كيس عالمبيض ساعدوني ارجوكم

[صفاء النفس]

السلام عليكم ورحمة الله وبركاته
بنات الله يسعدكن هذا اول مشاركه لي وحبيت اشكركم ياعضوات هذا المنتدى لاني استفدت منكم كثير وتشجعت اسجل بالمنتدى عشان افيد واستفيد ولا انا ماحب المنتديات وربي بس دام فيها فايده هذ امر طيب .
المهم مابي اطول عندي استفسارات وابي اللي مرو بمثل حالتي يجابوني الله يجزاهم خير باختصار بقول قصتي طبعا انا متزوجه من 10شهور ولحد الان ماصار حمل الحمدلله على كل طبعا عانيت من اوهام الحمل من بدايةزواجي الى الان عموما مب هاذي المشكله المشكله طلع عندي كيس عاامبيض اليمين حجمه اتوقع 4مدري كم كيس مو تكيس لانه فيه فرق عموما انا اصلا مصابه بالسكر واحتمال كبير هو السبب الزبده طبعا مايحتاج اشرح لكم الالم والتعب والمشاكل

اللي صارت لي بسبب هاالكيس وربي جاتني الالام اعوذ بالله ان شاء الله اشرحها في موضوع مستقل ..بس تكفون عندي اسئله ابي من اهل الخبره يطمنوني
1/هل الكيس يسبب تاخر في موعد الدوره لانه هالشهر تاخرت دورتي والكيس كان عندي من شهرين وجات الدوره بوقتها الشهر هذا تاخرت !؟
2/طيب احس عالمبيض اليسار نفس اعراض الم المبيض اليمين اللي فيه الكيس هل ممكن انه طلع كيس ثاني باليسار هالفتره !؟
3/طيب خواتي وش تنصحوني فيه هل ابدا رحلة العلاج والا انتظر يمكن ينزل لحاله من دون حبوب وغيره
4/هل في طريقه اقدر انزل فيها الكيس بدون اكل حبوب يعني اعشاب معينه طريقه سهله تكفون ماحب الخلطات ولا الاعشاب بس اذا فيه علاج بسيط وسهل ميخالف
5/ ماهي الاشياء او المؤكولات الي لازم اتجنبها بهالفتره واللي ممكن تضاعف الحاله او تسبب وجودها من الاساس؟
6/ الدوره تاخرت يومين وهي بالعادي ياتتقدم ياتجي بموعدها عمرها ماتاخرت ادري بتقولون طبيعي بس انا عارفه نفسي دورتي ماتتلخبط الا باسباب بس السؤال اذا تاخرت الدوره اكثر من كذا وشنصحوني فيه اخذ حبوب تنزلها ؟ ولا انتظر ممكن صار حمل خخخخ مع اني مستبعده بس ممكن ربي قادر .

وشاكره لكم بس تكفون ابي الي عندها خبره ومعلومات صحيحه وسليمه تجاوب وتطمني انا واللي مثلي طبعا اليس الي عندي يشتبه انه مائي وباقي انا بمرحلة الفحص وبعض التحاليل لسى ماطلعت.

[أحمد حبيبي]

صفاء النفس

حياج الله الغالية بين خواتج

ماحبيت اطلع بدون لا اكتب رد وان شاء الله اللي مرن بحالتج يفيدونج أكثر مني

الله يرزقج الحمل السليم عاجلا غير آجلا ياااااااارب

[ahlam-f]

اهلين فيك حبيبتي بين خووات
وثانيا اذا كان الكيس وظيفي ان شاء الله
بيزل مع الدوره ما منه خووف ..
اما اذا كان طالع فيك كيس اخر
فهذا الشي مايحدده الا السونار
على المبيض ..
الافضل انك تبداي علاج علشان ينزل
لانه اذا ترك ممكن يكبر حجمه ..
اذا الدوره تتاخر يومين او اكثر يكون
بسبب الكيس
لازم تعالج والله يشفيك ياارب

[صفاء النفس]

الله يبقيك اختي ( احمد حبيبي ) ومشكوره عالرد والدعوه
وجزاك الله خير اختي ( احلام ) وكلامك صحيح لازم اعالج ادعو لي الله يشفيني لانه روحة المستشفيات صعبه علي المواصلات وغيرها كثير تفوتني مواعيد بسبب انه يالله احصل احد يوديني الكل يمن ويتهرب الشكوى لله

[اثير بنت ابوها]

انا طلع لي وحجمه كان 4 ونزل مع الدوره ولله الحمد

استغفرت كثيرررر والحمد الله ربي نزله عني

[المتفائله خير]

الله يفرج همكك حبيبتي ويشفيييك

[صفاء النفس]

المشاركة الأصلية كتبت بواسطة اثير بنت ابوها

انا طلع لي وحجمه كان 4 ونزل مع الدوره ولله الحمد

استغفرت كثيرررر والحمد الله ربي نزله عني

ماشاء الله تبارك الله سبحانه الله قادر على كل شي هذا انا اتمنى انه ينزل مني بدون علاجات وخرابيط واكثراستغفار والخ الحمدلله بس المشكله اني انتظر الدوره عشان اكمل فحوصاتي باقي لي اشعه وقالت الدكتوره تعالي ايام الدوره وللاسف الدوره تاخرت الحين لها 3 ايام وانا متوتره ابيها تنزل وافتك بس محتاره شسوي الله يشافيني يارب

[صفاء النفس]

المشاركة الأصلية كتبت بواسطة اثير بنت ابوها

انا طلع لي وحجمه كان 4 ونزل مع الدوره ولله الحمد

استغفرت كثيرررر والحمد الله ربي نزله عني

المشاركة الأصلية كتبت بواسطة المتفائله خير

الله يفرج همكك حبيبتي ويشفيييك

امين يارب جزاك الله خير حبيبتي مشكوره

[راوبه]

حبيبتي انا مريت بنفس مشكلتك و صديقتي بس انا ما تاخرت الدورة كانت نجيني بالم كبير جدا اما صديقتي سبحان الله الكيس كان عندها و تاخرت الدورة و كان حمل مع الكيس الي ازالتو بالدواء بعدين فيا حبيبتي انتظري الدورة طوال اسبوع فان لم تحصل حمل بادن الله و لا تاخدي اي دواء اتمني تشوفي ردي و ربي يشفيك حبيبتي

[أم معاذ إن شاء الله]

اختي الله يرزقك الحمل السليم
حسب علمي فيه واحدة كاتبة تجربتها انها كثرت شرب الماء على طوول اليوم تقسم 3 ل تشربها يوميا فنزل الكيس سبحاان الله

شوفتي شو سهلة الطريقة الله يشفيك و يبشرك و يبشرنا بالحمل