انا متاكدة في شي غلط

[إيفان]

مرحبا صبايا وكروشات المنتدى كيفك الحال زمان عنكو صحيح ما بعلق وما بنزل مواضيع بس كل يوم بقراء موضيعكو والي عندي جواب ما ببخل عليها
المهم بنات انا حامل 30 اسبوع و4 ايام يعني 5 ايام بفوت الثامن المهم اليوم رحت الدكتورة الثلاثي لانو اعفائي بالتجديد ما قدرت اروح دكتوري من شهر ونص الي بتابع عندو وفحصت وقالتلي كلشي تمام وكمان من 3 اسابيع عملت الرباعي وكمان الحمد لله كلشي تمام
انا كنت مأجلة مشواري اليوم للاحد لأفوت الثامن بس شوفو شو وضعي لقبل امبارح من يوم بلشت احس بالحركة مشاء الله رفص ودفاشة 24 ساعة ولا بتهدى الي ببطني وبوجع كمان يعني دفشة ومو ناعمة وحركة تبارك الرحمن بس امبارح واليوم يادوب حاسة بالحركة وبحس كيف اوصف كأنو حية ببطني بتتحرك سبح مش زي حركتها المعتادة رفص براسها واديها وبتتشقلب الاحساس هذا مخوفني وكمان اليوم قالتلي الراس لفوق تحت صدري مباشرة يعني راسها مو لتحت للبنوتة بس بنات صدقوني جسمي بقولي في شي غلط بحس نغزات تحت بالمهبل وكإنو في شي راح ينزل وصرت منقطة كم نقطة بول بهالساعتين مع اني من اول فتره بحمل اول شهرين بس كنت انقط وبعدها وضعي صار طبيعي اعفائي لهلا ما طلع وبخاف اكون ع وشك ولادة مع انها نفت هذا الشي الدكتورة بس بكرر جسمي بقولي في شي غلط اني راح اولد طبعا ماخذة حطياطي بس ظل انظف جسمي من تحت وكنت بستنى بصراحة افوت الثامن يعني مأجلة الموضوع بس شكلي بنظف لو قدرت وكمان هلا عند اهلي امبارح حسيت حالي دايخة وتعبانة وراسي طول الليل بوجعني وكمان ظليت ابكي نفسيتي كانت كثير سيئة بنات مثل ما المعظم عارف هذا اول حمل بعد3 اجهاضات ولأول مره اوصل هاي المرحلة فكرة اني اخسر هذا الحمل مخوفاني مع اني من قبل لاحمل وانا مستمرة قران ورقية شرعية يوميا فشورو علي شو اعمل الدكتورة بتقول تمام وانا جسمي بقولي العكس وزوجي براسو هلا مشكلة كبيرة لأخوة وما بدي ازيد همو هم وبنفس الوقت ما بدي اسكت ع حالي بلاش اخسر حمل وبصيبني من امبارح كم مغصة ببطني ووجع بسيط بآخر ظهري

[em tamer]

حبيبتي ايفان استهدي بالله وتعوذي من الشيطان والوساويس
فهمانة عليكي شو احساسك لانه مريت بنفس الحالة انا حامل بالاسبوع 33 ولله الحمد بعد اجهاضين والخوف بيضل موجود بس لازم نسيطر عليه مو هو يسيطر علينا
بنسبة للنخز اللي تحت واظن انك بتحسي زي كانو في شي رح ينزل منك او بتولدي بمعنى اصح هاي بتكون وضعية البنوتة الله يفرحك بشوفتها بترفس برجليها لتحت لانه راسها فوق ولاتنسي تنه ماشاء الله صار حجمها كبير ومافي مساحة كافية لتتحرك بحرية وانا هاد مو كلامي هاد كلام الدكتورة بعد مافحصتني بالسونار شفت راس بنتي فوق ورجليه تحت وبتدافش فاحساس غير شكل وبيوجع وبيخوف بس الحمدلله اطمنت على الوضع
ريحي حالك ولاننسي الخوف والنفسية السلبية مو من مصلحتك هانت ماضل غير القليل وربي يتمم علينا بالحير ويقومنا بالسلامة احنا وعرايسنا الحلوات
لاتنسيني من دعواتك وبتمنى اكون افدتك
واي استفسار انا حاضرة

[إيفان]

يسلمو كثير يا قلبي والله انا الي خوفني انو فجائة صارت الحركةهيك يعني مو بالتدريج لهيك خفت واني راح ينزل مني بإي لحظة البنوتة هذا بخاف يعني والله نمت امبارح ع اعصابي وطول اليوم اتحرك ع اعصابي متكلة ع الله بس انا حابة ما اسيب شي للضروف يعني اخذ كل إحتياطي بجوز كمان لإني ما اكلت حلو كثير من يومين كوني مشاء الله 24 ساعة جوعانة وإيدي بتمي ودايما بدي أشياء تسالي شكولاتة خصوص معني ما كنت والله اقربلها بس من يوم عرفت انو بالخامس الي ببطني بنت صرت اشتهي الحلو بجوز من كثر الحلو والشكولاتة بتتحرك كثير وهاليومين زوجي ما قدر يجيبلي لإنو ملتهي بمشكلة مع اخوة يادوب بشوفو ما أكلت بس هلا قمت بالواجب وزيادة جنبي كيس مليان ونازلة أكل هههههههههههههههه ويمكن كمان لأني مقهورة من أخو زوجي وحاسة حالي بدي اموت قهر منو وقهر ع زوجي والي بصير فية أثر ع إلي ببطني

[sukar]

