هرمون الحمل بعد عملية اطفال الانابيب_استفسارات

[Fatoom_SH]

مسا الخير للجميع .. الي فترة عم بقرأ ع المنتدى عندكم و كتير استفدت منكم و حبيت انزل تجربتي و استفيد منكم ممكن الاقي حدا متل حالتي
عمري 26 سنة عملت عملية السحب تاريخ 7-6-2018 و الارجاع 10-6-2018 تم ارجاع جنينين من الدرجة الاولى و تجميد المتبقي من الاجنة ..
من 10-6 ليوم 17-6 كان يصير معي الاعراض التالية
1- الام اسفل البطن متل وجع الدورة بس كتير خفيفة
2- كثرة شرب الماء و السوائل
3- امساك
4- كثرة التبول (أجلكم الله)
5- شهية مفتوحة
6- تعب عام
ومن 17-6 ليوم 21-6
7- نوم بكثرة
8- وجع اسفل الظهر خفيف
9- صداع في الجبهة
10- درجات حرارة مرتفعه بصورة معقوله

اللي صار معي مبارح كان اليوم 11 من ترجيع الاجنة نزل دم بني خفيف او ممكن نحكي افرازات مصحوبة بلون بني سألت الدكتورة حكتلي انو ممكن هلا فترة التعشيش وسألت الدكتور اللي عمللي العمليه معها حكالي اعملي فحص حمل رقمي مع انو موعد فحصي االدم الرقمي كان يوم السبت القادم 23-6 بيكون اليوم 14 من الارجاع
اليوم 12 من ارجاع الاجنة نزل دم بس اغمق و اكثف وفترات اطول بس مش مستمرة عملت الفحص متل ما حكالي الدكتور و طلع 4.96 يعني بالقراءة اقل من 5 يعني سلبي :(
حكيت مع الدكتورة حكتلي اني لازم اوقف الاسبيرين واستمر على التحاميل و دوا اسمو دوستينيكس وارجع اعيد الفحص يوم الاثنين القادم 25-6 يعني اليوم 16 بعد الارجاع

اول شي اسفه على الاطاله بس عشان تكونوا بالصورة كاملة .. هلا استفساري كالتالي:
ممكن اني بس اعيد الفحص باليوم 16 من الارجاع الاقي نسبة الهرمون ارتفعت ؟؟ ومين منكم مرت بتجربة مشابهة لتجربتي ؟؟ وهل ممكن انو تضل النتيجة سلبيه ؟؟ شو اسباب الدم اللي بتنزل ولمتى ممكن تضل ؟

شكراً مقدماً لكل وحدة مرت من هون او اي وحدة دعتلي او اجابتني على استفساري :) و دعواتكم بإنو ربنا يكملها معي على خير