استفسار عن مستشفى المواساة بالدمام

[شهد العسل1]

السلام عليكم ورحمة الله وبركاته
شخباركم ياكروشات الي مثلي الله يعينا ويصبرنا ويسهل علينا
وأدخل بالموضوع وهو مستشفى المواساه بالدمام من جربت الولادة عندهم بكل امانه يابنات كيف نظامهم وولادتهم عنايتهم بعد الولادة انا بكريه واراجع عندهم وخاااايفه والله خااايفه انا اكبر وحده بالعايله ماعندي احد غيركم انتو خواتي السلام عليكم ورحمة الله وبركاته تكفووون طمنوني او ارفعو الموضوع لو بدعوه ولكم مثلها

[شهد العسل1]

كن كلامي تخربط الله لايلومني قمت اهوجس واسلم مرتين خخخ

[حبيب عمري]

الله يقومك بالسلامة

[حلا المدينه]

الله يقومك بسلامه حاسه فيك لاني بكريه واكبر وحده بالعايه وموعارفه ي خليها على ربك
كان نفسي افيدك بس انا من المدينه
اختي سوي بحت بقوقل تلاقي تجارب البنات
ودعواتك

[مرومه]

والله ما ادري لأني بالرياض

لكن حبيبتي تأكدي ان الله بيسرها بالهمستشفى والا غيره

انتي بس ادعي واتوكلي على الله

[●|ڄ۫۫ۅريےّْْْ|●]

الله يعيينك حبيبتي

والله ماعرف انا بالرياض

الولاده تسساهيل من ربي في اي مكان

[يـــونا]

هذا رد البنات من قوقل

انا ولدت مرتين بمستشفى المواساه بالدمام مرتين من ست سنوات بصراحه المستشفى نظيف وعنايتهم ممتازه بس بغرفه الولاده الممرضات نفوسهم شينه ودكتوره العن منهم كل ماسالتها صارا تهزئنى كنى ذابحه احد من اهلها ماصدقت اولد واطلع كرهت المستشفى كله سبتهم عكس المانع رووعه والممرضات مشاءالله عليهم يشيلونك على كفوف الراحه
وسعد التخصصى حلو بس ماجربته بالولاده بس الكل يمدحه

والله عن اللي اسمعه عن المواساه ان الولاده فيه ماهي زينه يلعبون فيك لعب تخيلي وحده

من قريباتي توها والده عندهم كان الرحم مفتوح عندها 3سم وبعدين تسكر واعطوها طلق

صناعي واعطوها 4 تحاميل وبعد هذا كله اعطوها ابره تخدير لقيصريه .. وبعد هذا كله وبعد

ابره التخدير قالوا لها ادفعي الراس قريب !!! تخيلي كيف تدفع وهي مخدره ؟؟!!!

والولد تعب وجلس في المستشفى يومين ...

أما بخصوص سعد فثنتين من قريباتي ولدوا فيه ويمدحونه والكتاب باين من عنوانه ..

وانا إن بالتاسع الان وبولد بسعد وربي يكتب اللي فيه الخير للجميع ..

وأرجع واقولك .. كلها توفيق وتساهيل من رب العالمين

انا ولدت بالمواساة بالدمام 4 مرات بالبداية كانت عنايته ممتازه وحلوه وبعدين صار ياشينه ولا ينفع
وزي ما قالت الاخت ممر ضاته يسدوا النفس ومعاملتهم سيئة ومكشرين ولا حتى يبتسمون والله ساعات احتاج مساعده ولا اضغط الجرس اناديهم انتظر زوجي يجي لي وهو يساعدني
والدكاتره اللي اعرفهم نجوى وفاطمة الزهراء والصراحة ما ارتحت معاهم ابد حتى صار لي مشاكل معى الممرضات وشكيت عليهم عند رئيس القسم
ومن ذاك اليوم تووووووووووبه ولا عاد اوصل للمواساة حتى زوجي يقول لي آخر مره تقولي اروح المواساة
والولادة الخامسه في سعد طبعا ولا اروع من الناحية الطبية والنظافه والعناية والمعاملة طبعا يشيلونك على كفوف الراحه كل شي بثمنه ههههه

انا جربت با المواسااه من قبل خمس شهور

وبصراحه رررووعه وراااحه ورعايه واهتتماااام وهذا اللى انا شفته
وانا ولدت بعمليه با الشهر الثاامن وبصراحه ارتحت بعد العمليه و المرضات اللى كانوو معي بعد العمليه بصرراحه ما عليهم كلام

وانا لانى والد بعمليه با الثامن ولدت عند الدكتور حمدان وبصراحه ما عليه كلام

وهذي تجربتى وكل وحده وتجربتها

وبا السلامه

بصراحه من كثر ماسمعت من مشاركات الواحد يحتار وين المكان اللي يرضي الجميع بس عن تجربه انا ولدت فيه فبل 7أشهر بصراحه عنايه ممتازة وعن حالتي قعدت 10 ساعات اطلق وفالاخير ماطلع راس الجنين فسوو لي عملية قيصرية والحمد للة كانت افضل من عمليتي الاول ببكري بحيث قدرت امشي 3يوم والدكتور الي سواها خبره ماشاء اللة عليه اسمه محمد حمدان والمستشفى عموما ممتاز وسعره مثل كل المستشفيات الاهلية
وانت ياأختي إذا بتسمعين كلام الناس بتتعبين فأستخيري افضل وتوكلي على اللة هوالمسهل

الله يسمع منك انا اراجع عند الدكتوره امل سرحان انسانه خيال من جد والله اني احبها كنت عند حنان وحولت عند امل لان حنان مواعدها كانت الصبح

[غزاله شقرا]

انا ودي اعرف عن المستشفى لأني اراجع عندهم من بداية حملي وما عندي معلومات عن الولاده عندهم ان شاء الله استفيد من موضوعك

[شهد العسل1]

يااااااااااااااااااااااااويلي وش هذا وربي خوفتيني ياخت يونا زوجي رافض اولد باي مستشفى غيره يابنات انا مرررررررررررررره خايفه اول تجربة مابغى يصير شي واندم واتعقد

[يـــونا]

ه هههههههههههه ^_^

انا مدري هذا كلام الناس بقوقل

انا مو من الدمام بس جمعت لك معلومات