مشكلتي وأعرضها عليكم ..

[إحساس قلب]

السلام عليكم والرحمه
عضوة جديده عندكم ..وع طول دشيت هالمنتدى منتدى تأخر الحمل ..راح اقولكم حكايتي واتمنى م الكل المشاركه والتفاعل ويا الموضوع

أنا صارلي قريب السنتين م تزوجت بالتحديد 1/7راح اكمل السنتين ولسه للحين ربي ما كتب لي بالذريه ..بعد 7شهور م الزواج رحت العياده وفحصت وقالولي عندي تكيسات فالمبايض وبديت اتعالج وقالولي كل هرموناتي زينه م هرمون الحليب وغيره ..
عالجت بقراب السنه ولله الحمد راحت التكيسات بعدها قالتلي الدكتورة التكيس مأثر ع حجم البويضه ..وهي دايما ..ع كل موعد تعطيني فترات للجماع ..مرات اروح عندها تحصل بويضات بحجم مناسب وسبحان الله ربي ما يكتب حمل ومرات لا ما يكونون بالحم المناسب للحمل ..المهم آخر شي اقترحت علي الدكتورة اعمل اشعة انابيب
والصراحه م سمعت عن الحريم اللي مسوينها وانه لها مضاعفات تخوفت وما رحت اسويها وكم شهر الحين بدون علاج ..المهم م تقرأ هالحكايه تعطيني اي شي بخصوص هالموضوع ..وش تنصحوني وش عندكم م معلومات تقدرو افيدوني ب هالموضوع ...واتمنى م الكل يدعيلي بالذرية لأني عن جد أبى ..لا تنسوني بالدعاء
"ربي لا تذرني فردإه وأنت خير الوارثين "
ع فكرة اول مىة تدخل منتدى واعرض مشكلتي هاي ..اتمنى تفيدوني
اختكم ..إحساس قلب

[السعاده بطاعة الله]

هلا فيك اختي احساس قلب
أسأل الله العظيم رب العرش العظيم أن يشفيك شفاءا تاما لايغادر سقما وأن يرزقك الذريه الصالحة ويقرعينك وعين زوجك بها يارب العالمين

حبيت أفيدك أنا سويت اشعة الصبغة وهي مهمه لمن تاخر حملها وتراها ثواني وانتي مخلصتها تفتح لك المهبل بجهاز الكشف العادي وتبدأ بحقن الصبغه داخل الرحم ويكون امامها شاشه تشاهد فيها مرور الصبغه خلال الانابيب لان فيه حريم تكون الانابيب مسدوده او واحد منهم مسدود فيظهر ذلك في الشاشه والبعض سبحان الله الصبغه تسويلهم زي التسليك للانابيب ويروح السدد في وقتها ويتم الحمل ...وماتحسي الابوخز الابره لثواني بسيطه جدا وممكن ينزل شوية دم بس عادي جدا ترى ..وانا انصحك تستخيري الله وبعدها تقرري ....ويارب يدلك على طريق ومكان شفاءك أينما كان ....

[ام امير وملاكي]

الله يرزقك الذريه الصالحه عاجل غير اجل

[إحساس قلب]

المشاركة الأصلية كتبت بواسطة السعاده بطاعة الله

هلا فيك اختي احساس قلب
أسأل الله العظيم رب العرش العظيم أن يشفيك شفاءا تاما لايغادر سقما وأن يرزقك الذريه الصالحة ويقرعينك وعين زوجك بها يارب العالمين

حبيت أفيدك أنا سويت اشعة الصبغة وهي مهمه لمن تاخر حملها وتراها ثواني وانتي مخلصتها تفتح لك المهبل بجهاز الكشف العادي وتبدأ بحقن الصبغه داخل الرحم ويكون امامها شاشه تشاهد فيها مرور الصبغه خلال الانابيب لان فيه حريم تكون الانابيب مسدوده او واحد منهم مسدود فيظهر ذلك في الشاشه والبعض سبحان الله الصبغه تسويلهم زي التسليك للانابيب ويروح السدد في وقتها ويتم الحمل ...وماتحسي الابوخز الابره لثواني بسيطه جدا وممكن ينزل شوية دم بس عادي جدا ترى ..وانا انصحك تستخيري الله وبعدها تقرري ....ويارب يدلك على طريق ومكان شفاءك أينما كان ....

مشكوووورة الغاليه ...وما تقصرين ...

