مجمع الملك فهد الطبي بالظهران

[هتووف]

السلام عليكم


كل عام وأنتم بخير ... الموهم أنا أراجع بمجمع الملك فهد الطبي بالظهران حبيت أسأل كيف المواعيد لأنها طويله .. تخيلو موعدي الجاي 10 /1 وأخر سونار سويته بالأسبوع السابع وخذو تحاليل مني وقالت الدكتورة كل شي سليم وتمام تحاليلك والجنين والنبض خلاص لاتجين الا ع موعدك الجاي

و ياليت اللي تراجع فيه وولدت تتكلم عن تجربتها ويكون تجمع لنا

[Orchid109]

والله حبيبتي
موعدك مرة بعيد الله يعينك ويصبرك بس

بالنسبة لي ماعندي اي خلفية عن المستشفى
وان شاء الله الصبايا يفيدوكي

[مهرة خيالها]

افضل تراجعين كل شهر بمستوصف لانك بكل مرحلة تحتاجين كشف وعناية وادوية

[Just Hope]

معروفه مواعيدهم مره بعيدة
وغريب منهم سمعوك النبض بدري

انا ما سمعوني الا لما خلصت الشهر الثالث وما بدو المواعيد الا عالرابع وكل خمس اسابيع موعد

واتوقع من الزحمة اللي عندهم ما عاد يهتمون حيل
ما شاء الله خصوصا هالسنة احس الحوامل فيه كثير حتى الموظفات عندهم كثير حوامل

[هتووف]

والله حبيبتي
موعدك مرة بعيد الله يعينك ويصبرك بس

بالنسبة لي ماعندي اي خلفية عن المستشفى
وان شاء الله الصبايا يفيدوكي

مشكورة والحمد الله كل شي كويس


مهرة خيالها


مشكورة وهذا اللي بسويه

معروفه مواعيدهم مره بعيدة
وغريب منهم سمعوك النبض بدري

انا ما سمعوني الا لما خلصت الشهر الثالث وما بدو المواعيد الا عالرابع وكل خمس اسابيع موعد

لان كان عندي موعد من أول معاهم ولما جا الموعد حملت الحمد الله .. حتى الدكتورة بالعيادات الأوليه استغربت ليه شفته وسمعت النبض قبل لا أخلص الثالث

طيب الولادة والخياطه فيه كيف ؟؟

[خيمه تركض]

انا ماجربته

حالياً من حملت وانا اراجع بمستوصف الدوحه الاهلي عند الدكتوره منى
مرررره جنان واسلوب ياخذ العقل مَ شاءالله عليه
تفتح النفس ، والمستوصف اغلب شي مافيه زحمه وهذا حلاته


جربت الدكتوره اشجان بمستشفى الروضه بالدمام حلوووه معاملتها بس تماطل
ومو سريعه

[جروح المشاعر]

السلام عليكم
المجمع العسكري حلو بس عيبه المواعيد بعيده
الافضل تراجعين في مستوصف خاص وتولدين عندهم
انا كنت ارجع عند دكتوره نيفين في مستوصف فجر الدمام
مره شاطره مدري موجود او لا بالنسبة للاولاده حلوه الولادة
فيه من ناحية النظافة والعناية والزنجيات حنونات كثير بس ملاحظه اذا عطوك مواعيد
لاتفوتيها علشان يتابعون حالتك اول باول انا كنت اروح مواعيدهم والمستوصف الخاص
اسفه طولت عليك واي استفستار اساليني بالخاص

[إحساس إمرأة]

ان شاء الله البنات يفدونك ياقلبي
انا من الرياض للاسف ♥