شعورة بحرقه للمعده بموت منها ساعدوني

[ام الخير]

بسم الله الرحمن الرحيم
السلام عليكم ورحمة الله وبركاته
حبيباتي الكروشات العسولات مالي غيركم الله لا يحرمني
اعاني من حرقه بالمعده وتطلع الين حلقي ما تخليني انام زي الزيت المغلي تفور
والي مستغرباه توني بعدني بالشهر الثالث ليش ايش السبب مع اني ما اكل حوامض لي اسبوع تقريبا لاني ما عاد سرت اتحمل حموضة المعده تخيلو ايش سويت؟؟! شربت حبوب المعده وجلست اسبوع الحمد لله واللحين رجع لي الحل يا خواتي الحبوب هذي مو بزينه تاكلها الحامل باي شهر كان، بس تريح، تتوقعون ما تضر لو اخذها اسبوعيا وقت الضرورة
ملاحظه:
شربت اللبن ارائب وشربت الحليب البارد واكلت الخيار وجربت الحبحب وشربت عصير التوت ما في فايده ما تسوي شي بس ام زوجي فديتها قالت جربي مسحوق قشر الرمان سفي منه قليل وشربي عليه حليب ايش رايكم احد عندها حل او خلفيه
مستنيه ردودكم فديــــتــــكم

[Ŕơơṣ]

الله يكون بعونك حبيبتي
افضل حل انك تسألين الدكتوره
وانتبهي تآكلين حبوب تضرك

بردي حليب السعوديه وكل ماثار عليك الحرقان اشربي منه يبرد عليك شوي
وماتشوفين شر يارب

[توتايه]

حبيبتي اكلي خيار هوه وقشوره واندعيلي

[روح الورد]

سئلي دكتورتك يمكن عندك قولون
وماتشوفي شر

[ام الخير]

فديييتكم ما انحرم منكم يا احلى خوات راح اسالها بس الله يعينني اليوم الين الثلاثاء موعدي وراح اطمنكم على وضع البيبي لان عندي نزيف بس اليوم وقف مع المثبت الله يستر ادعولي

[bride]

اشربي فنجال حليب معاه ملعقه نشاء صغيرة جربته وخف شوي

الله يعينك

[luvr wife]

مع الاسف انا نفسي ماعرف شنو الحل لاني اعاني نفس الحرقة بس اسم الله عليكي انا سقط حنيني ربي يحرس جنينك ويحمية من كل شر تحملي كل شي لخاطرة لانو مسكين تحملي الوجع بس المهم هو يكون بخير
تحياتي

[الأمورة]

نصيحة من مجربة كلي تفــــاح وراح تحسي بالفرق إن شاء الله
الفواكه أحسن شي بدل الحبوب اللي ينخاف من ضررها

الله ييسر لك حملك وولادتك يارب

[فليك]

سلامتك عيوني
انصحك تشربي سفن أب - لانه من جد يخلي الحرقه تختفي

مااا تشوفي شر يارب

[مرهفة حس]

قشر الرمان موزين للحامل والله اعلم