كروشات مكة اللي تعرف مستشفى باشراحيل تدخل بليييز

[كرستالة مكة]

السلام عليكم ياكروشات

كيفكم مع الحمل وتعبه الله يكتب لنا الاجر

كيف ولادة الدكتورة بسمة في مستشفى باشراحيل من ناحية الولادة والخياطة ومسكنات الولادة من كمام وبنج ؟
وكمان بسالكم عن غرف التنويم كيف نظيفة وواسعة ولا لأ؟
تنفع استقبل فيها ؟؟
لأنه اهلي بجدة وانا رح اجللس في حدود 3 الى 5 ايام وبعدها اروح جدة
منتظرتكم يااحلى مكاويات انا بكرية ومااعرف احد في مكة

[كرستالة مكة]

لالالالا وينكم كروشات معقول مافي مكاويات هنا

[Orchid109]

ماعندي اي فكرة ان شاء الله
صبايا مكة يفيدونك

موفقة

[بحــ العيون ــــــــر]

أراء بعض البنات

انا ولدت عندها والحمد لله ربي يسرلي وكانت طيبه مره واخلاقها عسل حتى خياطتها كانت تمام الحمد لله

بسمه دلع كيف على جنب الخياطه معليش انا بكريه وخايفه وحاولد عند ها
وانتي طلبتيها تجميل وتضيق وضحيلي
قريت في قوقل انها تعمل كبس موخيوط وموفاهمه

اسفه تاخرت في الرد خياطتها جانبيه صعب كنت اتحرك لاني كنت بكريه خيوط اللي شفته انا دحين لي 6سنوات يمكن تغيرت الولاده الثانيه فطيمه مره روعه ما تستعجل وتفتح مره ارتحت معاها بالنسبه للنظافه والخدمه روعه انا اخد غرف الشخصيات المهمه بصراحه مره ارتاح فيها


انا ولدت عند بسمه من شهرين

بصراحه مرررررررررررررره طيبه وتصبر عليك وخياطتها طيبه ولازم اصلا تكون على جنب

لا تخافين وتوكلي على الله واذا عندك اي سؤال اسأليها راح تجاوبك بصراحه هي مرررررررررره اخلاق


هااااااااااااااااااااااي يالغلا بصرااااااحة انا اشوف احسن وحدها ف مكة الدكتورة بسمة مستشفي باشراحيل النورية والله بنت حلال من الطيبة الا فيها انا ولدت عندها بنتي راح نفسية عندها وفوق هذه كله حنونة وتخاف الله فيكي والحين انا حامل وانا و الله اذا قربت ولادتي ما راح افكر الا في بسمة انشاء الله اذا جيت مكة الله يسرة للجميع وبالتوووووووووووفيق


هذي أراء البنات والله يسهل عليكي يارب والله يرزقنا الحمل السليم المعاااااااااااااااااااااافي وكل محروم

[كرستالة مكة]

يسلمو اوركيدا

مشكوووووووووووووورة بحر العيون


ومنتظرة تجارب المكاويات ..

[كرستالة مكة]

اصبحنا واصبح الملك لله

[اشواق الصمت]

اي والله ليت اهل مكه يفيدونا انا كمان ابغا معلوووماااات

[اشواق الصمت]

وحده من صحباتي مثلك محتاره بين باشراحيل و بخش المركز الطبي بمكه سابقا

هيه مهتمه ان زوجها يحضر ولادتها لكن تقول باشراحييل عند بسمه افضل
وانصحك يااختي ترا مو اكيد تولدك نفسها واصلن احتمال مايستقبلو اذكر موضوع وحده كنت اقرأ فيه قبل اسبوع تقول رفضو يستقبلوني لان فيه ٧ ولادات وهي رحمها مفتوح ماقدرت تصبر ف راحت مستشفى ثاني
اسمعي نصيحتي وخذي ارقامهم وقت ماتحسي نفسك بتولدي دقي واستفسري اذا يقدرو يسقبلونك او لا مو تضيعي وقتك

[درووب]

ولدت قيصري فما اعرف للطبيعي بس بسمة لها مدح
الغرفة ضيقة ماتنفع لاستقبال
يمكن الغرف تتفاوت الله واعلم

[طفلة خذت قلبي]

ماعندي فكرة ان شاء الله البنات يفيدونج