ارضع طبيعي

[فلم رعب]

السلام عليكم ورحمة الله وبركاته

شحالكم بنات ،
هاي اول مشاركه لي وياكم وان شاء الله دايما

حبيت أتأكد من شغله ياريت تساعدوني بس

انا صارلي 5 شهور ونص من ولدت والحمدلله
حاليا ارضع طبيعي بشكل مستمر ولله الحمد

مايتني الدوره من ربيت للحين غير فترة النفاس طبعا
ومايتني 40 يوم بالضبط لا نزلت كم يوم ووقفت يمكن اسبوعين تقريبا مب متاكده بس ماطولت

المهم ابغي اعرف اذا يصير حمل وانا ارضع لحد الإشباع
لانه صارلي من ولدت 5 شهور ونص
احس بدوخه قويه يتني مرتين تقريبا
احس بخمول
احس عيوني تسكر لحالها بس ابا انام
احس بألم في أسفل البطن ونغزات بالأسفل
احس بألم ف الظهر وأحس مثل شي يتحرك ف بطني
احس نفس الم الدوره
احس اني صرت اجوع واكل 24 ساعه مستغربه من نفسي اكل 3 ساندويجات من بعد ماكنت اكل نص ساندويجه وفوقها اكل سويت وارجع احلي واشرب علية بيبسي كبيره وارجع اكل حب وارجع وارجع الا مالا نهايه نفس الوقت ههههههه الظاهر راحت ايام الرقه والدلع -----) هل هو بسبب الرضاعه والا من أعراض الحمل
بعد ما انتهى الجماع بنص ساعه حسّيت بشي حار ينزل ويوم حطيت كلينكس طلع دم لونه وردي خفيف مسحته كم مره بالكلينكس وخف وأساسا هو خفيف وفاتح
خذيت عينه بول بنفسي اعزكم الله في علبة خاصه للبول وطلع فيها مثل خيوط بيضا ودي اعرف هذا يعتبر التهاب والا من أعراض الحمل

بنات ردو عليه ضروري الله يسعدكم ويرزقكم بكل ماتتمنون

[فلم رعب]

ملاحظه الدم كان خفيف وايد ووقف نفس اليوم

سويت اليوم اختبار حمل منزلي وطلع سلبي

[فلم رعب]

صح نسيت اقول

وشعري وايد يطيح وصار جاف

ووزني قام يزيد حتى هالأسبوع زدت 4 كيلو تقريبا

سواء كلت والا لا او يمكن لاني كثرت حلويات هالأسبوع وكلت علبه كاملة لوتس
اشتهيتها وطحت فيها هههههههه

[υм вtℓαα]

وعليكم السلام ورحمة الله وبركاته
ماعندي علم بس الاغلب خربطه هرموناات

انصحك حللي الغده الدرقيه

[فلم رعب]

شكرًا حبيبتي ام بتلاء

فعلا انا عندي الغده واتعالج منها من اول حملي للحين

أخذ حبوب ثيروكسين

[υм вtℓαα]

اي اللي تحسين فيه اعراض الغده وشكلها مرتفعه شوي

خوذي علاجك بانتظاام وانصحك بالقسط الهندي راح يخفضهاا لك وكمان عوضي باكلك بفيتامين د

وحبيت انبهك شغله ابتعدي عن النشويات والسكريات واهتمي بالكالسيوم والفيتامينات ومارسي الرياضه وكثري شرب ماء

النشويات حتى لو تبين تاكلين يكفي 4ملاعق رز او مكرونه
وبالنسبه لساندوتش مثلا تكفي حبه وحده

كم عيار تاخذين 50-75-100

[فلم رعب]

شكرًا ع النصائح يعطيج العافيه حبيبتي ام بتلاء


أخذ 50 وباجر بروح أسوي تحليل الغده من اول ويديد

لانه من كم يوم وقفتها حسّيت مانفعت وياي ومن ولدت وانا مستمرة عليها ومارحت أسوي تحاليل

لانه الدكتوره في حملي قالت لازم تستمرين عليها لين وقت الولاده بس ممكن توقفينها بعدين ولازم تحاليل قبل للتأكد وانا خذتها بدون ما أحلل ف يمكن علشان جي يتساقط شعري لعبت فيني لعب لانه نسبة الغده بسيطه الله واعلم باجر بحلل وبحط تجربتي شكرًا عزيزتي

[υм вtℓαα]

الله يسر امرك وتكون تحاليلك كوبيسه

يعافيك غلااتي

[مرايمم]

صديقتي حملت بعد الاربعين مباشره
فممكن يكون حمل وممكن متل ماقالو البنات لخبطت هرمونات ضروري تراجعي الطبيب تتأكدي اذا حمل او لا وربنا يختارلك الافضل

[فلم رعب]

يعطيج العافيه اختي مرايمم.

ان شاء الله باجر بحلل وبشوف وبكتب لكم شو صار وياي

اذا حمل الحمدلله
اذا مافي حمل بعد الحمدلله

حلو شعور الأمومة والحمل
وانا بخليها ع الله ماراح أخذ مانع أبدا دام اني ارضع طبيعي
والي كاتبه الله بيصير

بس الغده لعبت فينا لعب الله لايوفقها هههههههههه