مشكلة عويصة أحتاج فيها للخبيرات

[ريانة المشاعر]

السلام عليكم
افهموا حكايتي أول شيء وعطوني رأيكمـ لأني من جد نفسيتي دااااااون (N)

أنا حامل في الشهر الثامن - الله يتممه على خـير - وأدرس في الجامعة المشكلة وما فيها أني درست السمستر الاول ونجحت والحمد لله وكان خفيف وحسبت السمستر الثاني مثل الأول لكن المواد صارت أكثر ( ولا أقدر أقللها - نظام الجامعة لا يسمح - ) التعب صار أضعااااااف مضاعفة وقاعتي في آخر دور في مبنى الكلية !
وأنتو عارفين تعب الحمل وخاصة إنك لما توصلي آخر دور ( تحاولين تتنفسين الهواء كله ) : (
وأنا في منطقة مستشفى الولادة فيها جداااا سيء ( لا رعاية - لا كادر طبي )
واللي خوفني كل يوم والثاني أسمع حالات وفاة عندهم آخرها قبل شهر : (
وأنا بكرية وخايفة موت من الولادة وعندي حالة فقر دمـ وأراجع في منطقة الرياض
وزوجي بعيد عني وجالسة أدرس عند أهلي
والمشكلة ودي أرتاح وأجلس هالسمستر بلا دراسة لكن أخاف أتحسف لأن زوجي وأهلي كلهم يأنبوني يقولون راح تندمين وأنا ما أبي أندمـ بصراحة بس ما خلاني أفكر في هالموضوع إلا التعب النفسي والجسدي والارهاق
وأفكر إني لو بأولد أكيد بيكون بنص السمستر يعني في الاكزام الشهري
واستشرت ناس في منتدى ثاني وأكثر صوت يقولون كملي
فأنتو إيش رأيكمـ ؟
أكمل / أو أأجل دراستي

[هلا بعمري]

ريانه المشاعر..
انا مثلك بس بصراحه ماقدرت اكمل وانا بالشهر الخامس اجلت والحين بالثامن
اهم شي صحتك وصحه جنينك والدراسه ان شاء الله تكملينه بعد ولادتك ع خير ..
واستخيري وشوفي الخيره وين..
والله يتمم لك ع خير

[نسمه الليل]

لا والله اجلي الدراسه مو طايره اهم شي صحتك
كثير من صديقاتي نفس حالتك اجلوا وبعد ماخلصوا ولاده رجعوا للدراسه
اذا تخافين على صحتك اجليها

[الفراشة الحنونه]

انا اجلت دراستي وامنياتي كلها توقفت بعد الحمل لانه بصراحه انا اشوف حملي اهم

ان شاءالله الوحده فينا بس تولد وتقوم بالسلامة هي وطفلها كل شي تقدر تعوضة اذا ربي اراد

اهم شي صحتنا وصحة اطفالنا حبايبي

وانتي حبيبتي استخيري وربنا يقدم لك الخير وين ماكنتي

تحياتي لك ^^

[ريانة المشاعر]

هلا بعمري

الله يسعدك ()

وربي ما تتخيلي قد كلامك ريحني

الله يتمم علي وعليك الحمل وييسر الولادة يا رب

[ريانة المشاعر]

نسمة الليل

الله لا يوريك مكروه ويتمم لك حملك ويجعله قرة عين لك ولأبوه

اي والله صحتي ونفسيتي مره سييئئئئة

[ريانة المشاعر]

الفراشة الحنونة

كنت أفكر كذا أقول لو أأجل بيتعطل مستقبلي ووووو
وكملت لأني كنت أحس أني قادرة ومسوية فيها أني راح أقدر
بس ما توقعت الحمل كذا تعب وإرهاق
حتى ما فيه راحه تصحين بدري من الساعة 5 الفجر وإرررررهاق
إن شاء الله بأستخير والله يكتب اللي فيه الخير

[ريانة المشاعر]

يا حببببببببببي لكم
قسم بالله حسيت هنا ناس فاهمتني وفاهمة التعب اللي نمر فيه إحنا الطالبات
لبى قلوووبكم جعلي ما أنحرم منكم
قسم بالله عطيتوني دافع أني أهتم بنفسي والبيبي أكثر
والدراسة إن شاء الله لاحقة عليها
من كثر الوظايف اللي تنتظرنا : ( <

[maemona]

اهم شئ صلي استخارة
وانا براي البيبي اهم من اي شئ تاني ودراسة ما رح تطير اهتمي بصحتك وبالبيبي واجلي الدراسة والله ييسرلك كل امورك وتقومي بالسلامة

[دافئة المشاعر]

مثل ماقالو خواتي
الله يسهل لك يارب ويكتب لك الي فيه الخير