تعالو نفضفض بمشاعرنا ونهون على بعض (التحليل المنزلي خط خفيف وتحليل الدم ساااالب)

[مادونا سعوديه]

مساء الخير عليكم اجمعين بنات
بنات انا الحمد لله رب العالمين اشكر الله على كل شي وراضيه بقضاءه بس بعد ابقى انسانه مشاعر الحزن تسيطر علي يمكن حالي حال اي زوجه بالدنيا الله اكرمها بالحمل الطبيعي وبدون منشطات كنت احمد ربي على هالنعمه دايما صحيح صارت عندي حالات اجهاض انو يتوقف نبض الجنين واسوي تنظيف وبعد الحمد لله حملت بشكل طبيعي صحيح كنت احس بأي زوجه تتعذب لان حملها اتأخر وادعي لها بالذريه الصالحه بس سبحان الله ماكنت اتخيل اني بنحط بهالموقف فصرت استشعر اكثر بالزوجه المحرومه وخصوصا لاني كنت احمل بدون مشاكل او تأخير والحمدلله الذي لايحمد على مكروه سواه
بدخل بالموضوع يمكن صدعتكم بكلامي بس ماعندي احد افضفض له غير هالمنتدى الحبيب على قلبي

صار لي ثلاث سنوات احاول احمل ماكتب ربي سويت الفحوصات سويت اشعة الصبغه الحمد لله كلها سليمه افكر وايد معقوله انسانه طبيبعيه وفجاءه اصير جذيه اقول يمكن احد مسوي لي سحر يمكن عين حسود مااكذب عليكم ان الحسد تاعبني انا واطفالي المهم هالشهر اخذت ابره تفجيريه بدون منشطات لانه صارت عندي بويضه ناضجه والحمدلله طبعا انا كتبت بموضوع قبل اسبوعين ان مفعول الابره راح بسرعه وتاكدت بالتحليل المنزلي باليوم 12 للابره رحت المستشفى سويت تحليل رقمي لاني كنت باخذ مضاد حيوي طلعت النسبه 0,5 يعني نص مافي حمل بس بعد مافقدت الامل رحت البيت سويت تحليل منزلي طلع خط واحد وطبعا كنت اخذ الدفاستون ولمن كملت 14 يوم من الابره وقفت الدفاستون لانه تعبني وايد سوى لي اعراض كأني اتوحم وباليوم 15 من الابره سويت تحليل منزلي وطلع خط خفييييف بعد عشر دقايق وفرحت ورحت بعده بيوم للطبيب قالي استمري على الدفاستون وكتب لي البيبي اسبرين وصرت اسوي تحليل منزلي بانواع ثانيه ويطلع خط خفيف ورحت باليوم 20 المستشفى سويت تحليل رقمي طلع 0,2 يعني نزل عن قبل طيب ليش يطلع بتحليل البيت احترت وقربت انجن يالخطء بالبول حقي يابالدم حقي او مختبر المستشفى

[Roro Ali]

يا حبيبتي الله يعينج والحمدالله ع كل حال
انا باقي لدورتي٦ ايام وشايله بيدي اختبار الحمل ومتردده
اعمل التيست لو بعد وكت خايفه أتمنى تكوني حامل وانا كمان
انشالله يارب وكل وحده بدها الله يفرحنا جميعا

[مادونا سعوديه]

المشاركة الأصلية كتبت بواسطة roro ali

يا حبيبتي الله يعينج والحمدالله ع كل حال
انا باقي لدورتي6 ايام وشايله بيدي اختبار الحمل ومتردده
اعمل التيست لو بعد وكت خايفه أتمنى تكوني حامل وانا كمان
انشالله يارب وكل وحده بدها الله يفرحنا جميعا

الله يسمع منج يارب ويفرح قلبج بالحمل التام السليم

[العليا]

حبيبتي الله يعوضج خير يارب ... كل شي من الله خيره لا تزعلين ... ممم بالنسبه لتحليل المنزلي كانت تصير لي وايد ... مم يطلع خط خفيف في التحليل المنزلي و الدم سلبي و الشهر اللي طاف استوت لي بعد هالحركه ....


مممممم كل شي بيد ربج ... الله يرزقنا هالشهر يارب ...

[مادونا سعوديه]

المشاركة الأصلية كتبت بواسطة العليا

حبيبتي الله يعوضج خير يارب ... كل شي من الله خيره لا تزعلين ... ممم بالنسبه لتحليل المنزلي كانت تصير لي وايد ... مم يطلع خط خفيف في التحليل المنزلي و الدم سلبي و الشهر اللي طاف استوت لي بعد هالحركه ....


مممممم كل شي بيد ربج ... الله يرزقنا هالشهر يارب ...

