تجربتي مع رجيم عذاري / حياكم

[أم أحلى بنوتهـ]

السلام عليكم و رحمة الله و بركاته

كيف حالكم ياحلوات ؟

أنا لما استقلت من الوظيفه زاد وزني 6 كيلو

وان من النوع الي مهووسه بالرشاقة

المهم انهبلت وقلت لازم اسوي شي

ولما سافرت عند عمي لقيت بنت عمي ناحفه كثير ماشاءالله وسألتها قالت / رجيم عذاري

ولما رجعت فعلا بديت بالرجيم وكنت ملتزمه فيه بحذافيره بس بالايام الاخيرة لخبطت شوي

وبعد 3 اسابيع نزلت 6 كيلو ماشاءالله ورجع جسمي زي اول

لكني يوم تركته رجعت زدت 3 كيلو

والحين ضروري انزلها لان عندي مناسبه في العطله الجايه

واتفقت انا وبنت عمي نبدا فيه من جديد

والسلولايت هذا مشكلتي وخطوط تمدد الحمل و الولاده

وبحثت كثير عن حلول ولقيت في مواقع امريكية يمدحون كريم Vitchy الفرنسي للسيلولايت والخطوط

وشريته اليوم من الصيدليه وببدا بالرجيم والكريم من بكرى ان شاءالله

الي تبي تبدا الرجيم معنا حياها الله

ادخلوا قوقل واكتبوا رجيم عذاري ويطلع لكم

تحياتي :)

[أخفي غلآه]

15كيلو في 20 يوم بس مجرب ومضمون
لاني سجلت بالمسابقة وكتبت الريجيم المتبع طلبوا من الاخوات اني انزل لهم هالريجيم

وانا الفلف بالمنتديات لقيت وحدة اسمها عذاري الله يستر علينا وعليها منزلة ريجيم مشت عليه ونقصت خلال 20

يوم 15 كيلو وقلت بمشي عليه ولان بعض الاخوات طلبوهـ مني حبيت انزله لكم بالحرف الواحد ..

أخييييييراً يابناااااات نزل وزني في 20 يوم بس !!!!!!!

أخيراً يابنات نزل وزني في 20 يوم 15 كيلو .......


اقول لكم قصتي أنا ما خليت ريجيم ماجربته جربت غصن بان الكويت وما نفع وصار لي مضاعفات بعدة لا وطعمة

يلوع الكبد ونصحوني كثير بالحبوب اللي تسد الشهية والله وانا اختكم رحت وشريتها العلبة بـ 200 ونفس الشئ

مانفع وجربت ريجيم الشوربة هم مانفع وجربت الريجيم الكيميائي ورجعت دبل بعد ماتركته اهئ اهئ

الين ماحصلت هالريجيم من وحدة تقرب لي من زمان ما شفتها وقالوا لي انها تغيرت صارت رشيقة وانا اعرفها

منفوخـــــة عالعموم ماصدقت لين شفتها ضعيييييفة ماتصدقون وعزمت اسوي ريجيمها اللي جابتها من وحدة

كانت منفوخة وضعفت عالعموم هالريجيم صار كأنة وصية كل وحدة تعطية الثانية وراحت قريبتي وسئلت دكتورة

معروفة في منطقتنا وقالت لها هالريجيم زين أنصحك فيه مع الرياضة طبعاً .... عالعموم أنا سويته 20 يوم طبعاً

أول أسبوع تحسين أنج خفيتي بس أنصحك إذا جعتي كلي علك خالي من السكر وفي منه أنواع أنا عني

أستخدم علكة نوفا بالنعناع عالعموم نزلت عليه كلن أستغرب ويقولون سبحان مغير الأحوال هالمنفوخة صارت

كذا أنا كان وزني 80 صار 65 وكله أشياء موجودة بالبيت وأعذروني طولت عليكم وكاهو الريجيم

السبت . الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم وهي

متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع

الشاهي ولا نقطة هههههه تعذيب صح ) عالعموم اللي يبي الدح مايقول أح ...

الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )

العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) + علبة زبادي قليل الدسم

كليها طبعاً آخر الليل مو مع البرتقال ( يازينك وأنتي تاكلين عصير وتشربين برتقال )

الأحد . الأفطار . 2 بيضة مسلوقة مع شاي ( بدون سكر الا من سكر الريجيم )

الغدا . سمكة مشوية كبيرة + صحن سلطة خضراء ..

العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )

الاثنين . الافطار . بيضة مسلوقة + برتقاله + شاي أو قهوة

الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...

العشا . كوب حليب قليل الدسم ويفضل منزوع + شابورة ( بر ) ...

الثلاثاء . الافطار . شريحة جبنة قليله الدسم + توست ( بريد بر ) + شاي أقهوة .

الغدا . نوع واح من الفاكهة ... ( أنا كنت آكل التفاح ) ......

العشا . لبن قليل الدسم مع توست ( بريد بر )

الاربعاء . الافطار . 7 حبات تمر مع قهوة طبعاً مو شاي

الغدا . دجاج مشوي بدون جلد غير محدود الكمية .

العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية

جبنة فيتا قليلة الدسم علشان يلينة ) ...

الخميس . الافطار . مفتوح الغدا . مفتوح

العشا . مفتوح

الجمعة . الافطار . جبن قليل الدسم + 2/1 خبزة + عصير برتقال ...

الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح
ملاحظة : مفتوح تعني اختيار أي وجبة مما سبق في الريجيم ( لا تستانسين واجد ) ..

عالعموم أنتي بس سوية عشرين يوم يعني أسبوعي و6 أيام = 3 أسابيع وروحي الدوااام وأنتي مستانسة وقولي

عذاري ماقالت .. رهيييب واذا حسيتي بالجوع مررة بين الوجبات كلي هوى أقصد كلي تفاحة ..


مــــــــــــــــــــــــــــــلاحــــــــــــــــ ـــظــــــــــــــــــــــــــة :

كثير من الاخوات شكرنَ الاخت عذاري وطبقنَ الريجيم وكانت النتائج مذهلة ومرضية جدا

لذا قررت اتباعه ..

تحياتي للكل بصحة ورشاقة دائمة
.
.منقــــــوول

نفسي امشي عليه بس احسه صعب شويات

[أم أحلى بنوتهـ]

يسلمو يالغلا ع المعلومات

لا ابدا مو صعب بالعكس

[meeeme]

انا بسويه وانا حامل بس بزود الاشياء الضروريه اللبن والحليب والبيض شورايكم؟؟؟

[ميمي الغامدي]

أنا بدات فيه من اليووم ويارب انحف

[الغيوض]

ياهلا والله

حتى انا بتبعه يلا هيا معاي لقروب2012
ونستخدم هالرجيم معه

[أم أحلى بنوتهـ]

حلو حلو خاصه للحامل

لأن كله صحححححي

ويلا علموني بالنتائج

موفقين