قصه علاجي (دموع أحزان أفراح

[كـــبرياء دمعـــة]

السلام عليكم ورحمة الله وبركاته
منقوله منقوله منقوله

باسم الله الرحمن الرحيم

السلام عليكم بناااااات



اشتقت لكم واااايد وانتو دايم بالي الله يشهد علي



بدش بالموضوع على طووول


انا صارلي تقريبا 3 سنوات متزوجه والحمد الله رب العالمين ربي ماكتب لي بالعيال

بلشت علاجي متأخر بشهر رمضان اللي فات يعني تقريبا شهر 8


بلشت آخذ حبوب منشطه وماحملت وبعدها ابر منشطه وحبوب وماحملت وبعدها قررت اسوي تلقيح صناعي

سويته 3 مرات ورا بعض وكانت عندي ولله الحمد بدل البويضه 2 وحجمهم طيب 21 و22 تبارك الرحمن

بس بإرادة رب العالمين ماحصل حمل وكل مرة تنصدم الدكتوره اكثر


قلت برتاح من العلاج والابر والحبوب لانه كان وزني تقريبا 55 صار 60 والحمدالله رب العالمين ماكان يهمني وطلعتلي كرشه بطني اتنفخ وانا كان بطني بظهري

لدرجه اذا رحت زواره او عروس على بالهم اني حامل كان موضوع يزعجني بس قلت م مهم المهم انه الله ينعم علي بالضنى


المهم بنات قلت اريح شهرين لانه صارت علاقتي مع زوجي بدت تتوتر

وعسى ماكلمته بشغله يترفز ويعصب كله اييب طاري العيال


لدرجه مرة تأخر بره البيت حيل أدق اقوله تأخرت وايد ... يقولي:

ليش أرد البيت ومافي عيال يشدوني أرد عشانهم!!!

طبعاً اكتم بقلبي واسكت مالي إلا رب العالمين


ومره سألته شنو تبي اسويلك عشى رد علي


انا اللي ابي عيال ! واحد يمي نايم والثاني يلعب هناااك والثالث يتهاوش مع اخوه!!!


مره دق رفيجه قاله باركلي يالي ولد

بارك له وفرحه له بس سكره منه

طالعني بنظره كأنه يحملني المسؤليه قالي : ماشاء الله تتزوج بعدي وعنده بنت ولد

يعني على باله انا ماعندي احساس انا بالعايله شكثر بنات تزوجوا عقبي وعندهم عيال ماشاء الله الله يحفظهم الارزاق بيده رب العالمين


المهم بنات ولله الحمد ايماني زاد برب العالمين وزادت علاقتي برب العالمين

قيام الليل من رمضان للحين ماهديته مو كل يوم اصلييام ليل تقريبا يوم وترك او كل يومين المهم مستحيل اقطعه ولله الحمد


الاستغفار زاد كنت استغفر 100 صرت استغفر 1000 واكثر بفضل من الله

والصدقات كثرتها


تركت الحف وصرت اشقر وصرت اجمل وأحلى ويهي منور والحمدالله


كنت ناويه اراجع عند دكتور بس سألت شيخ قال مايجوز قلت ارجع حق دكتورتي احسن

من ترك شي لوجه الله عوضه باللي أحسن منه

العلاج بإيد رب العالمين لا دكتور ولا دكتوره


وفعلاً رديت حق العلاج بعد ماريحت ورحت حق دكتوره ثانيه غير دكتورتي...

رحت 2 يوم الدورة


الله يسامحها كنت متألمه وبطني يعورني وصدري انا كل دورة تقريبا جذيه

خرعتني وقالت شنو هذااااااااااا شفيج ليش تعبااااانه؟؟؟؟؟؟؟؟؟


قلت لها عادي 2 يوم الدوره !

