طريقة سهلة وجديدة لمعرفة جنس الجنين بعد مشيئة الله

[*رورو الورد*]

بسم الله الرحمن الرحيم




السلام عليكم ورحمة الله وبركاته


كيفكم بنات ان شاء الله بخير لقيت لكم طريقة تعرفين بها ايش اللي ببطنك بعد مشيئة الله تعالى
نجي للطريقة :
تجيبين ملفوف احمر وهذي صورته

معليش بنات مااعرف انزل صور ياليت اللي تعرف تنزلها




وتقطعين نصها قطع مربعة صغيرة وتحطينها في قدر وتحطين عليها مويه اللي تغطيها بس وبعدين تخلينها تغلي لمدة عشر دقايق وتطفين النار وتصفين المويه من الملفوف وتاخذين كمية معينة من الماء بعد مايبردمثلا تاخذين نص الكوب وبنفس الكوب تاخذين نفس الكمية من بول الصباح وتخلطينهم مع بعض وتستنين شوي راح تطلع لك احدى نتيجتين :
1_ اذا كان اللون وردي او احمر يكون اللي ببطنك ولد بعد مشيئة الله
2"_ اذا كان اللون بنفسجي او ماتغير اللون يكون اللي ببطنك بنت بعد مشيئة الله .

طبعا النتايج شفتها باليو تيوب وهذا رابط للي نتيجتها ولد


وهذا رابط للي نتيجتها بنت



ولازم يكون بول الصباح وسلامتكم
وارجوامنكم دعوة بظهرالغيب ويرزقني ربي ببنوتة معافيه وصالحه وللمعلومية انا لسا ماجربت واذا جربت ان شاء الله راح اخبركم وراح اصورها بعد وانزل لكم الصور بإذن الله


ويالله جربو وقولولي نتايجكم وصوروها عشان نشوف والموضوع للتسلية فقط وليس تاكيد لانه لايعلم مافي الارحام الا الله تعالى مهما حاولنا تبقى مجرد محاولات وتخمينات وليست اكيدة مئة بالمئة
منقوووووول

[MnaR]

اهلين و موضوع مميز بصراحه
اذا جربتي خبريني ^_^

وفي طرق ثانيه شعبيه خخخخ
الولد/ شكل البطن يكون بيضاوي ومن وحده لوحده تختلف
الحلمه تكون باهته وغامقه
غالبا ما تحلمين ببنت او ولد
حركة الجنين نبضات اعني حركته الاولى
دائما تشوفين يتحرك في الخواصر و طبعا مو الكل
تكون حركتج خفيفه
لون شعرك باهت و غالبا مايتساقط عن نفسي بحملتي باولادي ما يتساقط شعري ويجنن
بس ولدت رجع يتساقط*^*
البنت/ حركتج ثقيلللللله من اول 4 اسابيع
يبرز البطن بسرعه
غالبا يكون شكل البطن كره و ومن وحده لوحده تختلف
بالبنت ما تحلمين بشي خخخخ تنسين بسرعه اي صح ذهب و فيه خرزه حمرا
شعرج لامع
الحلمه تلمع و فاتح لونها
يكبر الصدر بشكل ملحوظ
تحلوين بازياده
يكثر الشغل يعني رغبتج بالتنظيف و الترتيب تزداد
حتى الاشغال اليدويه مثلا الكوراشيه و الخياطه
اول الحركه لها رفات خغيفه
حركتها في الجبين و تضغط ع المثانه
تصويرها في السنوار مسكر رجولها مو مثل الولد

يعني انا عندي ولدين و حملت بالثالث و الدكتوره قالت لي ولد
قلت لها الحمدلله
و اول ما خبرت زوجي قال الحمدلله حلوين الاولاد
بس قلت له ان حملتي تختلف عن الاولاد بشكل كبير
و رحت الصالون اسوي شعري شافتني فلبينيه تشتغل هناك
قالت لي مدام انتي فيج بنت
و تعرفون ام احمد و ام هديل و ام......الخ كل وحده كلام
المهم اخذت للبيبي لبستين بيج و بني طقم نيو بورن
و حان و قت الولاده طلع دم و يوم الثاني نزل ماي
و اطلق من الساعه 9 باليل و لا ولدت الا 4 العصر
المهم يوم نزل البيبي تلقته المولده من رقبته
قلت لها لا ولدي ليش من رقبته تمسكينه
قالت لي تمسكينها هاي بنت
واااااااو يافرحتي ببنوته ^_^
نسيت الالم

و حاليا انا حامل في للاسبوع 4
وبنتي سنتين و نص
انتهت الحتوته

[qurtz]

يليت اللي يجربون يكونوا عارفين جنس الجنين عشان نشوف نسبة صحتهاا
مشكوره حبيبتي

[همسات دافئه]

ياناس اشبكم نعمه هذه كيف تخلطوها بالنجاسه

اتقو الله

[*رورو الورد*]

جربتها بنات









احم احم احم














ماتغير اللون بس حسيته بهت شوي بس لسامحتفظ بلونه







الله واعلم بنت والله اعلم








نجرب من باب التسليه فقط اماكل الامور ومايعلم مافي الارحام الا الله














عزيزتي همسات رفع الله قدرك وزادك الله حرصا ..اذاكنت تستخدمي هذه الاشياء لمافيها منفعه ولضرورة ان شاءالله مافيها شي ياقلبي ..كثيرمن الاخوات ليس لديهن المقدره بفحص السونار كل شهر
كما تستخدمي بعض خلطات الجسم وتوضع في بعض المناطق الاخرى لاحرج فيها لان فيها منفعةوبعد ان تنتهي منها تغسليها وتذهب للحمام اكرمك الله .. وهذا كلام مشائخنا الكرام اشكرلك حرصك ياغاليه واحببت ان اوضح لك وللاخوات والله اعلم.

[MnaR]

ايا الشاطره
جربتيها يعني خخخخخ
اهم شي السلامه
طيب وصفي لي حملج عشان اخمن لج من خبرتي هع
عن نفسي عندي ولدين بالمدرسه و بنوته
وربي يتمم حملج