لسلامة طفلك :10 عوامل مهمة جدا تجنبيها للحفاظ على جنينك

[~حجابى عفافى~]

السلام عليكم ورحمة الله وبركاته

الموضوع ده موجه لكل حامل طبعا انا عارفة ان فترة الحمل بتكون من اصعب الفترات على الام
خاصة الخوف كل ام حامل بتبقى خايفة جدا على الجنين انا هقدم 10 عناصر ان شاءالله لو تجنبتهم كل ام
حامل ان شاءالله سوف يكمل الله -عز وجل - حملها على خير.

1-سوء التغذية عند الام:سوء التغذية هنا معناه نقص فى العناصر اللازمة لمواجهة احتياجات النمو طبعا الطفل
بيستمد غذائه من خلال غذاء الام فلازم كل ام تحافظ على نظام التغذية لان ده بيبقى شىء اساسى لنمو سليم للطفل
وسوء التغذية بيتمثل فى نقس عنصر من عناصر الجسم او حدوث انيميا او انخفاض فى نسبة الحديد وده ساعات بيحصل بسبب عمليات الولادة المتتابعة عشان كده لازم يبقى فى فاصل بين كل حامل والحمل الاخر.

2-حدوث مايسمى بتسمم الحمل: حالة اسبابها بتكون مش معروفة ممكن تحصل فى اول الحمل او اخره ودى عادة بتكون بسبب كترة تناول الاطعمة المملحة لانه بيحدث اختزال لملح الطعام فتشبع انسجة الجسم بالماء وقد تحدث مضاعفات تنقل إلى الجنين

3- تناول الام للعقاقير او السجائر: طبعا دى كلها مواد بتبقى ضارة جدا لاى انسان فما بالك بالجنين؟! والمواد دى كلها بتنقل للجنين مباشرة عن طريق الحبل السر وتؤثر على نموه وممكن تحدث لا قدر الله تحدث تشوهات او تؤثر على مخ الجنين.

4-تعرض الأم للاشعاعات: حيث أن تعرض الام الحامل لأشعةx او اى مواد اى مواد مشعة بكميات كبيرة طبعا بيؤثر على ا لطفل وممكن برده لا قدر الله يعمله تشوهات او اجهاض اى تخلف عقلى خاصة لو كان فى اول شهور الحمل.

5- عمر الام اثناء الحمل:وجد الباحثون ان خير الاعمار للإنجاب بتكون فى العشرينات لان الام بتبقى فى أوج نساطها الحيوى وسلامة اجزتها الجسمية ولكن الحمل قبل سن ال16 وبعد ال 35 بيكون خطر على الام والجنين وممكن يسبب ولادات مشوهة او ميتة.

6- حالة الام الصحية: طبعا سلامة الام من الامراض المعدية او الجراثيم او الانيميا شىء مهم جدا لان فى امراض زى الحصبة الالمانية بيكون خطرها قليل جدا على الام لكن كبير جدا على الجنين والزهرى من الامراض الخطيرى جدا اللى بتسبب الاجهاد عشان كده لازم تتاكد من سلامتها قبل ان تنوى الاقدام على مرحلة الحمل وبالنسبة للى بيعانوا من امراض مزمنة شفاهم الله وعفاهم يارب زى السكر والقلب لازم انها توضع تحت اشراف طبى اثناء الحمل وكمان تاخد التطعيمات اللازمة.

7- حالة الام الإنسالية بابنسبة لعدد أولادها:ممكن يتعرض الجنين داخل الرحم لبعض الصعوبات او الاجهاد وده بيختلف على حسب ترتيب الجنين فى مرات الحمل لان نسبة الاجهاد بتبقى عالية فى اول حمل لكن تانى وثالث حمل بتكون الولادة طبيعية وبعد كده بتزيد الاحتمالات للاسوء كلما زاد سن الام وبالنسبة لاول حمل بيحتاج اهتمام كبير من الام واذا تواجد الاهتمام ده بيعدى حملها على خير ان شاءالله.

8-حالة الام الانفعالية واتجاهاتها نحو الحمل:تعرض الام لانفعالات نفسية بيؤثر بطريقة غير مباشرة على الجنين والمعانات النفسية والاضطرابات والتوتر اثناء الحمل بيجعل الطفل عند ولادته شديد التهيج كثير الصراخ لان التوتر والقلق اثناء الحمل اثر على اعصاب الطفل وحالته النفسية بالتأثير السلبى ويعوق توافقه فى المستقبل مع الاخرين.

9-إصابات الولادة:تكون نتيجى حالات الولادات المتعرة او النزيف او اخطاء التوليد او انعدام ااكسجين خلال عملية الوضع مما يؤدى لحدوث تشوهات للطفل عشان كده لازم نختار بعناية فائقة الطبيب والمكان التى هتتم فيه عملية الولادة.

10-الولادات المبتسرة (الغير مكتلمة):الطفل المبتسر هو الذى يولد فى اقل من (37) اسبوعا ًمن الحمل ويكون وزنه منخفض ويختلف عن الطفل الطبيعى وكلما نقص وزن الطفل فى الولادة ازادا تعرضه للاخطار والاضطرابات العصبية وتعد المراكزالحركية فى المخ هى اكثر المراكز تعرضاً للتلف نتيجة للابتسار عشان كده بنقول لكل أم لازم التغذية السليمة عشان يكون حجم الجسم مناسب للولادة.

ده اول موضوع ليا اكتبه هنا يارب اكون قدرت افيدكم

[محبوبته]

شكرا على المعلومات المفيده ..

[ام ريتان]

يعطيك العافيه على الطرح الجميل....

[Zezoo]

شكررررررا ع الطررررررح ياقلبي

[ام ميدووو]

[ام الدلال]

شوكرااااااا ياغاليه

ماننحرمش من ابداع طرحك ^^

[مهاوي11]

يعطيك الف عافيه

[soma adel]

يسلمووووووو

[روح الاماكن]

مشكووورة معلومات مهمه

[roory]

يسلموا ايديكي عالمعلومات..