ساعدوني يابنات الاحساء دكتور او ممرخه يعمل تدوير للجنين

[ياالله رحمتك]

السلام عليكم كيف حالكم ياكروشات


ابغى تجاربكم في تعديل وضعية الجنين
اللي تعرف اسم دكتوره او دكتور يعمل تدوير للطفل
او ممرخه


ومين قلب عندها في نهاية التاسع او وقت الطلق

[المجتهدة...]

حبيبتي حاولي تمشين
وحاولي بوضع الحبو
ووضع السجود
دايما اسمع انه هالثلاثه الامور تنزل البيبي
اما بخصوص طلبك ماعندي علم

[أم تااالين]

نفس كلام المجتهده
ربي يسهل امرك وتولدين ولاده طبيعيه سهله

[نبض وعشق]

خيتي حاولي تمشي مشي سريع وبخطوات متباعده شوي
انا كذا كان الراس فوق ببداية الثامن ومشيت يمكن ليلتين بس وسبحان الله صار الراس تحت
وفيه ممرخه يمدحون فيها في قرى الاحساء
وان شاء الله توليدن طبيعي بس لا تفكري البعض وقت الولاده يلقب

[aso.]

الله يسهل عليك ان شاء الله

[عروستة]

ما انصحك في ممرخه او دكتور تدوير

لا تجازفي ترا ياما صارت حالات تدوير اجنة انولدوا و اياديهم او ارجلهم الاعصاب متعوره و تبقى ارجلهم و اياديهم متعوره طول العمر ما تفيد معاها اي علاجات بس علاج طبيعي حق تمشية حال


و العياذ بالله عافانا الله


انصحك حبيبتي بالمشي و يكون ظهرك مستقيم


انصحك بسجود

اكلي شكلاته عشان تنشط البيبي او شي حالي مرره ثم اسجدي ع طول عشان يقلب


و احبي كثير


و كذلك في تمرين تعمليه انك تحطي مخده تحت وركك بحيث وركك يرتفع عن مستوى ظهرك و يصبر رحمك من اسفل جاي لقدام

وانت منسدحه ع ظهرك طبعا

و بكذا شوي شوي يتوسع رحمك من تحت و يقلب البيبي و تمارين ذي استمري عليها من ١٠ ايام الي ١٥ يوم و روحي بعدها عملي سونار ان شالله ربي يبشرك




و الله يسهل عليك و تولدي طبيعي بسهالات يارب

و الله يقر عينا يارب بشوفة اجنتنا يارب بصحتنا و صحتهم يارب بحق هالشهر الفضيل

[أحساس انسانة]

الله يسهل عليج

[maryaa]

الله سهل
عليك

[عوالي]

نفس كلام عروووسته والتمارين الي قالت عنها مفيده

الحبو احبي زي الاطفال ثلاث مرات يمين وثلاث مرات يسار وانتي تدورين

دكتورتي قالت انو الشي ذا صار ممنوع لانه يمكن يكون الحبل السري قصير وينقطع او يلتف على رقبة البيبي لاسمح الله
لاتخاطرين بطفلك .. وان شاءالله يارب ينقلب وتولدي طبيعي
ادعي ربك بيده كل شي سبحانه