قالت شنو عااادي لا مو عااااادي


الحين تطلعين من عندي تاخذين هالأدوية


وصفتلي دواء يوقف الدوره وبونستان القوي ودوا ثالث نسيته

وسوتلي سونار قالت لي @@ اممممممم بطانه الرحم سميكه

واخترعت وخرعتني وكله منفسه وشكلها مايطمن كلش سبحانه مارتحت لها

ماعنها معروفه وناس واصفينها لي انه وحده 7 سنوات ماحملت وحملت عندها بفضل الله


المهم طلعت من عندها وانا متحطمه .........................!


رحت عند امي خذيت الدوا امي انصدمت قالت ليش كل هالأدوية وانتي عليج دوره مو زين يمه


شافتهم طقت على راسها قالت ليش تعطيج دوا بريميلوت (جنه اسمه جذي ..) اللي يوقف الدوره

ليش ترفعها ؟ هذا احنا ناخذه لما نروح العمره ويعفس هرموناني انا يالمرأه العوده شلون انتي؟؟؟


قالت جم حبه كليتي منهم قلت من كل كرتون كليت حبه وقفت دوره صارت تقطع

قالت حسبي الله ونعم الوكيل هذا دم فاسد ليش تقطعه خل ينزل هالوسخ


خذت كل ادويتي وقطتهم بالزباله كرمكم الله



المهم قلت مالي غير الله ثم دكتورتي حبيبتي (القديمه)


ورجعت حق دكتورتي 5 يوم الدوره


قلت لها سالفتي مع الادويه اللي خذيتها وقطعت دورتي


قالت ماقدر اعطيج الا اربع ابر انتي يايه متأخر ولعبتي بالدوره

المفروض 2 يوم لو كنتي يايه جان قدرت اعطيج علاج مكثف

المهم توكلت على الله وقلت ربي يبارك لي ب 4 هالابر المنشطه الله كريم


رحت لها يوم 12 من الدورة علشان التبويض

انصدمت حجم البويضه 13 صغيره حيل قالت ماراح اعطيج الابرة التفجيريه ولا راح اسوي لج التلقيح حيل صغيره وممنوع الجماع هالفترة !

بس تعالي بعد 3 تيام يمكن يزيد حجمها واسويلج تلقيح صناعي بنفس اليوم


رحت لها بعد 3 أيام ... الحمد الله كبرت صارت 19

بس قالت هم ماراح أجازف واسوي لج تلقيح ولا اقدر اعطيج الحين الابره التفجيريه

وقالت واذا تبون جماع خلوها بعد يومين يعني -18 19 20 من الدوره

خلاص لاتزعلين تعالي الشهر الياي وابلش معاج علاج مكثف علشان اطلع اكثر من بويضه ..


طلعت وانا متحطمه بس قلت اللهم آجرني في مصيبتي واخلف لي خيرا منها


سبحان الله صار جماع تاريخ 17 من الدوره مره وحده فقطططططط


كان موعد دورتي 16-1

وكان عندي عرس اختي وكنت كل يوم بالسوق كعب حوسه ولويه المهم قبل عرس اختي بيومين

قلت خل اروح أحلل تحليل هرموني


أخاف أجهد نفسي بالعرس وارقص وينزل علي دم فراح اوسوس هل هذي دوره او حمل وطاح !



توكلت على الله رحت التحليل وسويت تحليل هرموني


قال يطول ساعه قلت مو مشكله


وانا قاعده انطر قاعده واستغفر وقريت سورة مريم من جهازي الايفون وقاعده ومتوتره

المهم طووولت النتيجه صار ساعه ونص

قلت اكيد مو حامل بس علشان يبون يتأكدون اكثررر


وطلعت نتيجتي

وطاح قلبي بطني


عطاني النتيجه قلت لها ها في حمل

قالي : مائدرش افيدك بحاجه يا هانم لازم تراجعي دكتور

قلت اوكي بس بعرف حامل او لا الله يخليك انا صارلي اكثر من ساعه ناطره


قال : والله في نسبة هرمون بس ماعرفش


!!!!!!!!!!!!!!!!!!!!!!!


