عدد حركات الجنين

[خواطر2000]

عرفت انه متابعة حركات الجنين بشكل يومي مهم.. يعني لازم نحسب 10 حركات فاليوم بيكون الجنين بصحة جيدة واذا اقل لازم بعدها نروح نكشف

أنا خسرت حملي الأول في الشهر التاسع والسبب كان لا يوجد حركة وعلى اعتقادي انه عادي لأن الجنين كبر وما بقى له مكان بس هذا غلط

فأتمنى تساعدوني.. هل مهم تكون حركة الجنين اقل شي 10 حركات فاليوم وأي وقت تزيد ؟ ومن أي شهر أبتدي احسب

[عشرينية ذوق]

الدكتووورة قالت لي 10 حركات في 12 ساعة ..
غير كذا لازم تتطمني على الجنين

[خواطر2000]

مشكورة عشرينية ذوق على الرد.. الله يحفظ لج جنينك يا رب

12 ساعة.. يعني لازم انتبه بس في أي وقت تزيد الحركات هل هي الصبح او بعد الظهر أو وقت العشاء؟

سؤال أخير من أي شهر أبتدي أحسبهم؟ يعني معقولة من الشهر الرابع أو الخامس من أول ما تبتدي الحركات

[عشرينية ذوق]

خواطر يااااااقلبــــي على حسسب نشاط جنينك .. أحسسبي .. يعني فيه أجنة نشيطين .. وحركاتهم كثيرة .. وفي أجنة لا ..
مووو ششششرط الوقت صبح أو مسا .. أهم ششيء يكون خلال هـ 12 ساعة .. تحرك 10 مراات .. وعلى فكرا ترا ممكن يتحرك أكثر من عششر..
سؤالكِ الثاني مدرى عنه ..إن شاء الله تفيدكِ وحدهـ تعرف..

//
أطمني يالغالية .. مو ششرط تنعاد تجربتكِ السابقة ..
ووكلي أمركِ لله .. وإن شششآء الله يحفظلكِ جنينكِ
وتفرحي بششوفتهــ

[عبير اسماعيل]

انا سألت طبيبتي عن معدل حركات الجنين
وكنت اول السادس قالتلتي مو شرط العدد
بس بالشهر التاسع لازم يكون عشر حركات عالاقل باليوم

[شوقـ]

انا في الشهر السادس

وهالشي قالقني كثير

مره سمعت قراءت في منتدى لازم من 20- 60 حركه

في اليوم وانتي تقولي 10

اول موعد يجي حسأل الدكتور وافيدك ان شاء الله

[خواطر2000]

أشكر كل اللي ردوا علي.. الله ييسر حملكم ولا أحد يمر بنفس تجربتي والحمدلله على كل حال

بس فعلا خايفة وما أبغي أعيد التجربة... وأتمنى اللي تعرف أي معلومة تدخل الموضوع وتقول لنا

أنا متوكلة على رب العالمين