قصة ولادتي الطبيعية اللي انقلبت لعملية..

[doOody]

السلام عليكم ورحمة الله وبركاته..

الحمد لله ولدت قبل 18 يوم وجبت آحـــلى (( عبد الله )) ربي يحفظه ويحميه
الموهم قصة ولادتي بالتفصيل الممل ههههههه

رحت للدكتورة يوم الثلاثاء بليل كشف عادي قلت اروح اشوف وش صار ليش للحين ماولدت وانا باقي يومين واخلص التاسع صحيح بكرية بس طفشت
الموهم قالت لي الدكتورة فاتح واحد والراس عالي وعنق الرحم سميك
قالت تبين نستنى اسبوع ولا تجين بكرة احط لك طلق صناعي
قلت لها عادي يعني تحطين طلق قالت ايه تعالي بكرة الصبح صايمة واحط لك طلق
قلت طيب بسال زوجي وارد لك خبر رحت وسالت زوجي قال بكيفك اللي تبينه
اهلي شجعوني وقالو روحي وخاصة ان جدتي تبي تسوي عملية وماكلين همي
الموهم قمت الصبح حطيت لزوجي فطور وراح لشغله وانا تروشت وجهزت شنطتي
وصليت ركعتين واخذت امي وابوي ورحت المستشفى دخلت عند الدكتورة الساعة 10 ونص كشفت علي قالت لسة مفتوح واحد بس تبين احط طلق قلت ايه توكلي على الله طلعت الاستقبال حاسبت على انها ولادة طبيعية وحطوني بغرفتي تنويم
وحطولي جهاز حق نبض الجنين والطلق وحطولي مغذي طبعا انا من الساعة 4 الفجر صمت يوم طلعت الغرفة كانت الساعة 11 بعد ساعة جت الدكتورة وحطت لي طلق من تحت جل وقالت يبغاله اربع ساعات عشان ياخذ مفعوله وان شاء الله صلاة العشا انتي والدة اذا تفاعلتي معه وراحت..
بعد ساعتين بدا الطلق خفيف ويقوى ويخف ويقوى االين الساعة 6 المغرب
جت كشفت علي قالت مافتح والراس عالي احبطتني بصراحة توقعت يكون خمسة على الوجع اللي جاني الموهم قالت بحط لك جرعة ثانية حطت لي
وبعد ساعتين جاني طلق قوي شوي بس محتمل يعني بس ظهري ما احس فيه لان طلقي جا في ظهري وبعدين جت ممرضة مصرية تقول فيه طلق بس مو منتظم ومو قوي لدرجة الولادة وكشفت علي وقالت مافتح ولا شوي ولسة الراس هو هو
انا تعبت مررة الدكتورة قالت برجع لك الساعة وحدة بليل يكون راح مفعول الجرعة
وبعدين الساعة 11 راح الطلق بالمرة صرت اضحك واسولف ولا كاني فيني ولادة
بس تعبت يعني من الساعة 12 الين 12 وانا اطلق ولا يفتح 12 ساعة طلق
جت الدكتورة الساعة وحدة ونص قالت مافتح قلت خلاص ولديني تكفين
قررو لي عملية قالت خلاص لو بحط لك جرعة ثالثة مارح يفتح الرحم
وحطو لي قصطرة يمة تعووركثيير وطلعت للعملية الساعة 2 الاربع بليل دخلت غرفة الولادة وجا دكتور التخدير فوق راسي حط لي الكمام وقال شمي وقولي بسم الله وانا اشم واقول بسم الله حسيت انهم رفعو عني الروب اللي لابسته والمشكلة اني مو لابة كلوت فصخوني وانا حاطة الكمام قلت غطووني غطووني وقلت للدكتور لاطالع قال شمي انتي كان عصبي احسه وشوي وغطيت بنومة ماحسيت بشي الا النرس تصحيني تقول مدام قومي انتي جبتي بيبي بوي قلت لها وين بيبي قالت تحت في حضانة ومن التخدير سالتها ثلاث مرات اخر شي طفشت قالت بيبي تحت تصارخ ههههه وبعدين نزلت تحت احس جسمي يعوورني مرهقة
وجابولي عبودي مثل القمر بعد جهد جهيد الساعة 4 الفجر شفته واهلي شافوه قبلي كان ودي اول من يشوفه بس الحمد لله على كل حال
وعلى فكرة يوم كنت اطلق دعيت لجميع حوامل تجمع شوال
واسفة للاطالة بس هذي قصة ولادتي بالتفصيل
والله يسهل للجميع ويارب سهل على الباقيين يارب..

[منوش2]

مبروك والحمدلله على سلامتك وسلامه البيبي يتربى بعزك
وعقبالي يارب

[ضحكة الأمطار]

ألف مبروك وربي يحفظة لك وحمدلله ع سلامتكم ..

[همس 2]

الف الف مبرووووووك ويتربى بعزكم
والحمدلله على السلامه عقبالنا يارب
الله يسهل علينا ويفرحنا بشوفت اجنتنا

[أم الملاك]

الحمدلله على سلامتك

ويتربى بعزكم

وإن شاء الله ربي يسهل لكل الحوامل وأنا معهم

[أم منوله]

الحمدلله على سلامتك والله زي قصتي دقت الطلق كلو وفي النهايه مو راضي يفتح وعملولي عمليه ..

[malika]

ألف مبروك وربي يحفظة لك وحمدلله ع سلامتكم ..

[ورده بين ايديه]

الف مبرروك..
وعقبال ماتشووفي عبوودي عريس ..

[فرقد النور]

الحمدلله على سلامتك ويتربى بعزكم

[احساس أنثى]

المهم انك قمتي بالسلامة والحمد لله

يتربى بعزكم ان شاء الله وعز زوجك