لما كنت بالسابع
كنت احس الرفس بالمهبل كأن البيبي راح يطلع

وسألت دكتورتي .. ضحكت وقالت لي من دون ماتكشف بالسونار

راس الجنين فوق
والرفس كله تحت .. وراح تحسي بثقل لأن الجنين مقعدي

وكشفت بعدها بالسونار وقالت لي شوفي
الجنين جالس راسه لفوق عشان كذا تحسي بثقل والحركة تحت

يعني لاتخافي ولاتوسوسي

وبالنسبة للحركة طالما تحسي بحركتها حتى لو ماكانت قوية
يعني الحمدلله مافيها الا العافية

احسبي عدد الحركات باليوم
لو كملت 10 حركات يعني الحمدلله طبيعي

[em tamer]

صحتين وهنا ع قلبكن اي الاشياء الزاكية بتخلي البيبي نشيط وحركته كثيرة وهاد طبيعي
والمهم تتحرك ومثل ماقلنا النفسية بتأثر برضو والله عن تجربة واللي فلبطن بيتأثرو كمان باحاسيس الام الله يعين بعرف انه الواحد صعب يتحكم في الظروف اللي بتواجهه بس يحاول اقل مافيها يخفف من ضررها على نغسيته وحالته
فكري فبنوتتك و طولي جهازها ورتبيه جهزي شنتة المستشفى الهي حالك بامور حلوة بتخص بنوتتك صدقيني رح تغمرك السعادة وتنسي الهموم على الاقل لفترة والشكولاطة منيح بتحسن المزاج والمشي في الهواء الطلق برضو
الله يهونها ع الجميع ماحد متهني بس نحمد الله ونشكره على نعمه الكثيرة

[sukar]

على فكرة .. ابدأي بالحبي زي الأطفال
عشان يقلب راس الجنين

انا حبيت والحمدلله قلب
بس ابدأي الحين لو كبر الجنين ماراح يقدر يغير وضعيته

والوضعية المقعدي او الجالس .. ما راح تولدي طبيعي لاسمح الله

[إيفان]

انا كل يوم بعمل البيت باللمامة مع اني بعملو كمان بمكنسة الكهرباء بس اسمعت الدكتورة نصحت بنت عمتي بهالحركة مشان وضعية الجنين لأني احيانا بحس حالي مش قادرة اتنفس اليوم الحمد لله مشي مع اني بتعب بسرعة مش طبيعية لو حتى بدي اوصل المطبخ عندي بتعب وبطلب من زوجي يمشيني وهو يقول للتاسع بس اتفقنا بس يتحسن الجو بالاردن لانو شتاء عنا هلا انو بالليل نصير نمشي كل يوم فتره اطول من قبل لاتعود مشان لا اتعب بالتاسع ويسلمو كثير انكو رديتو علي ممكن سؤال بلاحظ من شهرين عندي اعزكم الله عند فتحة الشرج نفسها ملتهبة يعني منفخة وبارزة كثير لبرى مع انو ما في وجع ولا دم هاي اسمها بواسير ولا شو وبتروح بس اولد بعد الولادة ولا صار عندي بواسير لانها المفروض من ضغط البيبي وكمان عندي الشفرات المهبل كثير منفخة يعني حاسة جسمي كلو من تحت تغير

[em tamer]

حاولي تحبي عشان راس البنت يصير تحت لا تمشي كثير بالثامن ع الخفيف بس تفوتي بالتاسع امشي ولا تقصري
بالنسبة للانتفاخ بفتحة الشرج انا كمان نفس الشي وهاد بواسير من الامساك اللي بكون مع الحامل ولانه الحديد كمان بيسبب امساك فبتورم المنطقة والحمدلله انه المها شبه خفيف
انا ماكنت اعرف شو يعني بواسير غير لما شفت الويلات بعد ولادتي الاولى بابني الله يحفظه عانيت مم البواسير لاول مرة فحياتي والكل قالي من الشد الكثير والشغط اثناء الولادة و وجعني كثير مع القطب تبع الولادة وطال الوضع وكنت اعالجهم بمرهم رائع بس بده مداومو لانه مكوناته طبيعية من الاعشاب بس بينباع بالصيدلية
انتي حاول لاتشدي وقت الطلق عند الولادة و اتجنبي بفترة النفاس اكل الخبز والرز عشان مايصيبك امساك يهيجو و الأكل الحار برضو والله يسترها معنا يارب

[الحيـاة أمـل]

الله يهون عليكي ويتمم لك حملك على خير
المهم خلي الهموم بعيدة عنك ولا تفكري فيها بهاد الفترة وفكري بكل شيء جميل ومفرح واخلقي لنفسك جو هادي ومريح ببيتك او زوري اهلك اكثر ادا كنتي ترتاحي عندهم
وثانيا المشي بالشهر التاسع وليس الثامن
ولو خايفة من ولادة مبكرة بسبب نزول قطرات فحاولي لما تجلسي او عند الوقوف تخلي رجليك جنب بعض ..يعني لا تفتحي رجليك اثناء الجلوس بالعكس حاولي دايما تخلي رجليك جنب بعض لانو ثقل البطن مع رجلين مفتوحين طبعا احتمال خروج ماء الجنين وايضا خروج الجنين قبل اوانه
واول ما تحسي باي تعب ارتاحي واستلقي على ظهرك ورجليك على وسادة ولو صعب عليكي استلقي على جنبك وحطي وسادة بين رجليك

[إيفان]

يسلمو ماقصرتو فعلا والله كلامكو صحيح حتى اني بحس بشوية وجع ببطني وحركة البيبية بتوجع خاص مكان راسها انا اليوم بدي اانظف جسمي وعزلت كل البيت زي العادة بأخذ كل إحتياط للولادة المبكرة لا سمح الله هانت كلها يومين بفوت الثامن ويعدي هالشهر ع خير انا بس افوت التاسع لو يوم برتاح وربنا يتمم ع خير