ياحوامل طمنوني سويت سونار وطلع مافي جنين ولانبض

[مزيونة السعودية]

بنات انا حامل والدكتورة قالت انتي بالاسبوع الخامس سويت سونار وطلع مافي جنين ولانبض بس كيس الحمل
واللي سوت سونار قالت انتي بالاسبوع السادس وخمس ايام وانا حسبت وطلع بالسادس ويومين يوم رحت لها تاريخ
3/27
اخر دورة 2/12 هجري
وميلادي 1/7
والله رجعت ودموعي مو راضية توقف وحابسة نفسي بغرفتي ومالي خلق اكل وعلى فكرة احس بلوعة هل معناها اني بخير
طمنوني والله خايفة حيل
طيب هل الاجهزة السونار تختلف عن بعض اعرف ان في سونار ثلاثي هل معناها جهازهم مو متطور والا كيف
الدكتورة قالت تعالي بعد اسبوعين وانا مافيني صبر ودي اتطمن
ادعولي يابنات الله يثبته واسمع نبضه ادعولي ادعولي ادعولي والله احس اني مخنوقة *

[sahab]

قل لن يصيبنا الا ماكتب الله لنا

ان شااء الله يتمم حملك ويكمل فرحتك اامين يااارب

اكثري من قول

لااله الا انت سبحانك اني كنت من الظالمين

فاستجبنا له ونجيناه من الغم كذلك ننجي المؤمنين

[مزيونة السعودية]

مشكورة اختي على ردك ادعولي ربي يثبته

[~قموووره~]

الله يطمن قلبك يااارب ويرزقك بالذريه الصالحه
ويارب تروحي المراجعه الجايه وتبشرينا خير اللهم آمين

[مزيونة السعودية]

امين يارب ابشركم ان شاء الله
استغفرالله واتوب اليه

[شوكه]

لاتخافي اختي كذا نفس حالتك لما دخلت الشهر الرابع حصلو النبض
وفيه طريقه شعبيه اذا كان الحمل موجود وفيه نبض يثبت واذا مافيه نبض والجنين ميت لاسمح الله ينزل

هي انك تاخذي الحلب وتطحنيه وتاخذي منه لهووم ع الريق لمدت اسبوع اذا مانزل شي
سوي سونار وشوفي واستمري ع الحلب لين يبان النببض او ينزل

[شوكه]

الله يثبت حملك ياارب ويريح قلبك

[مزيونة السعودية]

مشكورة يالغالية جزاك الله خير

[همسات ام]

يا حبيبتي ليش الخوف؟ مادام الطبيبه قالتلك تعالي بعد اسبوعين خلص انشاء الله مافي الا العافيه
كيس الحمل ظاهر ومو شرط الجنين يظهر وطبعا اذا الجنين لسه ماظاهر النبض طبيعي يكون لسه ماظهر وخاصه اذا السونار بطني مو مهبلي وحتى لو مهبلي مو شرط يظهر في هذا الوقت فلاتخافين ابدا وخليها على الله ولا تبكي ابدا مو زين عالحامل استهدي بالله واقري قران واستعيني بالصبر والدعاء هالاسبوعين يطيرو بسرعه وتروحين للطبيبه وانشاء الله تبشرك وتجي تبشرينا *

[مزيونة السعودية]

الله يريح بالك ياهمسات ام مثل ماريحتيني ايه سويت بطني ومهبلي ومابان شي عشان كذا خايفة ان شاء الله ربي يثبته ويتممه على خير ويرزقني بنت يارب