليه دايما مصدعه
تقريبا هذا كل شي الاولى لسه السنه بتدخل الروضه والثانيه 2و4شهور. ابي طرق التعامل معاهم اما اللي ماتمشي
جات بينهم بس ابي اعرف كيف اادبهم من غير الضرب ولا الحرمان لانه مافاد فيهم

وعندي سؤال عن نفسي انا

للامهات اللي استعملو ابر منع الحمل
انا عن نفسي خلتني ما اتحمل اي شي ودايم صداه ودايم معصبه وزاد وزني بشكل فضيبييع
ليته فالجسسم كامل لا بالمؤخره والكرش
ابي حل هل اقدر ارجع ضعيفه انا توني 2ابره اخذتها يمكن الشهر الجاي او نص اللي بعده الابره الثالثه
بس انفجعت متنت حيل وصرت ما اتجمل ازعاج ودايم صداااااع وهم يقولون عادي والدوره تخبط



الله يعين اتمنى تفيدوني اذا كان هالشي يتعلق بالنفسيه

[عاشقة السنيكرز]

ولا رد
ليييييييييه حطمتونييي

[موكاا]

الله يصلحهم ويخليهم لك

سوي لك جدول كبير ولصقيه قدامهم
والشاطره والمودبه اليوم حطي لها نجمه
واللي تساعدك شغل البيت برضه
واخر الاسبوع كافئهم
اللي تحصل نجمات اكثرر

خليها تختار مكان تروحون له سواء مطعم او حديقه او اي شي تحبه
او وديها محل العاب وتختار لها شي

وشوي شوي يبدون يسمعون كلامك

لكن الضرب حااولي قد ماتقدرين ماضربينهم

عامليهم بأسلوب الحرمان احسن من الضرب

[احتشامي سر جمالي]

ربي يعينك ويصبرك

ربي يهديهم ويكبرهن ع خير يااارب

حاسة فييك معاناة الاطفال انا معي ولدين وجننوني

بس فترة وبتهون باذن الله والبنت الكبيرة

بتقدرين توجهيها لان صارت كبيرة وتفهم

حاولي تقللي من عصبية وغرقيهم حنان

تراني اوجه هالكلام لي كمان هههه

[ام البنوتة]

الله يكون في عونك اختي وربنا يهديهم ان شاء الله
بس احسن شيء نظام الثواب والعقاب يعني اللي تعمل شيء كويس تكافئيها واللي تغلط تحرم من شيء بتحبه