من اليوم حاولي واستمري ؟؟ وبعد رمضان علميني النتيجه زوجك تغير والا لا ؟؟

[حلا المدينه]

اكيد كل وحده فينا عندها قائمه وش طولها من اخطاء وزلات وتعامل ابو الشباب ،،


وكل ماكانت العشره اطول كل ماكانت القائمه اطول


طيب لنا كم سنه واحنا مراكض ورى رجالنا نبيهم يتغيرون ونبي امور كثير تصير على كيفنا ؟؟


يالغاليات تأكدوا اذا انشغلنا بتغيير انفسنا بنشوف تغير باللي حولنا ..


خلاص نتركهم ونغير الوجهه ،، ونبدأ بأنفسنا ،، نغض الطرف عن اكثر الامور اللي ماتعجبنا فيهم ..


ونلتفت لانفسنا ،، هذي المعصيه نتركها ،، وهذي الصفه الشينه او العصبيه نحاول نخفف منها ...


خلونا ندقق ونشوف وش الشي اللي يبيله تغير فينا ،، اكيد بنلقى بلاوي


اي تعامل يجرحك ويضايقك من زوجك او غيره ،، حاولي انك ماتسوينه


ولا تتعاملين بالمثل ... وشوفي النتيجه .. استمري مع نفسك وغيريها وحاولي ولا تيأسين ،،وبعد رمضان موعدنا


ونشوف مين اللي بدأت بنفسها وتغيرت فعلا ،، و لمست التغير الايجابي من زوجها واللي حولها ..


لا ننسى الايه الكريمه ،، قال تعالى :


( إن الله لا يغير ما بقوم حتى يغيروا ما بأنفسهم)








ومن حظنا انه بعد اسبوعين بيدخل شهر الرحمه ،، شهر الخير والبركه ،،


عشان كذا نستغل الفرصه لسببين :


اولا / صيام وقيام وايام مباركه و اكيد بنشعر بلذة الدعاء والقرب من الله اكثر من الايام العاديه ..


اذن ندعي بكل وقت ربي يصلح حالنا وتدعين بكل اللي بخاطرك ..


ثانيا / الشياطين مصفده وممسوكه ،، يعني ماعندنا الا اننا نجاهد انفسنا وبس ،،


مافي وسوسه من الشيطان ،، اذن نحاول نغير ونفرمت نفسنا وربي بيساعدنا بأذن الله ..






وش ننتظر ؟؟ لمتى واحنا لاهين ؟؟ الموت كل يوم يآخذ مجموعه واحنا نشوف ونسمع ؟؟


وبرضوا مصرين مانتغير ؟؟ مصرين على المعاصي ؟؟


الاكيد اننا مانتحمل لسعه بسيطه من نار الدنيا ؟؟ فكيف بنار جهنم ؟؟


اول شي لازم نبدأ بالمحرمات والمعاصي ..


احاسب نفسي ليش سماع الاغاني ؟؟ وش الفايده منها ؟؟ واحنا دارين انها حرام ومصيري اتعاقب الا ان يغفر ربي هذا الاثم العظيم ..


وغيرها كثير مسلسلات وافلام وبرامج ماتزيد القلب الا بعد عن الله وقسوه ؟؟هذا غير ذنوبنا المستمره من غيبه واستهزاء وكذب ؟؟


من كثر ذنوبنا صرنا نسوي المعصيه وعادي بدون احساس بالاثم ؟؟ من كثر اللي امامنا يسون المعاصي ويجاهرون فيها ، صار عندنا تبلد ونحس الامر عادي ؟؟


لا مو عادي لا الاغاني ولا المسلسلات ولا البرامج الفاسده ؟؟







يالغاليات اذا تركنا المعاصي وبدينا نحاول نغير من صفاتنا السيئه مثل العصبيه والتسرع وظن السوء والغيبه وووو

بكذا بنرتاح داخليا وبنشعر بنوع من الرضى ،، وبتتغير نظرتنا للمشاكل

وبنصير نتعامل مع اي شي يواجهنا بطريقه الصحيحه ..







وفي نقطه حابه انبه عليها البعض منا تسمع اغاني او ترتكب معصيه معينه وهي حاسه بتأنيب الضمير

بس تقول عادي كل الناس كذا ، وانا اعوض بالحسنات ؟؟ وربي غفور رحيم ؟؟

انتبهي ياغاليه احساسك بالاثم هذا يدل ان فيك خير ، وربي برحمته عليك ماموت قلبك ..

احذرك تتجاهلين هذا الشعور والتأنيب وتصرين على المعصيه مهما كانت بسيطه .. لان الصغيره تقول اختي اختي ،

و لان الله يمهل ولا يهمل ،، والله شديد العقاب ..






ولازم ننتبه من التهاون والاصرار على المعاصي ،، ممكن دخول النار والخاتمه السيئه تكون بعمل صغير ...