[إحساس قلب]

المشاركة الأصلية كتبت بواسطة ام امير وملاكي

الله يرزقك الذريه الصالحه عاجل غير اجل

مشكورة الغلا
^.^

[مرايا الحنان]

هلا والله حبيبتي انتي تقريبا نفس حالتي انا كمان الشهر الجاي بكمل السنتين بس بدأت اكشف علا نفس بعد سنة زواج
والحمد لله كل اشي عندي تمام والحمد لله بس انصحك لازم تسوينها لان هي تعتبر اخر مرحلة ليتأكدوا ان كل اشي عندك تمام وتبدئي بالمنشطات لان ماراح يعطوكي علاج المنشطات الا ماتكون الدكتور(ة) متأكدة ان الانابيب سليمة والبويضة ممكن تمر عن طريقهم سلام تبأمرحلة المنشطات وهي مفيدة جدا.
انا سأخبرك عن تجربتي الشخصية بتروحي 2 أو 3 يوم تخلص الدورة وتجلسي كانك عند الدكتورة وراح تعمل الفحص الداخلي
يعني راح تحط الة داخل المهبل عشان تحط السائل في قلب الرحم عن طريق ابرة بلاستسكية عادية وتفرج السائل في الرحم بتحسي بألم وخز بسيط مع انتشار السائل في الانابيب لحتى يوصل إلى المبايض وبيوقف بس هذه هي العملية .
خلالها بتكون معاها ممرضة كانت تاخد صور أشعة لسائل وهو منطلق في النابيب وراح تطلب منك ماتتحركي عشان تطلع الصور واضحة وهدى كلها مع النتيجة بتاخذ 10 دقايق بس.
حبيبتي اسمعي مني انا كنت نفسك خايفة وقول ماعملها وقرأت عنها في الانترنت وخفت وبعدين لما جلست مع نفسي فكرت هل حبي في تحقيق الامومة لايستحق مني المعانة لاجلها فحطيت خوفي على جنب ورحت عملتوا مع ان زوجي قالي خلاص لا تعملسها مدام خايفة .
والحمد لله بس جات الممرضة وبشرتنا ان كل تمام ودكتورة الاشعة قالت لي انابيبك سليمة ارتحت وانبسطت وانسيت كل اشي
وبدأت رحلة المنشطات وهذا ثالث شهر لي والحمد لله املي في ربي كبير.
لا تسمعي كل اللذي يذكر على النت بعد تجربتي اقول لكي مبالغ فيه كثيرا
حبيبتي نصيحتي لك لا تضيعي والوقت في الخوف ولاتضيعي حقك في الامومة
اتمنى ان اقرأ قريبا انك عملتيها وكل تمام
واذا حتاجتي اي سأل انا حاضرة بالتوفيييييييييييييييييييق

[هناء22]

انا حبيبتي بنصحك تسوي اشعة الصبغة انا كنت مثلك قالتي الدكتورة سويها بعدين رجت عالنت وقريت عليها فيه حريم كثير قريت تجاربهم وخفت كتير خلاص وقلت ماراح اسويها وبعد مرور سنة توكلت على الله وتوني مسويتها عادي حسيت بشوية آلآم مثل آلآم الدورة كل يهون على البيبي

[jasmen]

حبيبتي كل اللي ذكروه الاخوات صحيح واستخيري ربك حتى انا سويتها عادي الالم محتمل وهي ضرورية جدا اما اللي تسوي المضاعفات فهي عملية منظار البطن وصحيح قد تسبب التصاقات اما اشعة الصبغة فهي آمنة توكلي على الله وسويها ولاتضيعي وقتك والله حتى انا نفس مشكلتك تقريبا تكيسات ومنشطات بدون فايده الله يعين

[إحساس قلب]

مشكورين حبايبي عن جد ما قصرتوا ..وربي يرقزقني وإياكم ..
عن جد طمنتوني ربي يطمنكم يآرب ...
بس سؤالي هالأشعه متى يسووها أيام الدورة مثلآ ولآ بعد ما اغتسل م الدورة ؟
..أشكر كل م مر على موضوعي

[Hnoont7]

حبيبتي زوجك فحص ؟
اذا اي خليه يفحص مرة ثانيه
دام كل شي عندك مضبوط خليه يحلل قبل ماتسوين الأشعة او تستخدمين منشطات
ربي يرزقنا واياك