فوائد حمض الفوليك من تجربتي الخاصه

[سلام الشادي]

مرحبا يا اخواتي 00 حبيت انقل لكم تجربتي الشخصيه مع حم الفوليك 000
طبعا كلكم تعرفون ان الرجيم ضروري بعد الولاده علشان ترجعين لوزنك الطبيعي000

المهم سويت رجيم مرررررره بعد ولادتي ببنتي الاخيره طبعا بديت فيه بعد 4 شهور من الولاده
علشان استعيد قوتي بعد العمليه لاني اولد قيصري000

ماراح اطول عليكم رجعت لوزني المثالي بعد 5 شهور من بداية الرجيم ولله الحمد واستمريت على التخفيف والاكل قليل السعرات مدة 3 سنوات وحافظت على وزني 00

بعد كدا تلخبطت عندي الدوره صارت تجي يومين بعدين تنقطع يومين اكون طاهره بعدين تكمل 4 او 5 ايام متواصله دوره طبيعيه 000 خفت لايكون صار عندي لخبطه بالهرمونات من الرجيم رحت للدكتوره وشكيت لها حالتي وسأ لتني على طول عن الرجيم قلت ايوه ماشيه على حميه واشرب حليب منزوع الدسم من سنتين ماشربت حليب عادي قالت لاتشربين ولا تاكلين شي منزوع الدسم لان مافيه شي اسمه منزوع الا فيه بلا000
اشربي وكلي حاجات قليلة الدسم ويمكن لخبطة الهرمونات من هدا الشي 000
المهم زعلت مره على نفسي ووسوست وخفت انه صار لي شي واني ما احمل الا بمراجعات طبيه 00
تركت مانع الحمل على طول طبعا مانع طبيعي 000
وقريت عن فوائد حمض الفوليك وانها تزيد الدم وتقوي الرحم00 رحت طلبتهم من الصيدليه اكلتهم مدة شهرين بعدها انتظمت الدوره عندي ياربي لك الحمد وراحت الدوخه وزاد دمي يارب لك الحمد والفضل
وارتاحت نفسيتي مررره0000

وبالشهر الثالث حملت بفضل من الله بس مو هدي المفاجأه المفاجأه اني رحت لسونار ببداية الرابع قالت ماشاء الله انتي حامل بتوئم 000

ياربي قعدت ابكي وزوجي متفاجيء ويقولي انتي ماخده كلوميد من وراي لاني مره قلت له ابي كلوميد علشان احمل بتوئم علشان القيصري مره وحده ورفض 00

شلت الفكره من بالي وصرت ادعي ربي يرزقني بتوئم من عنده واستجاب ربي دعائي بمنه وفضله علي 0000
بس انا اقول يمكن حمض الفوليك كان له دور اوعامل مساعد في انجاب التوئم وعقبال كل اللي يحبون التوئم يحملون بتوئم000
اللي عندها فكره عن هالشي تقول لاتبخل علينا 00
استنى ردودكم ياحلوات00