موضوع بخص الحمل بين فترات طويلة يا ريت تساعدوني وموضوعي طويل تحملوني

[alaa.lynn]

مرحبا يا بنات
انا عندي بنتين .. اول مرة تزوجت حملت ببنتي الكبيرة بعد 3 اشهر من الزواج وولدت قيصري ومن بعدها طلقت بعد سنتين رجعت تزوجت وما كان بدي جيب اطفال دغري فكنا ماشيين عالايام الامنة بقينا 3 سنين وفي مرة من المرات صار غلط بالايام وحملت يمكن ب اخر يوم تبويض من بعد خمس سنين وولدت كمان قيصري بعد ولادتي باسبوع صار معي نزيف ونزل مني كيس دم واضطريت ارجع فوت عالمستشفى وعملولي عملية اجهاض ليشيلولي كيس الدم والدكتور خذرني من الحمل لخمس سنين ..خلال هالخمس سنين وقت الجماع زوجي ابدا ما كان يخلص جوا كلو برا وانا دورتي 28 يوم منتظمة جدا عالساعة .. في مرة صار الجماع من شي سنة وخلص زوجي جوا تأخرت عليي الدورة خمس ايام فكرت حالي حامل بس ما طلع في حمل من شهرين خلصو الخمس سنين الي حذرني منن الدكتور وهلا بدنا ولد وصار الجماع يصير طبيعي اول شهر تأخرت عليي الدورة يومين وبلش معي الوجع قبل الدورة ب 3 ايام مع العلم انا الوجع ببلش معي وقت ينزل دم الدورة وهيدا الشهر الدورة اجت باليوم 25 يعني الي لاحظتو بس الجماع يصير طبيعي بتخربط الدورة عندي مش عم اعرف ليش قالولي يمكن جسمي عم يتهيأ للحمل هل هالشي مزبوط او لاء؟؟!!!!!! بعرف حكيت كتير بس انا بغربة هلا وهون الطب كتير سيء يا ريت تقدرو تجاوبوني

[υм вtℓαα]

اهلا وسهلا فيك
هي تقدمت 3ايام يعني
بس طبيعي اذا كان تقدمها اوتاخرها كم يوم تعتبر منتظمه

لاكان انتي حللتي هرمونات انها كل شي تمام قبل تحملي

وتابعي مع دكتوره وان شاء الله ربي يرزقك الحمل السليم والولد الصالح

[alaa.lynn]

لا والله ما حللت بعد ان شاء الله هالشهر رح اعمل تحاليل .. بس قالولي وقت تخربط الدورة بكون الرحم عم يتهيأ للحمل هل هالشي مزبوط؟

[υм вtℓαα]

ممكن اي وممكن لا ع حسب حبيبيتي

انتي سوي التحاليل وان شاء الله خير

[tayler]

والله ماعندي علم كنت متمنية افيدم

[زهرة ال]

حبيبتى دورتك طبيعيه عادى الدوره الطبيعيه تيجى من اول 24 يوم الى 31 يوم ده كلام الدكاتره يعنى دورتك طبيعيه متقلقيش نفسك وان شاء الله خير

[alaa.lynn]

شكرا كتير عالرد لكل البنات الي جاوبوني وبعرف دورتي طبيعية طالما هي ما تخطت ال 31 يوم بس انا معودة عليها كل 28 يوم ابدا ما بتخربط ف مستغربة ليش بس وقت يصير الجماع وزوجي يخلص جوا مش عزل يعني بتتخربط الايام او بتنقص عن 28 او بتزيد ...؟

[Nawel2016]

اضن مالو علاقة والله اعلم
اناةايضا مريت بنفس حالتك
عزل لمدة تمان سنوات
ولكن سبحان الله يوم حبيت احمل صار الامر بنفس الشهر واليوم
انا كنت استعمل اختبارات التبويض وحملت في يوم التبويض
ااحمد لله
اسال الله ان يسهل عليكايضااا وتحملين قريبا وتبشرينا

[bellamamita]

اذا تتاخر او تتقدم ايام قليلة فهذا طبيعي وفعلا جسمك يستعد للحمل وممكن صار معك حمل كيميائي هو يحصل مرات عديدة قبل الحمل العادي وهو علامة مبشرة انو امورك تمام

[alaa.lynn]

شكرا كتير الكن طمنتوني وان شاء الله رح اعمل تحاليل لاطمن اكتر والله يرزق الحمل لكل النسوان الي بدن يحملو