اللي صار لي قبل واثناء وبعد ولادتي

[حامل شيك]

السلام عليكم ورحمة الله وبركاته


اول شي الحمد لك ياااااااااااااااااااارب.....

انا كنت اراجع بمستشفى خاص ولان دورتي مش منتظمه كل مره كان لهم حساب بس كانت حساباتهم قريبه من بعض ولما وصلت نهاية الثامن ع حسابهم كملت مراجعاتي ف مستشفى حكومي ورحت اول مراجعه عندهم كنت طبيعيه ومافيني الا العافيه واول مادخلت للدكتوره كانت الصدمه بعد الكشف والسونار قالتلي انتي مخلصه التاسع لك 3 ايام والرحم مفتوح 2سم انا كنت ابنجن صحيح كنت احس بمغص الايام اللي راحت بس قالو طلق كاذب ع اساس اني ف الثامن
وقالتلي يومين اذا ماولدتي تنويم ورحت للبيت عدا اليوم الاول واليوم الثاني بدا الالم يزيد ع الساعه 7 مسا ورحت للمستشفى وقالو توه 2ونص امشي ساعتين وارجعي مشيت بس الالم طفشني ورجعت لهم قالو لسى تعالي الصباح اذا مانفتح تنويم ورحت البيت لااكل ولانوم ولاراحه وبعدها الصباح ماعاد فيني اتحمل كان نفسي يروح الالم شوي عشان انام بس مافيه رحت للمستشفى ولقيت دكتوره حيوانه قالت بنومك وبعطيك طلق صناعي رفضت واعطتني ابرتين مسكن ورحت البيت وبعدها قلت مو رايحه لحد ماتنفك المويه وبالفعل جلست للعصر وطلعت امشي وذبحت نفسي بالمشي كل تفكيري اني ابي اخلص وبعدها رجعت بيت اهلي وكملت المشي ف الحوش وبعدها حسيت حيلي انهد ورحت ابرتاح شوي بس انسدحت ع السرير الا يجيني ذاك الالم مووت واصيح ياحبايبي اخواني كانو بينجنو علي ورحت المستشفى وبعد الكشف طلع مفتوح 4سم وع غرفه الولاده ع طول يمكن الساعه 9 مسا وجلست اتعصر من الالم لحد الساعه 3فجر لسى زي ماهو وجات الدكتوره ونزلت المويه وانفتح الرحم وع الساعه 5 ولدت وحطو ولدي ع بطني بس ماكان يبكي وشالوه وكانو يضربون فيه عشان يصحى وانا اطالع فيهم لما سالتهم قالو عادي تحصل من المخدر وشالوه من الغرفه وانا خيطوني وبعدها رفعوني للتنويم وانا ماعندي خبر عن ولدي ولما صارت الساعه 11 صباح قالولي عندك زياره استغربت لانهم مستشفى حكومي وطلع زوجي واول ماشافني جلس يبكي وانا اساله وهو يبكي بجد ماعاد تحملت وقالي ان ولدنا ف العنايه المركزه اااااه ياقلبي والسبب اختناق وقت الولاده قلت بروح الحضانه اشوفه ورحت وليتني مارحت كل جسمه اسلاك ياعمري انا جسمه صغير مايتحمل كانت الاسلاك ف كل مكاان
بعدها طلعت من المستشفى وكنت كل يوم اجي ازوره لاتسالوني عن النفسيه كانت سيئه لااكل ولاراحه بس افكر وابكي وابوي ياحياتي كان يروح له كل يوم يقرا عليه ويمسحه بزمزم وجلست ع هالحال 3اسابيع وبعدها جاني اتصال من ابوي يقولي
اصبري واحتسبي ولدك مااااااااااااااااااااااات اه ياحبيب ماما كان نفسي ابوسه واحضنه حضنه القبر قبلي وقتها ماكنت حاسه بنفسي رميت نفسي بحضن امي وابكي ولما جاء زوجي وشاف حالتي جلس يبكي والله حبيناه
ملابسه واغراضه سريره كلها ماتهنى فيهاتركها وراح الحمد لله ع كل حال وبعدها لما هديت شوي كنت داخله غرفة امي الا اشوف ابوي حبيبي يبكي تخيلو والله يابنات ماتحملت دموعه وانهرت حتى ابوي تعلق فيه وامي ياحياتي تعبت معاي والله نحفت من كثر مو شايله همي
انا عارفه انو مايجي من الله الاخير اللهم لااعتراض
ادعولي ربي يعوضني ويخليلي امي وابوي وزوجي
واعذروني مو عارفه ش كتبت موقادره انسى ودموعي ماتوقف

اسفه ع الاطاله...................