هل ممكن يكون حمل !!

[أوتار هادئة]

السلام عليكم و رحمة الله و بركاته
شحالكن خواتي عساكم بصحة و عافية

خواتي عندي موضوع و محيرني وايد و ما عارفة شو اسوي

بقول لكم كل شي بالتفصيل استحملني شوي

اول شي بتاريخ 17-11 نزلت علي الدورة و كانت خفيفة و تمت يومين و وقفت و كان لونها احمر فاتح و كانت بدون رائحة
بعدها باسبوعين استوى لي أنا و ريلي حادث بس كان بسيط بس ما اعرف ليش ظهري من تحت عورني و تم كم يوم يعورني و كانت هالايام فترة تبويض و بعدها بيومين كنت امشي و حسيت بالم فضيع في ظهري و نزلت علي افرازات بنية و دم خفيف و وقف

بعد ما نزل هالدم باسبوعين نزلت علي الدورة بتاريخ 18 -12 و كانت بعد خفيفة و تمت 3 ايام بس قبلها كنت احس بعوار ف صدري و هاي اول مره ف حياتي احس بعوار ف صدري و بعد الحلمة اغمق لونها
بعد ما تغسلت من الدورة بديت احس انه المنطقة ضيقة حتى كنت اسأل ريلي أقوله انت تحس انها ضيقه صح يقول هيه انتي شو مسوية فيها ههههه و لين اليوم و المهبل ضيق و احس بالم الصدر بين فترات
و كنت أوقات احس عندي الم عند السرة مثل الشد و هاليومين بديت احس بالم اسفل بطني و صح بعد بعد الدورة كنت احس بلوعه و أبا ارجع بس ما اقدر

قبل كنت احس بالم عند الجوانب فاعرف انه ايام تبويض بس ها لشهرين ما احس بالم عند المبايض

و الحين ما عارفة هل ممكن يكون حامل او التهابات بس أنا ما احس بحرقان

[أوتار هادئة]

19 مشاهدة و لا رد :(

[نسيم ليل]

اذا شاكه انو حمل حللي حبيبتي او روحي للدكتوره و لا تنسي تطمنينا الله يرزقك و تطلعي حامل يا رب

[ام روزي ويوسف]

يارب يكون حمل وتبشرينا

[مسك أبيض]

انتظري لموعد الدورة واذا تأخرت يوم حللي منزلي ويبان ان شاءالله و الحمدلله على سلامتك انتي وزوجك

[ahlam-f]

كم باقي على دورتك ؟؟

[الجوهرية]

الظاهر ان دورتك باقي عليها يومين لو شفتيها اتأخرت حللي وياااارب تطلعي حامل

بس اللوعة الي كنتي تحسي بيها بعد الدورة مو حق حمل اللوعة تبان بعد تاخر الدورة مو بعد ماتخلص

[المتفائله خير]

ربنا يرررزقك عزيزتي ...

[المتأملة خيرا باذنه]

الله يرزقنا وياك وكل مسلم الذريه الصالحة المعافاة يا رب قريباً ❤❤

[أوتار هادئة]

مشكورات خواتي ع الرد
باقي ع دورتي اسبوع
بخصوص الفحص طلبت من ريلي اييب لي جهاز فحص مب راضي يقول كيف حامل و الدورة تنزل
و من صوب ثاني أختي تقول ممكن تكوني حامل لان في ناس تجيهم الدورة مع. الحمل و مرت اخوي قالت لي نفس الشي لان بنت خالتها ما عرفت انها حامل الا و هي ف الشهر الرابع

أنا الي استغربه موضوع الدم الي نزل قبل الدورة باسبوعين و موضوع الضيق
و الحين أوقات احس بالم ف البطن و ينزل إفرازات صفرة مع بنية

الله يسلمكم خواتي