الدكتورة قالت يمكن بنت مين صار معها كذا وطلع الجنين بعدين ذكر

[السامي]

الدكتورة قالت يمكن بنت مين صار معها كذا وطلع الجنين بعدين ذكر
الدكتورة قالت يمكن بنت مين صار معها كذا وطلع الجنين بعدين ذكر



السلام عليكم بنات ،، رمضاان خير ومغفرة عالجميع يارب.

عندي استفسار بسيط،، انا حالياً في الاسبوع 16 من الحمل
وكان عندي موعد اشعة فالاسبوع 13 وشفت الجنين وانا عرفت انها بنت بحسب ثقافتي مع ان انا بكريه
حتى الدكتورة قالت يمكن بنت بس بتأكدلي الموعد الجاي..

هل في احد صار معها كذا وطلع الجنين بعدين ذكر.. ؟
يعلم الله ان خااطر ابكر بولد لكن كل اللي من الله خير وبركة

[ايلاف]

اذا ماكان السونار بشكل واضح وان الجنين بالتصوير واضح انه ولد فهو بنت
ولكن نسبة ليست قليلة انها تخطئ كثير اخطو معاهم مثلا يكون الجنين بوضعية مايبين جنسه
والتخمين ماناخذ عليه يعني تقول ممكن يعني الاجابه مهي اكيده فما تاخذين في كلامها
لكن ممكن الاسابيع في متابعة حملك تبين لك بالاشعة

[شاعرة الصمت]

ربي يرزقك ما تتمنية

يصير الاخطاء كثير وخاصة ان يقول بنت ويطلع ولد
اما الولد قليل الاخطاء يعني ما سمعنا ولد وعقب طلع بنت

[" ملاك "]

شاعرة الصمت اعرف وحدة للتاسع يقولون لها ولد ولما ولدت جابت بنت

والاسبوع ١٣ بكير ممكن خطأ ويكون ولد سوي سونار بالاسبوع ١٨
والولد والبنت نعمة الله يسهل عليك

[السامي]

كلهم نعمة ،، ربي لك الحمد على نعمة الذرية..

افكر اسوي اشعة بعد الرمضان إن شاء الله
اكون داخله الخامس بإذن الله عالاسبوع١٨ او ١٩

[lulu.Q]

اختي قالو لها بنت عقب راحت لاستشاريه تلفزيون معروفة عندنا بقطر ولما سوت لها قالت هذا مش حبل سري عضو ذكري ولونت لها الشاشه بمجرى الدم ازرق واحمر والعضو ماتلون قالت لها شفتي هذا ولد مش بنت ماشاء الله الله يبارك لها فيه

سبحان الله

ربي يتمم لك ويحقق لك الي بخاطرك ويفرح قلبك آمين ❤️

[السامي]

المشاركة الأصلية كتبت بواسطة lulu.q

اختي قالو لها بنت عقب راحت لاستشاريه تلفزيون معروفة عندنا بقطر ولما سوت لها قالت هذا مش حبل سري عضو ذكري ولونت لها الشاشه بمجرى الدم ازرق واحمر والعضو ماتلون قالت لها شفتي هذا ولد مش بنت ماشاء الله الله يبارك لها فيه

سبحان الله

ربي يتمم لك ويحقق لك الي بخاطرك ويفرح قلبك آمين ❤

اللهم آمين،،
انا بعد مواعيدي فمشفى ممتازه وايد ،، حتى لونت لي الشرايين
مثل ماقلتي وانا بنهاية الثالث .. الله يكتب لي الخير ياارب❤

[منتهى الأدب]

الله يتمم لك على خير

[غربتي]

انا بنص السادس ولسه ما بان جنس الجنين مره يقولو لان نسيج البطن يختلف من وحده لوحده ومره يقولولي الشاشه مشوشه
ربي يسهل علينا اهم شي اطفال سليمين وبعافيه

[altamimi88]

هلاوي
انا كنت فالاسبوع ال١٩ وقالتلي الدكتوره انه ولد
والحين انا فالاسبوع ٢٥ وقالتلي امس نفس الدكتوره اني بجيب بنت
ولين الحين محتاره ف موضوع الجنس لاني ابي ابدأ ارتب الغرفه وكذا
فقلت انتظر موعدي في مستشفى الحكومي واتاكد اكثر..