الحمدلله على كل حال وهذي قصتي

[حناني ح]

بسم الله

الحمدلله على كل حال. كنت انتظره من. تسع سنوات وكنت كل يوم افز من النوم واحس ايدي على بطني. واقراء المعوذات عليه احسب اذا رجعت من الموعد
بيرجع معاي ،،،،


رحت امس الموعدي سوت لي سونار قالت مافي نبض لازم عمليه تنظيف ااااه


راح اللي كنت انتظره تسع سنوات مافيني اي شي الحمدلله بس كذا من ربي.


ودخلت الغرفه العمليات وطلعت الحمدلله بس بعدها جاء التعب القطنه اللي يدخلونها بالمهبل هنا الموت آه


والنفسية حيل تعبانه انصحوني ي بنات تكفون وش الممنوع الأكل والعطور والبخور وشلون اهتم بنفسي




علوني حبوب بروف. وحبوب دوكسيسين.


بس مشكلتي عندي اختبار نهائي يوم الخميس تتوقعون اقدر اداوم




دعواتكم لي النفسية مره

[يارب والباقي وحدك تعلمه]

استرجعي وعسى الله يعوضك بالعوض الاجمل
والصبر الصبر
بإذن الله معوضه خير

[bnt]

حمدلله على سلامتك ماتدرين وين الخيره فيه رحمه الله كبيره الله يعوضك وﻻ تيئسين ان شاء الله تحملين

[هدوء انثى]

يا الله وجعتي قلبي وربي
دامك حملتي راح تحملين بسرعه الحين ان شاء الله بعضهم مايشوفون دورة مابعد الاجهاض ويحملون ع طول
اه ذكرتيني بحالتي تو في صفر عامله تنظيف ودورتين جاتني والحين حامل وميته خوووف انو تتكرر عندي ويصير بدون جنين
ربي يعوضك حبيبتي المهم اكلي كل حاجه فيها حديد وكالسيوم وارتاحي ومابيمر اسبوع الا بتصيرين حصان ان شاء الله
وربي يعوضك خير حبيبتي

[هدوء انثى]

انا ماحطوا لي قطنه بالمهبل
غريبه اللي عملوه لك
المهم الحمدلله ع سلامتك وربي يعوضك

[وطن.]

ي قلبي انتي
ربي يعووووضك كل خير ..
والف الحمدلله ع سلامتك ..
انتبهي لنفسك وباذن الله تحملي ي قلبي
وتفرحي ب الحمل وتجين تبشرينا

[حناني ح]

الله يجزاكم الجنه كل وحده ادخلت ودعت لي وربي يتمم عليكم ويرزق كل محرومة





هدوووووء ي قلبي انتي يارب يارب تشوفينه قدامك يلعب وتقومين بالسلامه ويثبته لك يارب


حطو لي زي المنشفه الله لا يوريك وش كبارها طلعو روحي فيها

[هدوء انثى]

ايييه حناني هالحركه عملوها لي لما تجمعت عندي اوساخ داخل بالمهبل مثل الورمه بعد ولادتي بالقيصري تخيلي حطوا لي مثل المنشفه ومربوطه بخيط لبره لاجل يسحبوه وهم يسحبوه اساسا الدم جففف ولازقه بالمهبل داخل وصرت اصرخ والممرضات مسكوني من الالم وبكيت بكي ..اه بس
لكن بالغسيل ماحطوها لي
ربي يعوضك خير والحمدلله ع سلامتك وربي يسمع منك حبيبتي

[حناني ح]

المشاركة الأصلية كتبت بواسطة هدوء انثى

ايييه حناني هالحركه عملوها لي لما تجمعت عندي اوساخ داخل بالمهبل مثل الورمه بعد ولادتي بالقيصري تخيلي حطوا لي مثل المنشفه ومربوطه بخيط لبره لاجل يسحبوه وهم يسحبوه اساسا الدم جففف ولازقه بالمهبل داخل وصرت اصرخ والممرضات مسكوني من الالم وبكيت بكي ..اه بس
لكن بالغسيل ماحطوها لي
ربي يعوضك خير والحمدلله ع سلامتك وربي يسمع منك حبيبتي

اي اي اللي خيط ازرق طالع برا اااااااه بس الحمدلله على كل حال

[دافئة المشاعر]

الحمدلله ع سلامتك .. الله يعوضك يآرب
ماعند الله خير وابقى كلها حكم نجهلها نحن البشر