نظام ام سلطونه بالنفوسه بالداخل تفضلو==>من هنا

[ام سلطونه]

مراحب ياحلوات
بصراحه تعبت وانا ادور بالمنتديات اعشاب وانظمه امشي عليها بعد الولاده ودخلت التاسع وانا محتاره وقررت اختار منها
مايعجبني واسويلي نظام لحالي :
وقلت انزله لكم انا بكريه يعني راح اجربه مثلكم والي تشوف اني منقصه شي او فيه شي ضار تعلمني طولت عليكم
نظام ام سلطونه====> خخخخ شطحت

الممنوعات بالنفاس:
الحامض والبارد والجوع والخبز الابيض والرز

اعشاب ومشروبات النفاس:
· الصبح كوب حليب مع فلفل اسود وابيض وشوي حلبه
· الظهر كوب كمون ويانسون وبابونج بالتناوب
· العصر قرفه
· المغرب قهوة النفاس (قشر-نونخا-زنجبيل)
· باليل كوب حليب وحلبه
المنقوعه عنزروت ومحلب ومره اذا تاخذين مضاد لاتاخذين مره ( اختياري)
وتمر راح اخذه باي وقت:20 يوم الاولى راح اعجنها بسمن وحبة البركه
20يوم الاخيره بسمن ورشااد

للوقايه من الشمم:
اما تعطرين ملابسك انتي والبيبي مباشره بعد الولاده
او تشمين حلتيته ومره قبل لايجوك ضيوف وتحطين شوي منها على الفوطه

اكل النفاس :
الفطور حلاوه طحينيه او بيض مع خس او فول او خبز بر مع سمن او عسل او جبن
الغداء فريكه او شوربة شوفان او مرقوق بس لازم نحط لحم اودجاج معاها
العشاء مثل الغداء وممكن دجاج مشوي وسلطه خضراء
ونحط بمملحه ماش او حلبه وكمون وفلفل اسود وابيض ونحطه على أي شي ناكله اهم شي نبعد عن الجوع ممكن اكل تفاح

الغسول بالنفاس:
اول اسبوعين غسول بيتادين ونشف زين ونحط مرهم ويمدحون ميبو
وثالث اسبوع استخدم غسول الملح والمرهم
والرابع غسول الملح والمره وقشر الرمان بالتناوب
اهم شي انشف زين وماخلي المنطقه رطبه

البطن بعد الولاده:
راح اربط بعد اسبوع بشماغ واحط زبدة الكاكاومع خل التفاح
اذحسيت بروده ماراح احط شي على بطني وللامساك راح اخذ ملين
الفوط راح استخدم فام وراح انشالله اتدفا زين حتى لو الجو دافي لان موزين تتعرضين للهواء وانتي نافس
ابغى استخدم كريم مفتح لوجهي وللحين محتاره وش احط وكريم ليديه والله يعينا يااارب
ادعولي وترى انا راح اجرب الي قلته للامانه لاني بكريه واذا فيه شي غلط سامحوني

[ام ريمـا]

الله يعطيك العافيه ع الموضوع
كل شي قولتيه حلو
بس ابعدي كل البعد عن خل التفاح مو زين ابد خليك على زبدة الكاكاو او زيت السمسم ممتاز للبشره بشكل عام.

[ام اسكندر]

انا ماناسبتني فوط فام حسيتها تسرب الدم لو كان غزير
وكل واحدة يناسبها غير اللي يناسب غيرها
ان شاء الله تكون مناسبة لك

وبالنسبة للنظام كان الله في عونك
توسطي اختي ..لا اسراف في الاعشاب ولا اهمال
اقرأي ذا الموضوع للافادة
http://forum.hwaml.com/t65673.html

[شموسه]

موضوع رائع
الفوط احسن بيبي سوفت اريح حتي ولنتي تنامين
والقهوه بعد اخذي عنزرووت حطي عليه وبس
حلووووووووووو كلامج واستمري عليييييييييييييييييييييييه