بخبركم بقصة معاناتي مع الطلق الصناعي

[الشوووق عطري]

مساء الخير حبيباتي انا يوم الجمعه حسيت اني لازم اروح المستشفى اتطمن ع البيبي وانا سبق قلت لكم انو انا خلصت التاسع المهم اول مادخلت الاسعاف كشفت علي الدكتوره وقالت كل شيء سليم وانتي مابعد تكملين التاسع وعطيتها موعد الدوره وانصدمت قال مايصير انتي متاخره عن موعد ولادتك 20 يوم المهم فهمتها اللي حصل وقالت بعمل لك تخطيط للجنين وعملتو ومن حسن حظي انو انتهى زامها وجات دكتوره ثانيه وعصبت علي قالت لازم تنويم انتي معديه التاسع ب5 ايام واذا بننتظر الجنين يكبر ماراح يكبر اكثر واقنعتني المهم بقيت بالمستشفى يوم السبت
سسويت صوره بالسونار الدكتوره قالت لي الماي اللي بالمشيمه تغير لونه وصارت قليله ع الجنين وفيها خطوره لازم

طلق صناعي وحطت لي تحميله الساعه 11 ونص الصباح يوم السبت الى الساعه 6 المغرب وما في اي فايده اتبعتها بوحده ثانيه
الى الساعه 2ونصف الفجر ونفس الحكايه ماكو استجابه سوا (1 سم)
بعدها حسيت بالمووووت وربي عذااب احس الالم بظهري وخواصري وبطني متحجره لكن
ماكو طلق بالرحم وتخطيط يروح وتخطيط يجي ولا في اي فايده
المهم يوم الاحد الساعه 12 ونصف الظهر جات الدكتوره وسوت كشف لعنق الرحم شافت 1 ونص سم بس يعني
3تحاميل بس واحد ونصف سانتي
عذااااااب موووووووت من الالم بعدها خلاص قالت بتحط تحميله رابعه انا رفضت وطالبت بعمليه جراحيه
قالت لي خلاص الاثنين عندها عياده خارجيه راح ننتظر ليوم الثلاثاء ونسوي العمليه القيصريه
انا كنت متردده بس حسيت انو العمليه ارحم من التحاميل اللي بتفجر رحمي بدون فايده
المهم ليلة الثلاثاء طلبت مني اني اصوم عشان الثلاثاء الصباح الاعه 8 اجري العمليه القيصريه
ونمت وانا كلي انتظار وخوف وتردد وبنفس الوقت فرحه اني برتاح من هالعذاب
واخيرا بشوف طفلي المنتظر
فجرية الثلاثاء ركبو لي تخطيط للجنين الساعه 5 الصاعقه الغير متوقعه انو الاوكسيجين عندي
انخفظ معدله من التحاميل ونبض الجنين قل كثير
وصارت ربكه وتوتر وركبو لي الاوكسيجين واخذت الظغط والحراره
الى الساعه السابعه والنصف الحمد لله تعدل الاوكسيجين عندي ونبض الجنين صار افضل
بعدها الساعه 8 بدو يجهزوني للعمليه القيصريه وركبو المغذي والقبعه وكل شيء صار جاهز
بس ننتظر الدكتوره توصل على اساس انها 8 بتكون موجوده
لكن رحمت ربي ماشائت انها تجي بهالوقت لان كان عندها عمليه بعياده اخرى
في هذا الوقت استخرت ربي وقررت اني اطلع من المستشفى كم يوم وارجع
يمكن يكون التوتر اهو اللي مأثر على

طبعا وصلت الدكتوره على الساعه 12 الظهر قالت هاه ماولدتي قلت لها لا وشكلو ماكو ولاده
قالت مستعده للعمليه قلت لها لا قالت طيب
قلت ابي اطلع كم يوم قالت ماعندي مانع بس نتطمن اول ع الجنين وعلى سلامته
وفعلا سوت لي سونار وشافت الجنين بخير ولله الحمد والممنه لكن
المشيمه انتهت صلاحيتها بالنسبه للجنين
فقالت لي تطلعين بس يوم السبت ترجعين لان في خطوره على الجنين لو تاخرنا عن يوم السبت
ففرصتي الى يوم الجمعه اذا ماجاني طلق طبيعي خلاص بسلم امري لرب العباد واجري العمليه

هذا كل اللي حصل لي دعواتكم اخواتي ربي يسهل عليكم وعلينا
وطلعت يوم الثلاثاء الساعه 3

[نوارة الخليج]

الله يرحمك برحمته الواسعه والله يخارجه منك بخير وسلامه
وان شاء الله تبشرينا بلولاده الميسره امين يارب العالمين

[القنوعه]

الله يسهل عليك ياقلبي وتولدين بالسلامه

[زهرة الموسم]

الله يسهل عليك يارب ويعطيك ساعه سهله ميسرة من عندو

[أم رزاان]

إن شاء الله تجي ساعة مباركة
وتولدي فيها بدون طلق ولا عمليه
اكثري من الدعاء
وربي يسهل امووورك ويهووون عليك ياااارب

[mlaak]

الله يهون عليك وتولدي بالسلامه

[ام اسكندر]

الله يسهل لك يارب ساعة ميسرة

[ام مسعدة]

الله يسهلها عليك ويفرجهاا لك يارب

[غنج أنثى]

ربي يهون عليك وعلينا وعقبال الولادة الطبيعية يارب

[فليك]

الف سلامه عليكي يا غاليه ، أنصحك تشربي زيت خروع مع كاسة عصير برتقال و صدقيني ب رحمه من الله رح يجيكي الطلق و تولدي طبيعي من بعد اذنه سبحانه ....
الله يكتب لك الولاده الطبيعيه و الميسّره يااارب .