العلاج بمركز فقية فرع دبي

[خلود ام حامد]

السلام عليكم ورحمة الله وبركاته

معاكم خلود ام حامد للمرة الأولى سامحوني ترى ما اعرف اكتب عدل

انا صار لي 4 سنوات متزوجه ، وبعد اول سنة بديت رحلة العلاج
اول محطة كانت مركز دبي للأخصاب وتميت سنه كاملة معاهم
وايد يتأخرون والمختبر عندهم دايما زحمة ومشغول والأطباء كله اجتماعات
المهم سنة كاملة لين سويت سحب بويضات ورجعتهم ما صار حمل ولله الحمد
بعد جذية حولت الى :
المحطة الثانية حسنية قرقاش وقعت معاها اقل من سنة الحلو عندها ما تاخرج ابدا
وسريعة بالعلاج وتكسب الوقت وسويت معاها محاولتين سحبت البويضات ولاكن في كل مرة
البويضات الملقحة ما تكون طبيعية وما ترجعهم وقالت هاي ما لها حل غير المحاولات
زوجي قال بنروح برع نتعالج ولين يطلع لنا العلاج برع قلت اجرب مركز فقيه الي في دبي
المحطة الثالثة مركز فقيه في دبي


- منو افضل دكتور عندهم؟
- العلاج يطول عندهم ؟
- يقبلون بطاقة ثقه للعاملين في ابوظبي للعلم جوازي مش ابوظبي بس زوجي يشتغل في ابوظبي؟
- هل العلاج مكلف عندهم؟
- الي عندها تجربة في المركز تفيدني؟

جزاكم الله الف خير

[sjode]

والله ماعندي معلومه ياغلا انشاء الله يفيدوك البنات

[خلود ام حامد]

المشاركة الأصلية كتبت بواسطة sjode

والله ماعندي معلومه ياغلا انشاء الله يفيدوك البنات

مشكورة الغالية يزاج الله خير

[الصفا الشرقي]

مرحبا أختي خلود ،، انا جربت فقية فرع العين مرتين ، المرة الاولى ما رجعوا الاجنة لانهم غير سليمين والمرة الثانية سوولي ترجيع بسس ما صار حمل . وعلى كثرة مراجعتي للمركز ما شفت حوامل باين عليهن الحمل يراجعن عندهم، انا سألت الدكتور أحمد فقيه وين اكثر الافرع الي عندكم تنجح فيها عمليات اطفال الانابيب قالي في دبي . أسال الله العظيم ان يرزقك ويرزقنا ويرزق كل محروم الذرية الصالحة .

[TETA]

انا تعالجت ف مركز فقيه فرع ابوظبي
والحمدالله حملت من اول محاوله

انطباعي عنهم جدا ممتازين وتواصل دايم مع المريض
ويشوفون شو اللي يزعجج ويحاولون باي طريقه يساعدونج

ومن افضل دكاترتهم
دكتورتي مونيكا (هنديه)

[راعية الدار]

جربي هيلث بلس

[خلود ام حامد]

هلا خواتي اشحالكم
رجعت لكم بعد غياب طويل
خل اخبركم شو صار معاي .. طلعت لنا موافقه للعلاج في بلجيكا رحنا شهر فبراير وكانت علي الدورة وبدينا علاج من غير فحوصات قلنا لهم ما عدنا وقت ونبي نبداء كلموا الدكتور والحمد الله وافق نظرا لاني كبيرة بالعمر وما عندي وقت المهم اول يوم سوينا تحليل دم وسونار وعطوني الادوية كلها ابر وتحاميل وقالوا تري نخبرج بعد النتيجة شو من الابر بتبتدين وبديت واستمر التنشيط ما يقارب ١٥ يوم بعدها سويت سحب ورجعوا بويضة وحدة بعد ثلاث ايام وسافرت بنفس اليوم بس ما الله كتب احمل
وبكمل بعدين

[بنت المرحوم]

الله يعوض عليك.ويرزقك ولا يحرمك