الولادة في مستشفى بخش سابقا بمكة

[عيون عبودي]

بنااااات
ابغاكم تساعدوني ابغى معلومات عن الولادة في مركز مكة الطبي اللي هو بخش سابقا من ناحية السعر الاهتمام النظافة وكل شئ بدون استثناء
ارجووووووكم لاتبخلوا على

[اساهي الليل]

انا ولدت قبل ثلاث شهور المستشفى روعة والخدمات اروع واللممرضات مره كويسات عناية واهتمام ولدت قيصري درجة اولى كلفتي 11 الف مع المرافق

[عيون عبودي]

طيب اجل الطبيعي ماتعرفي سعرها

[اتولي]

شوفي يا قلبي انا ولدت فيها صار لي 18 يوم ولادة طبيعية ولله الحمد وماشفت عندهم الاّ كل خير، طاقم التمريض عندهم جدّا ممتاز ومستوى النظافه عندهم عالي الولادة كلفتني تقريبا 4600 ريال للدرجة الاولى ومع المرافق والتحاليل تقريبا اذا ما كنتي مسويتها تحصل ال5200 ريال ،ومسموح لزوجك او اي حد من اهلك يحضر معاكي لحظة الولادة، الولادة العادية ب4000 ريال من دون المرافق ، المرافق ياخدوا منه 100 ريال على الليلة ، ان شاءالله اكون افدتك والله يقومك بالسلامة ونصيحة مني اهم شي استخيري والتساهيل من رب العالمين

[عيون عبودي]

الله يجزاك خير يارب
بس ممكن سؤال اخير كيف التخدير عندهم وكم ليلة قعدتي

[اتولي]

انا قعدت فيها يوم واحد وخدروني بالكمام،،ما عندي فكرة اذا عندهم نوع تاني غيره

[عيون عبودي]

مشكورة يالغلا

[حرم العمده]

طيب ممكن اسأل مين الدكتوره اللي ولدتك؟؟؟
لأنو انا خايفه من حكايه أي احد موجود يولدك
أحس لو دكتورتي اللي أراجع عندها افضل

[ام يوسف 111]

انا ولدت فيها ايام ماكانت بخش...
المستشفي عموما نضيييفة مريييحة نفسيا ماعليها كلام...بس دحين مااعرف والله عنها...
ودحين اخدها دكتور تاني وجايب طااقم من برا وغير الغرف وغير الاجهزة وزبطهاااااا...

[southrose]

تولدي بالسلامة يا قلبي، أنا كمان ناوية أولد عندهم ، بس عملية الي مجربة قيصري تكلمنا عن التخدير كيف ، والعملية مزبوطة ولا لا ومين الدكتور الشاطر هناك....؟ الله ييسر للجميع.