بخصوص أطفال الأنابيب .. ساعدوني حبيباتي

[عذبة الإحساس]

السلام عليكم ورحمة الله وبركاته


هلا حبيباتي


كيفكم ؟؟..,,


أنا عضوه جديده في المنتدى وكنت أتابع معكم من بعيد لبعيد


واليوم سجلت واتمنى انكم تقبلوني أخت بينكم



ندخل بالموضوع



أنا لي سنتين متزوجه وعمري 23 وأنا مقبله على أطفال الأنابيب


وأول مرررره .. وماأعرف عنها أي شي !!



وموعدي بعد اسبوع والدوره لسى مانزلت تأخرت شوي



متى آخذ الابره التحضيريه ومتى التنشيط ؟؟..


ووزني زايد .. هل يشكل خطر الوزن الزايد ...


وهل في فيتامينات آكلها قبل ماأبدا .. غير حمض الفوليك !! ..


وأبي نصيحتكم وخبراتكم



وربي مرررره خااااايفه وشايله هم

[سموة الشوق]

يالغالية

انتي اول موعد بتروحين الظاهر

لازم يسوولك تحاليل وكشوفات

وبعدها يقررون وش تحتاجين له بالضبط


وبعدين يحددون موعد إبر التنشيط ووووو

الله يسهلك خيتو ويرزقك الذرية الطيبة من عنده

لاتشيلي هم

وكلي أمرك لله

حياخذوا دم ويسووا لك تحاليل

وعلى نتيجتها يحددون

خير يارب

[ألم الغربة]

اختي العزيزة أنا عملت العملية في دولة أجنبية و أظن ان العمليات هنا تفرق مع العمليات في الدول العربية هنا ناخذ حبوب فيتامينات و بخاخ للانف وحقن للبويضات حتي تكبر في الموعد المحدد وحبوب لتهيةء الرحم لتقبل الجنين و يتابع الدكتور معنا من اول يوم الدورة بل عمل السونار المهبلي الي يوم قبل أخذ البويضة و الحقنة نأخذها قبل عملية السحب ب 24 ساعة لا اكثر و الطبيب يحددها في اي ساعة من اليوم و بعد السحب ب 3 او 5 ايام يكون ترجيع البويضة المخصبة و بعدها نستمر علي حبوب و فيتامينات بل نسبة لي ف أني أخذ نوعين حبوب و نوعين فيتامينات بل يوم أخذ ثمان حبوب غير حبوب الترجيع والحمد لله لحد الان الامور جيدة و أنا حامل في الاسبوع العاشر بس عندنا يزرعوا اكثر من بويضة أنا لأعلي اثنان لكن الله ما كتب لي غير واحد قالوا يوجد كيس ثاني لكن لا يوجد به جنين هذه عن تجربتي و أتمني ان يفيدواكي الأخوات الذين عملوها في دول عربية
في الختام لا تخافي ولا وتفكري توكلي علي الله وانشاء الله يرزقكي بطفل *

[عذبة الإحساس]

طيف ..

آمين حبيبتي .. الله يجزاك خير ياااارب

ومشكوره على الرد ياعمري

معلللللللللللييييييييييييش قلبي نسيت أقول اني سويت التحاليل وكل شي ..



ألم الغربه ..

ماشاء الله تبارك الله .. ألف مبروووك حبيبتي .. الله يتمم لك على خير ..

ومشكوره ياعمري على ردك وذكر تجربتك ..



منورات حبيباتي :)

[سموة الشوق]

ماشاء الله

يعني الحين موعدك عشان إبر التنشيط؟؟

أنا يوم عملتها كانت يوميا إبرتين
لمدة 7 ايام تقريبا

وكل يومين متابعة لحجم البويضات

وبعديم قرر الدكتور الإبرة التفجيرية إني آخذها بالساعه الفلانية

وبعدها عطاني موعد سحب البويضات ووو

الله يكتب لك غلاتي النجاح والحمل بالذرية الطيبة من عنده

[عذبة الإحساس]

اللهم آمييييييييييين ياقلبي

طيب الابره التحضيريه متى آخذهااا ؟؟.. لان موعدي اللي قبل كم شهر كنت أباخذها بس سبحان الله نزلت الدوره مبكره مره حول اسبوعين او اقل .. وماقالي الدكتور متى اخذها بالضبط ..

والابره التنشيطيه في وقت الدوره ولا بعد !!


معليييييش عيوني أسألتي كثيره ههههههههههه ..


آميييين حبيبتي .. الله يسعد قلبك ويرزقك ماتتمنينه :)

[سموة الشوق]

عادي حبيبتي إسألي
يوصف لك الدكتور ياحبوب عن طريق الفم
أو حقن تؤخذ عن طريق العضل
أنا كانت إبرتين بالعضل
ومن ثاني يوم بالدورة بديت آخذ إبر التنشيط هاذي
بعد ماعملوا أشعه صوتية للتأكد من عدم وجود أكياس على المبايض
واستمريت يوميا بالابر الين ماوصلت المبايض للحجم المطلوب تقريبا أنا أخذتها سبع أو 10 أيام
وكل يومين أروح ويعمل لي كشف بالاشعه الصوتيه عشان يشوف حالة المبايض وحجمها
ويوم وصل للمطلوب

وقف الإبر المنشطة وعطاني الإبرة التفجيرية وحدد لي الوقت بالساعه تماما متى آخذها بالضبط

ثم موعد السحب

الله يسهلك حبيبتي

انتي عاملة هالعملية باي مشفى؟؟؟

[عذبة الإحساس]

الله يعطيك العافيه حبيبتي ويرزقك ياااااارب

اهااا يعني التحضيريه قبل الدورة بكم يوم والتنشيط اول ماتبدأ الدورة


في مدينة الملك فهد الطبية :)

[سموة الشوق]

الله يسهلك غلاتي ويوفقك ربي ويرزقك الحمل السليم بالذرية الطيبة من عنده

طمنيني عنك يالغلا

[عتيبيه كول]

الله يكتب لك ولي
التوفيق من عنده يارب
ويزقنا من واسع فضله
اللهم امين واخواتي المسلماات جميعا