تعالى اقولك غير مسجل اعرف منين انه هيكون زوج كويس

[أم مهند *حبيبى*]

(1)
اختبرى مدى ارتباط الإنسان ده بأصدقائه، يعنى لو طول الوقت بيتكلم بصيغة (احنا) عليه هو أصحابه

فده معناه ان الشخص ده مش هايكون من النوع (البيتوتي) اللى هايفضل جنبك طول اليوم
وده فى حد ذاته مش عيب، لكن لو الموضوع زايد عن الطبيعي
فده مؤشر الى انه احتمال لا تجديه و قت احتياجك له فى المستقبل

(2)

اعرفى مدى ارتباطه بالآخرين أو بالأشياء الآخرى، هل هو مستقر فى شغله؟
هل كان له علاقات سابقه متعدده؟
هل سافر و غير مكان إقامته اكتر من مره بدون سبب وجيه؟
الانسان اللى بيغير كتير، سواء فى شغله أو بيته أو حتى فى عربيته ده ممكن جدا يكون انسان ملول، بيزهق بسرعة ولايطيق الارتباط أو الالتزام لفترات طويله
وبالتالى ممكن يتهرب من التزاماته ناحيتك مستقبلا.

(3)

انتبهى جدا لطريقة معامله والده لوالدته، ففى اغلب الأحيان الإنسان بيكرر أسلوب التعامل إلى شافه فى بيته بشكل لاواعي، فلو كان والده من النوع الغير متحمل للمسئوليه يبقى احتمال كبير جدا انه هايتصرف بالمثل.

(4)

إيه خبراته عن الزواج؟
يعنى أصحابه أو قرايبه المتزوجين، هو شايف زيجاتهم ازاي؟
لأنه برأيه فيهم هاينقل لك فكرته و اعتقاده عن الزواج و الارتباط، والى هو شايفه حلو أو وحش فيهم.

(5)

حاولى تكونى معاه فى مكان فيه اطفال لبعض الوقت، يعنى مثلا زياره عائليه أو عيد ميلاد، أو حتى حديقه عامه، وشوفى طريقة تعامله و احتماله للأطفال، هل هايلاعبهم و يهتم بيهم، ولا هايبعد عنهم وكأنهم غير موجودين، ولاهايتأفف منهم و يتضايق من دوشتهم؟وكل ده هايديكى فكره عن مدى تقبله للأطفال عموما .

(6)

وأخيرا ماهو حجم الوقت و الجهد الى بيمنحه لك ولاهتماماتك؟
هل عنده استعداد يسمعك لمده كافيه ولا مش بتقدرى تكملى معاه موضوع واحد؟
هل ممكن يروح معاكى مشوار يخصك حتى لو مايهموش؟
هل ممكن يتحملك فى وقت ضيقك زى فى وقت فرحك؟ ، هل ممكن يضحى بحاجه هو عايزها لو أنت مش عايزاها؟
اعتقد انك لو قدرتى تجاوبى على الأسئله دى هاتكونى بكده قدرتى تكونى فكره واقعيه عن الانسان الى هاترتبطى بيه، وهل هو الشخص المناسب ولا لأ.

[ام حامد عبد المنعم]

الله يعطيك الف عافية يا حبيبتي على الموضوع الرائع والمعلومات القيمة

[بنوته حلوه]

الله يعطيك الف عااافيه

[مهرة]

يعطيك العافيه ماقصرتي

[حنان الغريب]

يعطيكي العافية حبيبتي ما قصرتي

[درين]

الله يعطيك الف عافية يا حبيبتي على الموضوع

[دموع الليل]

يعطيكى العافيه

[عطر الربيع]

[linaislam]

يعطيك الف عافية

[يارب أرزقني طفلااا]

يسلمو ايديكي عن جد كلامات لا تقدر بثمن مشكوره عزيزتي