احترت في حالتي .. دم في الشهر الثاني والجنين أصغر من عمره

[~ L o l a]

السلام عليكم
أخواتي أنا آخر دورة شفتها 15 رمضان
في 15 شوال شريت كلير بلو وطلعلي موجب بعدها بكم يوم شريت اختبار الحمل الرخيص وياللله طلع الخط الثاني بعدها بأسبوع ونص رحت وحللت دم وقال ايجابي

قبل أسبوع حسيت اني تعبانة ورحت للمستشفى صار الضغط مرتفع شوي و لا قسته ثانية أتوقع كان من التوتر والخوف من الضغط بعدها بثلاث أيام رحت للمستشفى وصار الضغط شووي مرتفع قالت الدكتورة ارتاحي شوي ونقيسه ثانية وفعلا قسته ثانية طلع طبيعي وأقل ١١٣/٧٢ .. عرفت أن حتى المره الاولى لو قسته ثانية راح ينزل وسويت سونار وطمنتني على كل شي النبض وعنق الرحم مسكر بس قالت موعد الولادة بالنسبة لمقاسات الجنين متأخر عن موعد الولادة اللي حسبته من آخر دورة علما بأن دورتي منتظمة
قالت موعد بالنسبة لمقاسات الجنين 1 مايو وهو بالنسبة للدورة 20 ابريل

المهم قبل يومين نزل مني تكرمون دم بني وأمس نزل أحمر :( رحت لدكتورة ثانية أول ماقلت دم قالت شكله اجهاض
سوت سونار على طول قالت الجنين صغييير أكيد بينزل يادوب أربع أسابيع وأنا المفروض ثمانيه أسابيع ويومين بعد فترة قالت يمكن هذا خمس أسابيع وراح ينزل خلاص قلت لها قبل كم يوم رحت لمستشفى وسمعتني النبض قالت والله وشغلت الصوت وطلع النبض قالت انتظري أتأكد يمكن نبض وريد << أول مره أسمع ان نبض الوريد ينسمع وقالت هذا يجي ست أسابيع !!! مره 4 ومره 5 ومره 6 أسابيع !!

طبعا ماعطتني مثبت تقول المثبت شي نفسي والا فعليا لو راح ينزل الجنين بينزل ماله علاقة المثبت لان بما أنك سبق وحملتي ولا أجهضتي معناته بطانة الرحم عندك كويسة والمثبتات بس تقوي بطانة الرحم وأنا مقتنعة بكلامها هذا بس


حالتي ألحين إلى الفجر وكل شوي ينزل دم أحمر ومره بني شوي

واليوم بس أمسح لون بني خفييييف

88
واضح إني ودي أشكي وبس على قصة حياتي هذي

مين صار لها كذا دم أحمر والنبض موجود ؟؟؟ وسالفة عمر الجنين أصغر من الحقيقي ؟؟؟

[bino]

اولا الله يثبت حملك ان شاء الله
انا صاحبتي مثل حالتك كان ينزل لها دم بني بعدين احمر ، استخدمت مثبتات ابر ،تحاميل
انتي روحي لدكتوره ثانيه ،لا تسكتي لان شقد اغلاط ه الدكاتره تروح منا اشياء غاليه و شوفي شنو تقول وان شاء الله خيرر

[~ L o l a]

المشاركة الأصلية كتبت بواسطة bino

اولا الله يثبت حملك ان شاء الله
انا صاحبتي مثل حالتك كان ينزل لها دم بني بعدين احمر ، استخدمت مثبتات ابر ،تحاميل
انتي روحي لدكتوره ثانيه ،لا تسكتي لان شقد اغلاط ه الدكاتره تروح منا اشياء غاليه و شوفي شنو تقول وان شاء الله خيرر

وتم حملها ؟؟؟

صحيح أنا ألحين بتنظر ان استمر الدم رحت لوحده ثانية وإذا وقف ماراح أروح إلا بداية الرابع << تعقدت.

ويثبت حملك يارب شكرا ياعسل

[bino]

ايوه الحمدالله تم حملهإ و ولدت كمآن

ان شاء الله يوقف ولاتجهدي نفسك ب الشغل هذا اهم شي ،،

[~ L o l a]

المشاركة الأصلية كتبت بواسطة bino

ايوه الحمدالله تم حملهإ و ولدت كمآن

ان شاء الله يوقف ولاتجهدي نفسك ب الشغل هذا اهم شي ،،

ماشاء الله.
أنا جالسة أحاول مايشتغل وأنام على ظهري وأحط مخده تحت رجولي تكرمين والله كريم

مشكورة حبيبتي

[qurtz]

ماعندي علم
ربي يثبت حملك وعليك بالراحه النفسيه
لان التفكير والقلق له دور

[~ L o l a]

المشاركة الأصلية كتبت بواسطة qurtz

ماعندي علم
ربي يثبت حملك وعليك بالراحه النفسيه
لان التفكير والقلق له دور

الله يعطيك العافية
إن شاء الله صحيح أحاول اهدي نفسي دايما وأقول لن يصيبنا إلا ماكتب الله لنا.

[noora88]

عسى الله يثبت حملج عليج بالدعاء والصدقه و كلام الدكاتره يخوف ماعليج منهم
اهم شي شوفي شو سالفة الدم واذا لازم تاخذين مثبت او لا

اذا بني معناته ان شاء الله بيوقف الدم بس احسن تراجعين مكان ثاني بما انه الدم استمر عندج فتره

وطبعا ابعدي عن التوتر والقلق لانه فعلا يأثر والله يحفظكم انتي والجنين

[~ L o l a]

المشاركة الأصلية كتبت بواسطة noora88

عسى الله يثبت حملج عليج بالدعاء والصدقه و كلام الدكاتره يخوف ماعليج منهم
اهم شي شوفي شو سالفة الدم واذا لازم تاخذين مثبت او لا

اذا بني معناته ان شاء الله بيوقف الدم بس احسن تراجعين مكان ثاني بما انه الدم استمر عندج فتره

وطبعا ابعدي عن التوتر والقلق لانه فعلا يأثر والله يحفظكم انتي والجنين

الله يسعدك ياقمر مره شكرا على ردك

[Orchid109]

والله يااختي نصيحتي لاتنتظري نصائح او شي
روحي لطبيب استشاري ومعروف ويفضل مستشفى حكومي

وإن شاء الله تسمعي اخبار حلوة

موفقة