مقادير حشوة للسمبوسه لذيذه ...

galaxyaoda · 03-02-2015, 09:23 PM

حشو الدجاج للسمبوسة

نوع السمبوسة : وردة ولا غوار العجين الاسمر الي مسويته المخابز مو الصناعي سويتز لان طعمه رهيب

يفرق عن سويتز بس كله زيت فسويها بالفرن بدون ماعون يعني على السلك و افتحي النار من فوق و تحت تاخذ اقل من عشر دقايق

الحشوة:

2 دجاج ام كيلو ( انا استخدمت ساديا المثلج) يطبخ بقدر الضغط لمدة 15 الى 20 دقيقة فقط ثم تترك

لتبرد ثم تفصل العظام و تفتت الدجاج مو تفرمونها لا قطعوها مثل الدجاج المسحب

5 روس بصل احمر كبار تقطع بحجم متوسط عليها فلفل اخضر بارد كبير مقطع ايضا لحجم متوسط و

هذا سر النكهه يا بنات بالفلفل

راس ثوم و 2 فلفل اخضر حار ينشال البذر منه حق الي ما يحب الطعم الحار و يندقون بالهاون

يندقون لازم عشان الطعم مو يفرمون هذي النقطة حيل مهمة

بهورات( فلفل اسود تقريبا ملعقة متوسطة، 2 ملعقة متوسطه بهارات مشكلة الي حق اللحم، ملعقة متوسطه زنجبيل مطحون عشان تشيل الزفر و تعطي نكهه حاره ، ملعقة متوسطه لومي اسود و بس)

و هذا الشي حيل مهم عشان يعطي طعم سبايسي يعني لاذع : 2 الى 3 ملعقة متوسطة من الفلفل

تجي بقسم الشطة و الكتشب و مو بكل المحلات ترا، شكلها: بقاروره زجاج و عليها صورة فلفل احمر حار و يكون مطحون مثل المعجون شكلها و شكل البذر باين طعمها حار

اذا ما عندك هذي تقدرين تحطين الي بشرايح المانجا ماركة الجمل بس الي بالفلفل الاحمر اروع

2 خل بحجم الغطاء، زبدة ملعقة كبيرة، ملح خشن

الطريقة:

يقلى البصل والفلفل البارد سوا بزبده و زيت عادي و اذا ذبل يوضع عليه الثوم و ينحمس ثم الدجاج و البهورات و

كل الاشياء الاخرى من الفلفل المعجون و الخل و يقلب الدجاج و يحمس و يقلب و اذا احتاج للماء حطو بس لا تكثرون يعني احنا نبيه حشو

و اذا انحمس طمنو النار و غطوه عشان تتفاعل النكهات مع البخار ما ياخذ وقت لا تخلونه يحكك و بس

اذا برد الحشو حشو فيه السمبوسه تكون مفردوه و مدهونه بالبيض و ثم اشووها بالفرن و بس

و عليكم بالعافية

البعض يفضل الدجاج المفروم

ملاحظة : نفس المكونات هذي نفسها للدجاج المسحب الي ينوكل بالخبز بس بحشو السمبوسة نكثر بصل بس هذا الفرق.

و عليكم بالعافية

υм вtℓαα · 03-02-2015, 09:45 PM

تسلم الاياااااااادي
السمبوسه طيبه

حياتي توأمي · 03-03-2015, 06:20 AM

يسلموووو الايااادي

بس اعتقد ماراح تنفع للأطفال لأن كثير فيها فلفل

الا اذا ماضفنا الفلفل ممكن تتقدم للاطفال

يعطيكي العافيه

jojo 123456 · 03-03-2015, 03:31 PM

يسلمووو اديييييييييييييييك ع الوصفة الحلوة

أسيرة زوجي · 03-03-2015, 04:06 PM

وصفة كثير حلوووة

يسلموووووو

galaxyaoda · 03-03-2015, 05:32 PM

اقتباس:

المشاركة الأصلية كتبت بواسطة ام بتلاء

تسلم الاياااااااادي
السمبوسه طيبه

تسلمين يالغاليه وشكرا على مرورك 🌷🌷🌷

galaxyaoda · 03-03-2015, 05:34 PM

اقتباس:

المشاركة الأصلية كتبت بواسطة حياتي توأمي

يسلموووو الايااادي

بس اعتقد ماراح تنفع للأطفال لأن كثير فيها فلفل

الا اذا ماضفنا الفلفل ممكن تتقدم للاطفال

يعطيكي العافيه

اكيد طبعا للاطفال لازم نستغنى عن الفلفل الحار واسعدني مرورك 🌷🌷🌷

galaxyaoda · 03-03-2015, 05:35 PM

اقتباس:

المشاركة الأصلية كتبت بواسطة jojo 123456

يسلمووو اديييييييييييييييك ع الوصفة الحلوة

بالصحه والعافيه ومشكوره على المرور 🌷🌷🌷

galaxyaoda · 03-03-2015, 05:38 PM

اقتباس:

المشاركة الأصلية كتبت بواسطة أسيرة زوجي

وصفة كثير حلوووة

يسلموووووو

بالعافيه عليك يارب ومشكوره على المرور 🌷🌷🌷

اميرته انا · 03-03-2015, 05:39 PM

وصفه رائعه
تسلم الايادي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
100 مليار حسنة في ثواني	ام جمال ان شاء الله	المنتدى الاسلامي العام	35	04-13-2013 12:13 PM
حشوة برك الخضار ، طريقة لعمل حشوة برك الخضار ، وصفة حشوة برك الخضار	الشيفة سوسو	قسم التغذية	0	08-17-2012 08:37 PM
طريقه عمل شوربه لذيذه ، شوربه لذيذه للطفال ، وصفة جديدة للشوربة	الشيفة سوسو	قسم التغذية	0	06-30-2012 03:42 PM
بطاطا بالكريمة مع حشوة المشروم (بالصور)	عزيزة النفس	قسم التغذية	5	03-30-2011 10:56 AM
حشوة لذيذة ل بف باااستري	لميندا	قسم التغذية	5	10-20-2010 01:25 PM