اعراض الحمل واخرتها . . .

[عشقي هواك]

صباح الخير والسرور حوامل
بقول لكم اللي صار معايه الشهر اللي طاف
انا توني عرووس اليوم صار لي شهر المهم
الدوره متاخره علي 5 ايام وحسيت بوجع الدوره وحتى احس بنقزات ف اليسار وجع في
ظهري وبطني من تحت حتى عطوراتي كرهت ريحتهن واكل وايد قبل ماحب اكل الا شوي
كنت مسافره يوم رجعت كان فليل للبيت نزل علي دم وايد قلت هاي الدوره
ويوم شفت اليوم الثاني نفطة وبعدين افرارا\زات بنيه وبعدين ماعاد نزل شي
وقلت اذا مانزل علي شي بعد يومين بروح المستشفى قالت لي الدكتوره يمكن حمل
بس انتي توج معرسه مابيطلع الحين بعد اسبوع تعالي سوي التحليل اذا مانزلت عليج الدوره
وقالت لي انتبهي لعمرج يمكن فيه حمل وانا مستانسه وابشر ريلي عاد ريلي مب مصدق ابدا حتى مب مستانس قالي مابصدق لين تطلع النتائج التحليل حتى من الوجع القوي اروح المستشفى واترقد عندهم وبعد مارديت البيت الصبح انها يت واموووت قههههر وانا مستحييه من ريلي اقوله حامل ومستانسه واخرتها تنزل الدوره الحمدالله ع كل شي فيها من الله خيره

[ر ي م]

اول شي يا قمر مبرووووووك الزواج حبيبتي
ثانيا عادي تصير لخبطة هرمونات من الزواج وكذاا ..

وانا انصح اي وحده تتخبط بهالاعراض وتشك من الدم الي ينزل عليها من لونه او غزارته بعد تاخر الدورة خمس ايام اقل شي تحلل تحليل منزلي لانه لو في حمل سبحان الله الهرمون مو بسرعه يروح من الجسم ...

ان شاء الله الشهر الجاي تحطين موضوع تبشرينا فيه بحملك :)

موفقه

[GISS]

ان شاء الله الشهر الجاي تحملي و تبشرينا

[عشقي هواك]

تسلمن ع الردود فديتكن
الله يباركلج غناتي
اميييين الله يسمع منكن
المشكله اني يوم كنت مرقده ف المستشفى مسوين لي تحليل دم قالوا سالب بس قالوا يمكن مايطلع الحين لانج توج معرسه سويه بعد كم يوم

[أميرة الدنيا]

ان شاء الله الشهر الجاي تبشرينا بحملك
انتي توك عروس وتصير فيه لخبطة بالهرمونات

[دانة الأحرار]

حسبي عليهم المستشفيات الخاصة يأملون الوحدة و فالأخير بس نهب !!

آخر دكتورة رحت لها قالت لو ماطلع فالمنزلي مافيه حمل يعني مافيه و مدري هل هي صادقة أو لا !!!

[neeevooo]

عادي حبيبتي مافي مشكله توك عروس عيشي ايامك واستانسي
وعن الاعراض ما تركزي معها وايد

[سحر هشاام]

موضوع رائع جدا عن اعراض الحمل وانا استفدت منه كثير