ابي نصايحكم لا عدمتكم 😢❤

[منار ~]

السلام عليكم ورحمه الله وبركاته ..
في البداية انا صار لي متزوجة ٦ شهور
والحين حامل صار لي ٣ شهور
عمري ٢٠ وزوجي عمره ٢٨ وهو ولد خالي ،
زوجي طيب وحبيب وانسان محب للخير
وهو يحبني وانا تعلقت به حيييل
والحين هو مسجون له اسبوعين تقريبا تهمته يبيع حبوب محظوره وكان مختفي اتصل عليه وارسل مقفل تخيلوا بعد اسبوع من سجنه عرفت من الناس اهله ما اعطوني خبر ولا حتى طمنوني وهم يدرون اني بحال مايعلم بها الا الله
وعلاقة اهلي واهلة ماهي ذاك الزود وبأيام الزواج صارت بيننا مشاكل
والحين مادري هو فوق الارض ولا تحتها ولا بيدي شيء اسويه عشاني ماقدر اسأل اخوانه او اهله ،
طبعا الحين ابي نصيحتكم ابقى معه ولا اطلب الطلاق منه بما انه ماعنده مسؤولية وهو اول له سوابق من ناحية الحبوب وكان يستخدمها وهو حلف لي انه ماعاد يرجع لها ووعدني بهالشيء واخلف وعده وخصوصا ان راتبة ٩ الاف ومكفيني ومكفيه ما ادري ليش يبيع يمكن طمع بهالدنيا ، ما اخفيكم بالبدايه انا كنت خايفه منه ولا ابيه بس امي اجبرتني عشان خالي بس والله انه حنون ولا قصر معي بشيء عيبه انه رجع لسوالف الحبوب ولا اخاف بكرا ينفصل من الوظيفه و ما ينسجن مدة طويلة انا الحين حامل ولا ادري من استشير امي تقول اصبري وابوي يقول تطلقي والله اني محتاره وابي نصيحتكم تكفى ساعدوني الله يخليكم ،،،

[Um sara1]

اولا انتي حامل يعني مراح ترجعي لوحدك مثل قبل الزواج بيكون معاك طفل تحت مسؤليتك ولسى صغيرة محتاجة يكون ابوه جنبه ويساعدك بتربيته على افتراض انه انسان محافظ عالصلاة واخلاقه عالية معك او مع الناس وكانت هذي زلة او احد ورطه فيها

ثانيا سجنه يعني تلطخت سمعته بغض النظر عن تفكيره وسبب بيعه للحبوب بس هذي جريمة وتهدم اسر وبيوت وتدمر شباب المسلمين ماقول تطلقي لكن لازم قرصة اذن عشان لو خرج مايرجع لها مرة ثانية

ثالثا وهو الاهم اذا استمر على حاله بعد خروجه من السجن او طالت مدة سجنه لاجل غير معلوم او امد بعيد من حقك تطلقين وتربين طفلك تربية سليمة بعيدة عن هالسم الهاري ومشاكله لان ماهو معقول بياع مايكون متعاطي والله يعوضك بانسان افضل منه توك في اول حياتك والله المستعان

[Huda.91]

البه يصبرك على ما ابتلاك
انا من رأيي استخيري
واعطيه فرصة
اكن اذا فترة سجنه طويلة مادري وش اقولك صراحة
لازم تتواصلين مع اهله وتوصلون لحل لان هذا شي مو بسيط لان في طفل بينكم
استخيري وشوفي ربي وش يكتب لك
الله يكتب لك الي فيه خير

[ام جوري&&]

انا من راي استخيري ... والخيره فيما اختاااره الله