المستشفى العسكري بالخرج المصانع من جربت الولاده فيه تفيدنا

[شهودهـ]

السلام عليكم ورحمة الله وبركاته

حبيباتي مثل ماهو واضح العنوان

اللي سبق وجربت المصانع تفيدنا وكيف النظافه والمواعيد وتعاملهن < مش بكريه

وكيف الخياطه ونظافتهم للمولود ومن افضل دكتوره اودكتور به
والشنطه والجوال من بياخذهن وكيف يرجعونه لك ويسمحون بمرافق اولا يعني بالمختصر نبي تفصيل بالكامل ههههه

يارب القى بنات الخرج ويردون :(

[قلب عايض]

وعليكم السلام

انا كنت من الخرج بزواجي الاول <<<< احلفي >>والله العظيم

الموهم جبت اثنين من عيالي هناك بس لو تدرين من كم سنه كان قلتي ضفي وجهك اخر مره ولد عندهم وعمر ولدي الصغير الان 13 سنه

يعني اكيد وضعهم تطور الحين وصارت عنايتهم افضل
لان اول كانوا مش ولا بد اذكر ممرضه زنجيه الله يسامحها بولدي قبل الاخير كان ولدي معترض وقرروا عمليه قيصريه بالاخير بس لو تدرين انها عزرت فيني مادري وش تدخل من ادوات توووووووووجع تقول انها بتعدل وضعه والله العالم انها ازمت المووووضوع صح
وبالاخير احط يدي على يدها وانا ابكي ابي اوخرها وتنفض يدي بقوووووه وتهاوشني طبعا انا مابيدي شي ولا اقدر ارد عليها وقلت في نفسي الوعد قدام ان الله احياني << كنت شريره خصوصا في اي شي يضر عيالي هع
الموهم دخلوني غرفة العمليات وانتهى الامر واليوم الثاني والثالث والرابع الين السادس ماشفت وجهها لانها شكلها شافت نظرتي لها ماتطمن وخاااافت هع هع
بس تبين الصراحه كانوا فيه بريطانيات عسل يوم جيت باطلع من المستشفى طبعا الحركه هذي ماكانت موجوده من قبل يعني يجي زوجك ويطلعك او اهلك لكن ان ممرضه تشيل طفلك بيد وتحوطك بيدها الثانيه وهي تعطيك احلى كلالالالالام حسيت اني اميره او ملكه من تعاملها وبردت حرتي على هالمستشفى الين وصلتني السياره وكنت باخذ ولدي منها قالت لا اولا اركبي السياره ويوم شافت وضعي اوكي بااااااااااااااااستني وودعتني وتوصي زوجي علي وتقول زوجتك مره حلوه وابو الشباب ماعندك احد مايدري وش تقول ولو باقوله مو مصدقني واشوى انها انطقت بالعربي يوم ماشافت منه تجاوب واشرت علي وقالت هلووووووه وابتسم هع جت منها <<ادري طلعت من الموضوع خخخخخخ
وبولدي الثاني كان تعاملهم ونظافتهم احسن
والان اكيد الوضع افضل بكثير
اتمنى اكون افدتك

[شهودهـ]

هههههههههه

ياهلا وغلا

لبى قلبك وربي يحفظهم لك

ماقصرتي يالغلا

اهم شي ابو الشباب فهم هلووووه بدور وحده توصيه علي زيك ههههههههه

الله يهون علينا بس ويسهل

وعن زياراتي لهم متطور حييل والكادر الطبي فيه سعوديين بس ماعرف شي كثير من ناحية الولاده ان شاء الله يفيدنا البنات

مشكوره يالغلا ع ردك

[شهودهـ]

وين بنات الخرج :(

[شهودهـ]

رفع



..........

[شهودهـ]

ماحد جربهم :)

[شهودهـ]

صابها يأس تحس مافيهم خرجاويات هنا :(

[غيـــــم]

آآآآب
ياليت احد يفيدني