طرت رحت عند دكتوورر

عطيته نتيجه التحليل بكل بروووود قالي





حامل

وقط الورقه


بنات والله ريلي ماعادت تشيلني جسمي يرجف احس سمعت غلط او هذا مو تحليلي غلطانين

رديت عطيته النتيجه اقوله الله يخليك دكتور تأكد شوف اسمي صح ؟؟ شنو النتيجه؟

قال مبروك حامل


بنات مت من البجييي اللهم لك الحمد تبارك الرحمن


طلعت من المستشفى اجر نفسي جررر امشي شوي واقعد على كرسي كل ثانيه وانهياااار بجييي جدام كل الناس


وابجيي بجييي وبصووووووت


اللهم لك الحمد


بنات مشى الشريط جدامي شون سبحان الله رفعت دورتي وقطعتها وشلون كانت بويضتي 13 بس

ولا اخذت لا ابره تفجيريه ولا شي


وجماع ولله الحمد مره وحده فقط


والحوسه من سوق لي سوق وكنت حامل ومادري والكعب والطباخ والشيل والحط وغيررره وغيررره

ووالله يابنات وانا رايحه احلل لابسه كعب مو حاطه بالي بس في امل بقلبي واملي كبير بالله سبحانه


سبحاااااااااااان الله .. الله يبي يراويني قدرته فوووق كل شي



نصيحه بنات تركوا اي شي يغضب الله

الله لا يغير مافي قوم حتى يغيروا مافي انفسهم ...


قيااااااااااااااااااااااااام الليل السر الوحيد لاستجابة الدعااااء

بنات حتى لو ركعتين قيام مع الشفع والوتر ادعي من كل قلبج منو المجيب غيره سبحانه

منو اللي بيده امرج غيره سبحااانه


منو اللي وسعت قدرته كل شي كن فيكووون


ادعي بتضرع وذل لله سبحاااانه اهو الرؤؤووووووف اللطيف الرحيم الغفوووورر



بناااااااااااااااات الله يخليكم ادعووولي الله يثبته الله يشهد شكثر مريت بظروف قاسيه وانتو مجربين الحرمان وعسى ياربي الله يفرج همكم ويرزقكم بالذريه الصالحه

تقربواااا من الله اصدقوا النيه

ربي يبارك لكم

[تعبت اعاني]

جزاك الله خير على النقل والله يرزقك ان شاء الله،،
وفعلا مالنا غير الله يارب ارحمنا برحمتك ورزقنا من فضلك،،

[أم أبو بكر]

جزاك الله خيراوجعلها في موازيين حسناتكبالفعل قدرة ربنا فوق كل شي ورحمة ربنا واسعةوالحل تقوية علاقتنا بالله الواحد الأحد من ترك كل ما يغضب الله والتقرب له سبحانه بالطاعات

[حوريه السعوديه]

الله يجزاج خير ع النقل

وربي يرزقنا

[*رحمه*]

جزاك الله كل خير

[ام تميم 66]

جزاك الله كل خير ,,

ويعطيك العاافية على مااقلتية,,,

[هادية]

واحنا كل شهر نتابع التبويض وووووو
الله قادر علي كل شيء و ننسا ربنا
والله ذكرتيني بحالي انا حاسة مقصرة في حق ربي
الف شكر خبيبتي الله يثبت حملك يا رب

[TOomy]

الحمدلله رب العالمين
مشكوره اختي
يعطيج العافيه
والله يثبت لها ولجميع الحوامل
والله يرزقني ويرزق كل وحده تتمنى الحمل

[ضامي حناني]

جزاك اللله الف خير والله يعطيش الف عافيه ويحقق لش كل امانيش يااارب

[ام زكرياء]

االله يثبت حملك حبيبتي ويفرحنا مثل ما فرحك والله بكيت لما سمعت قصتك