والنعم بالله سبحانه وتعالى الله يرزقني ويرزقج وباقي البنات

[مادونا سعوديه]

وينكم يابنات الي مثلي بعد انا للحين عندي امل اني اكون حامل

[Areej-27]

ي قلبي توكلي على ربك وان شاء الله ما بيضيع لنا تعب
ارقي نفسك وتحصني كل يوم بعد الفجر وقبل المغرب وحاولي تقرأين سورة البقره يومياً
وتصلين ركعتين ب آخر الليل تطلبين فيها ربك كل ما تتمنين
وان شاء الله ربي يستجيب دعاك ويرزقك بالحمل عاجلاً غير آجل
وي رب تبشرينا بحملك قريب

انا كمان نفس حالتك الاختبار المنزلي خطين واضحين
والدم سلبي والهرموني 1.20 احيان اقول يمكن حمل متأخر وما بين
بس حسب علمي هالنسبه مررره قليله الحمل يكون فوق 5
والدوره للحين ما نزلت صارلها متأخره 12 يوم
والله احترت بنفسي لانه عندي شد ونغزات بالرحم ماني فاهمه شي :(
الله يرزقنا بالحمل السليم المعافى عاجلاً غير آجل

[مادونا سعوديه]

المشاركة الأصلية كتبت بواسطة Areej-27

ي قلبي توكلي على ربك وان شاء الله ما بيضيع لنا تعب
ارقي نفسك وتحصني كل يوم بعد الفجر وقبل المغرب وحاولي تقرأين سورة البقره يومياً
وتصلين ركعتين ب آخر الليل تطلبين فيها ربك كل ما تتمنين
وان شاء الله ربي يستجيب دعاك ويرزقك بالحمل عاجلاً غير آجل
وي رب تبشرينا بحملك قريب

انا كمان نفس حالتك الاختبار المنزلي خطين واضحين
والدم سلبي والهرموني 1.20 احيان اقول يمكن حمل متأخر وما بين
بس حسب علمي هالنسبه مررره قليله الحمل يكون فوق 5
والدوره للحين ما نزلت صارلها متأخره 12 يوم
والله احترت بنفسي لانه عندي شد ونغزات بالرحم ماني فاهمه شي :(
الله يرزقنا بالحمل السليم المعافى عاجلاً غير آجل

الله يسمع منج اريج ولا تيأسين احتمال يكون عندج حمل متاخر انتي بعد صبري وحللي مره ثانيه وان شاء الله تطلعين حامل وخصوصا انج تقولين عندج شد ونغزات وسمعت انها من اعراض الحمل بالنسبه لي انا مو حاسه بشي واليوم وامس حللت منزلي طلع خط واحد شكله التحليل الهرموني اهو الصادق انا بخليها على الله وكل الي يجي من رب العالمين حلو بس تدرين للحين بعد متأمله اني اكون حامل

[هدوء انثى]

الحمدلله ع كل حال وربي يخلي لك اطفالك ويرزقك من فضله
انا عندي طفل عمره سنتين ونص وتركت المانع برمضان وحملت بذو الحجه وكان كيس بدون جنين
اجهضت بصفر وماحملت للحين
لكن نفسيتي عادي ولله الحمد لان عندي طفل مهون علي مع اني حابه اجيب له اخ او اخت
لكن ربي كريم ومايخيب عباده

[Askazya]

انا برضوا طلع نفس الحركة في التحليل المنزلي خط خفيف و حللت ثلاث مرات دم في ثلاث مستشفيات خاصة
عشان اتأكد وكانت الدورة متأخرة ١٢ يوم و نزلت لي وتحطمت ورجعت علقت املي بالله وكل شهر نفس الحكاية
مع بداية زواجي دورتي بدت تتلخبط تتقدم ثلاث ايام و تتأخر و الشهر اللي بعده ١٢ يوم و اللي بعده
تتقدم يومين و اللي بعده تتأخر ١٠ ايام لحدما انتظمت لي و لله الحمد و بكرة موعد دورتي و بطني ذبحني بالنغزات
و الشد من بعد ايام التبويض للحين يعني من ثلاث اسابيع ادري بدري بس وربي الالام نفس الدورة من بعد التبويض
استمرت لي الالام قوية نفس الدورة ثلاث ايام بعدين خفت اشوي بس بعدها موجوة للحين بس اخف من ايام التبويض
وصدري فيه نغزات من بعد ايام التبويض لحدما امس و اختفت بس الالام موجوة و اسفل ظهري برضوا نفس الحكاية من
ايام التبويض للحين ومادري ايش اسوي و دايما اقول كلها اعراض دورة مو حمل و الافرازات نفسها واحيانا تزيد واحيانا تنقص
بس ماتنشف احس برطوبة وصداع رايح جاي ومادري ايش اسوي الله يكتب لي اللي فيه الخير يارب


ربي لا تذرني فرداً و انت خير الوارثين