عندي داء القطط

[اعشق هواه]

هلا بكم

انا حامل في الشهر الاول والحمد لله عندي 3 بنوتات ربي يحفظهم ويسعدهم ما شاء الله

وسقطت مرتين بعد بنتي الكبيرة سقطت و بعدين جبت بنتين وقبل 8 شهور سقطت واللحين انا حامل

وانا سويت فحوصات وتحاليل عشان التسقيط وطلع عندي فيروسات في الدم واتعالجت منها وطلع عندي داء القطط واللحين اخذ العلاج وانا حامل قالت االدكتورة لازم اخلص الجرعه كامله
واعطتني مثبت اسمه الدافستون واعطتني حمض الفوليك واسبرين قالت عشان المشيمه
وقالت خففي الخروج والطلعات وانتبهي لنفسك والحركه الكثيرة لكن بصراحه انا اخرج واتحرك رغم اني احاول اني اتحرك على خفيف بس انا خايفه اني اسقط لا سمح الله وش تنصحوني فيه يا حلووات

[ghalyh]

الله يتمم لك ويشفيك يارب

طيب وش سبب دداء القطط الي عندك ؟!

ليش جاك ؟

والله يحفظك ياختي

[زوجة زوجي]

ربي يتمملك على خير

[احلى من العسل]

ننصحك باتباع تعليمات الدكتوره فقط لانها هي الادرى بحالتك
والله يتمملك على خير

[عاشقة الحسنين]

هلا اختي
انا عندي داء القطط وكنت مرره خايفه بصراحه لانه بيعمل تشوهات للجنين بس بيعتمد اذا كان نشط او خامل يعني متى جاااءك قبل الحمل بمده ولا خلالا فترة الحمل واغلب الحووووووامل يكون خامل يعني قديم وانتي طالمااااااااااا كانت عندك تسقيطات قبل التوقع انه خامل مادري اذا عملت لك الدكتوره تحاليل مره اخرى عشان تتاكد منه ....شنو هذي الجرعه الي وصفتها لك دكتورتك...على عموم الله يثبت لك حملك

[ghalyh]

طيب وش الي يسبب داء القطط ؟


وربي يتمم لنا ولكم على خير

[اعشق هواه]

هلا فيكم خواتي
مدري ليش جاني بس انا اتوقع من القطط لان كان عندنا في بيت اهلي على طول قطط وما نخرجها من البيت يعني قاعده معنا على طول وناكلها واعتقد عشان كذا جاني
وقالت لي الدكتورة انه كان قوي بس بعد التسقيط صار ضعيف واعطتني دواء اسمه روفاك حتى مو موجود في السعوديه
بس في اليمن و مصر وزميل زوجي اشترى لي 4 كراتين من اليمن وبقى ناقصني كرتون وقالت الدكتورة اني لازم استمر حتى اخلص الجرعه اللي اعطتني واليوم ما شربت لانه خلص اللي عندي وباقي ناقصني كرتون والله اني في حاله ما خليت مكان ما دورت فيه لكن ربي يتمم حملي على خير ولا ياثر على نقص الحبوب اللي باقي لي دعواتكم الله يسعدكم