اختي عمر طفلها شهر وبتسافر ماليزيا فيه خطر عليه؟

[لوليتآآآ]

السلام عليكم
كيفكم ياامهات وياحوامل ان شاء طيبين
وكل سنه وانتم بصحه وعافيه يارب

انا حابه اسال وياليت تجاوبوني اختي عمر ولدها شهر وناويه تسافر ماليزيا سياحه اسبوع وهذا اول مولود لها وامي خايفه عليها وعلي ولدها بس هي مستانسه بالسفريه لانها طوال فترة حملها محبوسه بالبيت وعلى المثبتات لانه حملها كان متعبها شوي
ومبسوطه بالسفريه تبغا تعوض الشهور اللي فاتت بس احنا خايفين ولدها يتعب او شي
ممكن تعطوني خبراتكم هل السفر راح يتعب طفلها والجو هناك ممكن يتعبه ??
اتمنى تفيدوني حبيباتي واسفه عالاطاله

[ورد جوري82]

بصراحه ااسفر متعب مع رضيع عن تجربه
الافضل تخليه عند امك
كلها تسبوع وترجع

[أم جوود.]

الله ماليزيا رؤؤؤؤؤعه رحتلها العام جو ها معتدل ام مع طفلها صعبة وتعب عليها

[لوليتآآآ]

يعطيكم العافيه حبيباتي
امي قالتلها خليه عندي وروحي لاكن هي مو راضيه تقول ماقدر اخليه بفقده حبيبي ههههههه
الله يعينها ان كان تعب عليها عادي بس اهم شي هو مايتعب ونخاف الجو يتغير عليه ويعذبهم فالسفريه ومايتهنو هالاسبوع

[دف القمر]

مو كويس للرضيع السفر خليها تنتظر لحد مايكبر 6 اشهر

[أم حمودي وعبودي]

مو زين السفر للرضيع ممكن تتأذى أذنه من الطيارة أو ينصاب بأمراض معدية

[زوجي قره عيني]

لوليتا كيف حالك طمنيني عنك
ووين ها الغيبة ان شاء الله امورك تمام

[Rancy]

والله انا سافرت تركيا وكانت بنتي شهرين
اشتريت لها قطرة الاذن من الصيدليه عشان خفت من ضغط الطيارة عليها ..
واشتريت لها ملابس شتوية لان وقتها برد ..والحمدلله كانه مو معاي طفله لاني كنت احطها في العربيه وادفيها والحمدلله انبسطت
خليها تتوكل ع الله وماعليها الا امان الله
وخليها تدعي لي بتسهيل ولادتي

[**لولا**]

لا السفر مااااايضر
بس لااااااااازم في الاقلاع والهبوط ترضعها عشان ماتنقفل اذنها
انا دايمن اسافر والحمدلله مافي شي
ولازم تاخد معاها بالطيارة ادول وقطرة اذن وفنستيل وبخاخ انف ماء وملح وشفاط انف احتياطات لو صابها زكام او شي لاسمح الله

بس هو السفر مع رضيع متتتتتتتتتتتتتعب في النوووووم ولا عادي بالعربية ماتحسي فيه ينام ويدوخ بس لازم رضعاته اول بأول عشان مايصيح في الشارع وكل شي مجهز وماليزيا جوها حلو ماعندهم برد

[ميمي A]

من جد تعب السفر مع اطفال خاصه رضيع كل شوي تغير وممكن يكون مغص معه بس اذا هي بتروح

بعطيها نصيحة لطفل عشان ظغط الطياره اول ماتقلع لين تستقر بالجو لازم يكون فيه شيء بفمه لهايه الي هي مصاصه او رضاعه ونفس الشيء وقت الهبوط لين توقف الطياره الضغط مو زين واذا حنا كبار مانتحمل كيف الاطفال يسبب اشياء لاسمح الله باذنه وبسسس حاولي لو كان نايم تهزين الرضاعه او لهايه عشان يتحرك الفك عنده ومايحس بالظغط

استودعتك الله