تم ارجاع الاجنه واليوم ثالث يوم "تجربتي"!

[TETA]

السلام عليكم ورحمه الله وبركاته

بنات حبيباتي حبيت انقلكم تجربتي في ترجيع الاجنه المجمده
طبعا فالبدايه هاذي تجربتي ف عمليه السحب

http://forum.hwaml.com/t363855.html

والحين راح اتكلم عن ترجيع الاجنه
انا لاسباب خاصه فيني تم تأجيل ترجيع الاجنه الى 3 شهور من بعد عمليه السحب وتم تجميدها

الليله اللي تسبق العمليه :
رحت كل مكان بخاطري اروحه وخذت لي كتب جديده وجهزت المسلسلات هههه
لان الفتره اليايه راح تكون فقط بالبيت او طلعات المستشفى فقط
حبيت اعطي نفسي الراحه الكافيه والمطلوبه
طبعا ليلتها عجزت انام من التفكير والخوف البسيط وبين هل راح احمل ام لا
فالنهايه توضيت وصليت ودعيت ربي من كل قلبي ودعيت لاخواتي المحرومات وشغلت سوره البقره ونمت

يوم العمليه :

اتصل المختبر فيني الصبح واعلموني بانه تم فك جنينين من التجميد وكل شي تمام
حمدت ربي واخذت شور ساخن وتريقت وطلعت من البيت
وصلت المستشفى وسويت اجراء الدخول
وبدلت ملابسي وقعدت اتنتظر دوري وانا استغفر والخوف كل ماله يزيد

طبعا انتظرت لمده 40 دقيقه ومافي حد دخل عندي والمشكله ان مثانتي صارت ممتلئه بشكل كامل
وماقدرت استحمل ف ناديت السستر وقالت لي ان الدكتوره راح تتاخر
ف سمحت لي ادخل الحمام عزكم الله وبعدها رجعت اشرب ماي مره ثانيه

( لان المثانه لازم تكون شبه ممتلئه حتى تسهل من رؤيه الرحم بشكل اوضح)

بعدها ب ربع ساعه نادوني وجهزوني عشان نروح لغرفه العمليات
حزتها قلبي كان حيل يدق وكان شعور مخيف خصوصا ان محد كان معاي
لكن توكلت على ربي وصرت ادعي ان الله يمدني بقوه من عنده وان يرحم ضعفي ويرزقني الذريه الصالحه

وصلت غرفه العمليات ونقلوني على السرير وصرت ارتجف من البروده ومن الخوف للمره الثانيه
السسترات يحاولون يهدوني
وبعدها قلت ليش الخوف ؟ مافي شي يستاهل بالعكس لازم استرخي عشان كل شي يصير بيسر وسهوله
وفعلا بديت اهدا

دخلت الدكتوره وبدت
فالبدايه سوولس سونار البطن
بعدها دخلت الحديده اللي توسع المكان عشان تقدر اتدخل الاجنه
وكل هذا صار وانا ماحسيت ب ولا نتفه الم ربي لك الحمد
حتى قلت ف بالي الكشف اللي دوم يسونه لي يؤلم اكثر من عمليه الترجيع

استغربت جدا مافي ولا نقطه الم ولا حتى 1 بالميه
حمدت ربي وشكرته لانه ييسر لي العمليه

ومافي اجمل من الشعور اللي لما دخلت الاجنه قالت لي شوفيهم على الشاشه
حزتها حطيت ايدي على ببطني ورددت هذا الدعاء

( اللهم اني استودعتك اجنتي فاحفظهم بعينك اللتي لا تنام واتمم علي حملي)

بعد العمليه :

عطوني ابرتين فالبطن
اهم خطوه تنسدحين وترتاحين
وتقللين حركتج
خصوصا بالساعات الاولى

رجعت البيت بعد ساعتين تقريبا
وبديت احس بتقلصات والم خفيف فالبطن والظهر

وفي انتظار الاسبوعين يمرون باسرع مايمكن

اهم شي كل وحده تتوكل على الله وتفوض امرها له
فهو الرازق الكريم بعباده

اي استفسار انا موجوده

[soso2017]

ماشاء الله

الله يثبت حملك يارب

[Bushra27]

الله يفرح قلبك ويثبت حملك ويرزق كل محروم

[TETA]

اللهم امين

[" ملاك "]

الله يفرح قلبك ويقر عينك بشوفتهم بحضنك

موفقة يارب

[Orcida]

الله يفرح فلبك
و يتمملك على خير

[henna]

ربنا يثبتلك حملك ويتمملك بخير وتفرحى بالذرية الصالحة

[TETA]

اللهم امين يارب ويرزق كل محرومه
يالله كيف صعبه لخظات الانتظار

[نونة البحرين]

ان شاء الله تثبت الاجنة يا رب

[عايشه يوسف]

الله يثبت اجنتك يارب وتبشرينا