ابنتي .. وتطعيمة الدرن ؟؟!!

[أم لمار]

السلام عليكم يالغاليات ..
حبيت اسألكم واستفيد من خبراتكم بنتي عمرها 4 اشهر يعني هي من مواليد الحج ومن التجمع الحلو اللي قضينا فيه احلى الأوقااات ...!!
المهم بنتي اللي يحفظها لي يااارب قبل كم اسبوع طلع لها في يدها اليسار مكان تطعيمة الدرن ورم شديد الأحمرار وشكله كبيير ويخووف يمكن قد بذرة الخوخ (( البذرة مش الحبه نفسها )) .. المهم هي دائما تبكي لمن احد يدقا فيها وديتا امس وتطعمت حقة الأربع شهوووور وسألت دكتورة المستوصف عنها قالت هذي عاديه تجي في الأطفال بالرغم إن كل من شافها ينفجع منها ويقول وش هذي اللي في بنتك ؟؟!!
حتى الممرضات حقون التطعيمات قالو لي وش هذي غريبه اللي في بنتك ؟؟!! هي شكلها مخييف ومنتفخه وبارزه وعلى طول تقشر وامس بدأت الاحظ إنه طلع في وسطها شي اسود صغير ..!!
// ما ادري وش رايكم هل فيه وحده صار لها مثل اللي صار لبنتي ؟؟
// ووش تنصحوني به اوديها ..؟؟ دكتور جلديه ولا دكتور اطفال ؟؟!!
خايفه عليها وابغى اتطمن .. ولو سألني الدكتور ما ادري وش اقول له هي من تطعيمة الدرن والا تطعيمة الشهرين .؟؟!!
الله يحفظ لكم اطفالكم من كل سؤ ياارب ... انتظر ردكم على احر من الجمر ..!!

[ريآنهـ..!]

حبيبتي دام اللي بيدها اليسااار هذي تطعيمة

الدرن اللي بعد الولادة لانو تطعيمة الشهرين

بس في الفخذ

وهي بعد فترة تكبر وتحمر

لدرجة تصير مثل الحرق الصغير وبعض الاطفال

تصير كبيرة عندهم بنت اختي صارت زي كذا

بس فترة وطابت بس باقي الاثر كالعادة

وانا بنوتتي صار معها نفس الشي بس مو كبير مرة واتقشر وطاب الحمدلله
وبعض الاطفال هذي التطعيمة تطلع عندهم ورم

بعد فترة تحت الابط واذا ما خف وصاار ليين

لازم يجرحوونه صاحبتي صار مع ولدها زي كذا

بس مو مخطر وراح

واذا انت قلقاانة خذيها لطبيب الاطفااال

عشان تطمني قليبك والله يحفظ البنوتة الحلوة

آحلى مواليد مواليدنا عيال الحج ححح:)

[أم لمار]

رياااانه الله لا يخليني منك ياارب ويحفظ لك غاليك قولي آمين ..
والله إني خايفه وما ادري لو قالي لي الدكتور لازم جراحه وش اسوي .. هل اخليه عادي يفتحها وينظفها ولا لااااا !!

[« خ ـجل »]

حبيبتي هذذيي عاديه تطلع لكل الاطفاال

حتى بنتي طلعت لها كذذا وماراحت الا بعد 5 شهوور

والحين خلصت 6 شهور ولسى فيها اثاااارر

وبوريك صوره لتطعيمتها لما كانت منفوخه والصوره هذي بعد الاربعين صورتها

[أم لمار]

مشكوره ياقلبي خجل والله يحفظ لك الغاليه بس بنتي الحين عمرها 4 اشهر واثر التطعيمه حقتها اكبر من كذا وما طلع منها لا دم ولا صديد .. كانت صغيره قبل شهر بس لها الحين ثلاثه اسابيع تقريبا صايره كبيره مره وحمررررااا وكأن في داخلها مويه وشكلها رقيقه لمن المسها
والله إني ما ادري وين اوديها وكيف اتصرف معها ؟؟!!!!!!!

[أإأم ع‘ـــزُوـوزُ]

إن شـآء الله يكون كل شي طبيعي أنـآ الحمد الله ولدي حبه صغيره ساعاات حتى مـآ تبان ولاتخافين كل شي طبيعي بإذن الوآحد الأحد ....

[زينه1]

لاتخافي ان شاء الله ماعليها الا العافيه
انا بنتي الكبيره جسمها حساس وزي ماقلت طلعت كبيره وحمراء وبعدين صارت تنزل دم وصديد وكله طبيعي وبنتي الثانيه عادي طلعت حبه حمرا وصغيره فالاطفال يختلفوا والافضل روحي طبيب اطفال عشان تطمني

[امل الحربي]

لا انا ولدي صارت كبيره و رقيقه و تقشر و لما المسها يصيح كان فيها مويه وديته لطبيب و طلع الي فيها و اعطاها مضاد حيوي والحمد الله صار تمام بس طول حتى تعافى بس انتبهي ودي بنتك لدكتور علشان تطمني عليها

[« خ ـجل »]

طيب ريحي بالك وروحي وديها لدكتور خليه يكششف عليها
ماعليها شر ان شاءالله

[زهرة البنفسج]

انا ولدي كانت كذا بس زوجي طلع اللي فيها ونظفها بمسحه طبيه والحمدلله طااب
انتي روحي للدكتور ينظفها عشان ترتاح من الالم