هذه المرأءه دخلت النار بسبب هره ؟؟

قال صلى الله عليه وسلم :

( عذبت امرأة في هرة سجنتها حتى ماتت ، فدخلت فيها النار ، لا هي أطعمتها وسقتها إذ حبستها ، ولا هي تركتها

تأكل من خشاش الأرض )



وهذا مقطع يبين كيف الله يمهل ولا يهمل ..






الجئي لله وادعيه بكل وقت ان يغفر لك ويهديك ويكرهك بالمعاصي ويحببك بالقرب منه ..


لا تيأسين مهما كانت ذنوبك ،، اكثري من الحسنات بأنواعها ،، لاتستصغري اي عمل يمكن


هذا العمل البسيط يكون سبب ان يغفر الله ذنوبك ،،


وتأملو معي الاحاديث وكيف الاعمال البسيطه تكون سبب لدخول الجنه ..


لقد دخلت الجنةَ امرأةٌ بسبب تمرة،

وهذه قصتها في صحيح مسلم؛ تحكيها عائشة رضي الله عنها ـ قالت:

( جاءتني مسكينة تحمل ابنتين لها، فأطعمتُها ثلاثَ تمَرات، فأعطت كل واحدة منهما تمرة، ورفعت إلى فيها

تمرة؛ لتأكلها، فاستطعمتها ابنتاها، فشقت التمرة التي كانت تريد أن تأكلها بينهما، فأعجبني شأنها،

فذكرتُ الذي صنعتْ لرسول الله -صلى الله عليه وسلم- فقال: (إن الله قد أوجب لها بها الجنة، أوأعتقها بها من النار).




غفر الله لهذا الرجل بسبب غصن شوك ؟؟


قال صلى الله عليه وسلم ، في صحيح البخاري، من حديث أبي هريرة ـ رضي الله عنه ـ

(بينما رجل يمشي بطريق وجد غصن شوك على الطريق فأخّره فشكر الله له فغفر له).



وجاء في رواية عند ابن حبان:

(حوسب رجل ممن كان قبلكم فلم يوجد له من الخير إلاّ غصن شوك كان على الطريق كان يؤذي الناس فعزله فغفر له).



وامرأة مومسة؛ بغيٌّ، زانية غفر لها ذنبها عمل بسيط ؟؟ لقد بيّنه رسولنا صلى الله عليه وسلم،

فقال كما في صحيح البخاري، من حديث أبي هريرة ـ رضي الله عنه ـ قال: قال رسول الله صلى الله عليه وسلم:

(غفر لامرأة مومسة؛ مرت بكلبٍ على رأس ركي ـ أي بئر ـ يلهث؛ كاد يقتله العطش، فنزعت خفها،

فأوثقته بخمارها، فنزعت له من الماء، فغفر لها بذلك).









اسأل الله ان يبلغني واياكم رمضان ونحن في احسن حال ..للامانه الموضوع منقوول
دعوواتكم لي وربي اني تعبانه من اربع اشهر تعب نفسي وربي حالتي مايعلم بها الا الله حتى اهلي وزجي تعبوا معاي اربع شهوور عذاااب والالم حاله مايعلم فيها ا لله غير مشاكل مع زوجي الحمدالله احسن من غيرنا يا
رب لك الحمد بالله محتاجه دعوواتكم بشفاء شفاء تام وتفريج همي وغمي الله يبعد عنكم الهم والغم


دعوواتكم بكل وقت ولاتنسي انا الملايكه تقولك ولك مثلها

لاتنسووني يمكن مادخل ثاني مره دعوواتكم

[doody]

صااااااااااااااادقه ياقلبي
موضووووووووع رووووووعه
اشكررررررك

[حلا المدينه]

مشكووره دوودي لتمنى التفااعل يمكن خفتم لما مووجود بالاستطلاع ان الاعضاء يشوفوا الخيار انا سفه المفروض مايكوون مووجود للخصوصيه بس انا غلطت خليك شجاعه واختاري
واطلعي بمووضوع لو بدعووه حلوه

[خلوني على صبري]

موضوعك حلو وجاء في وقته
حلا وش فيك قلقتيني عليكي خليكي قويه مثل ماعرفتك والله لوتعرفي المصائب والمشاكل الي امر فيها راح تحمدي الله والله ماينسى عبادو اصبري وخليكي قويا وابعدي الشيطان عنك
لاحول ولا قوة الا بالله ردديها تكفين

[حلا المدينه]

مشككوه خلووني وربي انك عزيزه واكيد ابتواصل معاك وراح اقولك كل شي بالخاص

[الصمت عشقي]

صاااادقه يالغلا
ربي يعطيك العافية وماقصرتي
لا خلا ولا عدم

[أصآآيل]

جزاك الله خييييييييييير

الله يقدرنا ونتغلب على نفوسنا الاماره بالسوووء