ساعدوني انا طفشت ...

[جنة حياتي]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
انا ماني عارفة ايش اقول ولا لمين اشتكي بس مالي الا انتو بعد الله
انا حامل وهذا اول حمل لي بعد سنة وشهرين المهم ... ودحين انا في الشهر الرابع ولله الحمد بس زوجي مايبغاني اخرج ولا اروح زواجات واقوله فهمني اقنعني يقولي انتي حامل كيف تخرجي اقوله عايدي الحمل يعني مافي مشاكل كثير ناس يخرجو ويروحو ويجو اقوله الحامل مو مريضة طريحة الفراش عايدي لو اروح يقولي لا انا والله طفشت يعني من بداية حملي الين دحين ماخرجت الا بس عند اهلي واهلو بس ابغى اخرج واشوف الناس والله طفشت وماني عارفة كيف اتصرف يعني قبل ثلاثة اسابيع كان فيه فرح نفسي اروح له ومارضي والله يقولي اخاف عليك يعني عايدي ولايبغاني اروح كوافيرة واسوي تشقير واحنا يعني في اجازة دحين يعني عايدي لو اخرج بس مو راضي يقتنع وانا والله مرررررة طفشت وزهقت ابغى اغير جو وماني عارفة كيف اقنعو واليوم فيه فرح ابغى اروح له ومو راضي والله جاني البكا من الطفش يعني ساعدوني انا ماني عارفة كيف اتصرف ... اقوله اجلس طول حملي مااخرج ولا اروح ولا شي يقولي تقريبا ايش اسوي قولو لي ....

[doody]

عادي ياقلبي مبين ان زوجك خايف عليك وخايف على حملك
واكيد سامع ان الحمل في بدايته ضعيف ويتاثر بسرعه
لاتزعلي ولاتضايقي نفسك اكيد انها خيره لكي
اذا انك طفشانه مره اخرجي معاه روحي تمشوولا اتعشو برا
يعني خليه يونسك ,,,
وكلها كم شهر تولدي بالسلامه وتخرجي وتنبسطي ^ـــــــ^
ادعيييلي

[الحياه لعبتي]

هلا حبيبتي كل الي قولتيه مريت في انا بزبط بس بقلك شي انا كنت زيك طفشانه لانو كل شي يقلي لا وكنت اتضايق بس والله حمدت ربي مررررره هذا معناه انو يحبك وخايف عليكي وع البيبي وبس انا حملت بعد 10شهور من زواجي بس من يوم مااتزوجنا وهو يستني اني احمل ولمن حملت خايف بحركاتي الكتيره انو يخصر البيبي ولمن كنت ابغي اروح افراح كان يقلي لا اعرفك ماحتقري في الكرسي خخخخخخ مساكين ع بالهم الرجال انو الحرمه من يوم ماتدخل القاعه هاتك يارقص المهم حاولت اقنعو وابدا مافي بس مشالله دلعني دلع الحمدلله غيرنا يتمنو ربع الدلع بس بقلك احمدي ربك انو بيهتم فيكي ونصيحتي اسمعي كلامو فتره وتعدي والله دحين جبت بنوته وعمرها 7شهور بس اقلو تصدق نفسي احمل مو عشان ابغا بيبي عشان تدلعني دلع الحوامل
معليش طولت عليكي بس كنت حابه اقلك استمتعي بدي الفتره.
Enjoy

[سمار]

غاليتي فعلاً البنات كلامهم صحيح
والطفش إذا طالعتي من زاوية خوفه عليك وعلى الجنين وبعدين بالعاده البنات هي اللي تخاف على حملها مو الرجال لاتتضايقين غاليتي بالعكس افرحي بخوف وحب زوجك والطلعات لاحقه عليها إذا مرت الشهور الأربعه الأولى يعني بالخامس والسادس بتطلعي
الله يقومك بالسلامه وتفرحي وزوجك بشوفة النونو

[sweet moon]

احترم وجهات نظركم يااخواتي

وبنفس الوقت اختلف فيها معاكم

صحيح هو حب وخوف عليها

لكن مو معقول انها 9 شهور حبيسه البيت !!!!!!

لاتطلع ولا تخرج ولا تشوف بمنطق مين

الحوامل يطلعو ويتمشوا ويزورو حالهم حال الحريم الباقي

والمبالغه بالخوف مو زينه الشي لازاد عن حده انقلب ضده

انتي حاولي تقنعيه ان حملك ان شاءلله ثابت

وان مافي ضرر على الحامل تطلع وتروح وتتمشى وتشقر

وتشوف الدنيا ,, قولي له على كذا ابصير مكتئبه وابكي واطفش

وهاذا الشي بيأثر على الجنين

وبالتوفيق

[Almasah]

:)
قولي له ان الجنين بيتأثر بحالة امه
التفسيه تنقلب للجنين وبتطلع عليج لاطلع النونو

اذا مارضى واقنعتيه ومااقتنع مدري
حااااولي

[rose]

اسمعي الكلام واخررررررررررررررجي الان بعد كدا حبببببببببببسه
والله جات ايام من قوة الحبسة اقولهم ياعالم نفسي اجلس جنب اللي تبيع الفصفص واللوز واتكلم معاها ماني طالبه شي
اسمعي
اخررررررررررررررررررررررجي قد ماتقدري لو انت بصحة
ونااااااااامي اكتر واكتر
يعني خلي نص يومك خروج والنص نووووووووووووووووووووووووووم
اااااااااااااااااااااه يالنووووووووووووووووووووووووووووووووووووووووووووم بس

[احلى كرميلا]

احسن خطة اقولك هي تكلمي دكتورتك تفهمو ان اذا ماتحركتي وخرجتي وغيرتي طبيعة حياتك راح يكون في ضرر على الجنين ولازم تعيش حياتها زي باقي الحوامل لانو الحامل تحتاج نفسيه جيدة عشان الجنين يرتاح افضل خطة الدكتورة والله يسهلك يارب

[doody]

هههههه بناااات كذا بتحمسوووها للخرجه هيا تخرج عادي مو محبووسه بس زواجات مايبغاها تروح
عالعموم اختي قد ماقلنا وحنقوول انتي ادرى بمصلحة نفسك
بس لازم تعرفي ان صحتك وصحة البيبي اهم من كل شي ولعيوون البيبي نضحي بالكثير,,
لانو لو قدر الله خرجتي واجهدتي نفسك وتعبتي وصار لك شي مابتلومي الانفسك ومحد بيندم غيرك ,, ربي يتمم لك ويفرح قلبك وتخررررررررررجي لحد ماتطفشي

[جنة حياتي]

اشكر كل من رد عليا ممكن صح انو خايف بس زي ماقالو اخواتي انو نفسية الحامل لها دور كبير
وانا اصلا كل ماروح موعد ليا الدكتورة تقول انو الاوضاع كلها تمام الحمدلله يعني بامر الله مافي مشاكل لو خرجت .. وعلى الزواجات اقوله انا اعرف مصلحت نفسي مستحيل ارقص بس اروح اجلس يعني اغير جو واتفرج على الناس ... الله يعين بس