تجهيز شنطه المستشفى

[بديله الرياض]

مرحبا حوامل الله يهون علينا جميعا
بس عندي استفسار عن تجهيز شنطة المستشفى ابغاها بالتفصيل الله يعافيكم

[قرفه مع التفاح]

اهم شي تاخذين ملابس للبيبي وبامبرز احتياط خصوصا اذا كان حكومي يطلبون منك بامبرز
فوطه اولفه عشان تلفين فيها البيبي وانتي خارجه من المستشفى
ملابس كامله لك عشان اذا طلعتي من غرفة الولاده بتكونين محتاجه دوش عشان ترتاحين
كمان علبه صغيره فيها مر عشان كثرة العطورات من الزوار او الممرضات الله يهديهم
ممكن تاخذي فوط لك واذا كان حكومي خذي فرشتك ومعجونك وصابونه صغيره
وشربات اذا كان الجو بارد
علبه شوكولا صغيره لو بيزورك احد
هذا كل شي واذا تذكرت شي برجع اكتبه
الله يسهل ولادتك وادعيلي يرزقني ربي الولد الصالح

[بديله الرياض]

الله يجزاك خير
ويرزقك ربي ماتتمنين

[solina]

شنطة الأم وتضم:

- قميص نوم مريح جدا ويكون ثقيل نوعا ما وله فتحة للرضاعه.

- قميصان للإستقبال في المستشفى + شيل صلاه ( او شيل ملونه لاستقبال الضيوف )

- بجامات قطن .

رداء خاص للوقت الرضاعه ليسهل عليكِ رضاعة البيبي.

-شنطه مكياج صغيره تتضمن غلوس أومرطب شفايف أو زبدة الكاكاو لأن الشفتين تصبح جافتين بعد الولاده-كحل-ماسكرا ممكن تكتفين بالكحل-مناديل إزلة المكياج)

-ملابس الخروج من المستشفى عدد 1 ويكون واسع ومريح لأنك بتكونين وكانك بالشهر السادس.

-عباية احتياط

-أكياس فارغه لتضعي بها ملابسك المستعمله.

-مرطب شفايف أو زبدة الكاكاو لأن الشفتين تكون جافتين بعد الولادة.

- اغراض الحمام ( فوطه 2 للوجه حجم صغير و4 حجم كبير للجسم . شامبو .بلسم للشعر. ليفه .جل الأستحمام .كريم مابعد الأستحمام .مشط . فرشاه اسنان و معجون . مزيل للعرق . عطر . ربطة شعر )

- الفوط الصحية (يفضل الحجم الكبير والفائض الأمتصاص)

- حمالات صدر مريحة للرضاعه عدد 3

- المناديل القطنية التي توضع على الصدر علبه واحده
-شفاطة الحليب يديويه أو الأكترونيه (بعض الأمهات عندهم الحلمة غائرة أو وزن البيبي قليل راح يواجهه صعوبة بالمص) وأحسن ماركة avent

-كمادات للثدي تصلح اثناء احتقان الحليب وتجمعه خصوصاَ فيالفترات الأولى للرضاعة.

- نعال (شبشب)

- ملابس داخلية لفترة النفاس تستخدم مره واحده فقط (خذي معاكِ 2- 3علب ) ممكن المستشفى تعطيكِ بس انتي اخذي احتياط وبتلقين هالفوط في مذر كير وبيبي شوب وشيكو اختاري اللي يناسبك في نوعين شبك ومن

-البنطلونا ت (سراويل القطنيه الطويله ) بعد الولادة مهم جدا لبسها لمنع دخول الهواء البارد.

- مفرش لسريرك ولسرير البيبي ويكون أنيق ومريح.

- كتيبات اذكار ودعاء .

- أشرطة لسماعها وقت فراغك للمواعظ والدروس المفيدة او القران الكريم ..

- كاميرا فيدو أو كاميرا عاديه للألتقاط صور للذكرى لكِ انتي مع البيبي ومع زوجك.

-بعد اليوم الثالث أو الخامس استخدمي مشد البطن ضعيه على بطنك لمدة 25 يوم (خاص بالولادة الطبيعيه وليس القيصريه)وذلك لضمان اختفاء البطن بشكل ملحوظ وبشكل رهيب ممكن استخدام الغتره أو الحطه بدل المشد.

-كريم تشقق الحلمه أو فازلين وكريم لتشقق البطن.

-كريم ميبو لمكان الخياطة بعد الولادة ومطهر ومعقم البيتادين.

- جوالك وحضري فيه رساله خاصه وضعيها بالمسودات بجوالك الخاص لأبلاغ
أقاربك وصديقاتك بالحدث السعيد مثال على المسج:

رزقت ولله الحمد بمولود(ة) واتشرف بأستقبالكم في يوم (....) تاريخ (.....) في مستشفى (.....) غرفة (....) الدور (....)
أسم الأم (........) ولاتنسين الشاحن (شاحن الجوال).

ولاتنسين اتحضرين قائمة الأسماء اللي راح تدعينهم لمشاركتك بالحدث السعيد إذا مومدونة الأسماء والأرقام بالجوال اللي راح ترسلين لهم المسج سجلي القائمه وضعيها بحقيبتك الخاصه بالمستشفى.



2- شنطه الطفل و تضم :

الأفضل تكون شنطه خاصه للبيببي وبالترتيب اللي سبق وذكرته بالباغ ساندويش عشان السستر ماتتكشف على شنطتك الخاصه فيكِ وتلقى غرض البيبي بكل سهوله من غير ماتصير فوضى بشنطه البيبي ويصعب عليها تلقى لبس البيبي .

- ملابس داخليه للطفل + ملابس للمستشفى( قبعات قطنية وقفازات لليدين وجوارب )+ بيجامات +ملابس للخروج .

- قماطات .

-مدس للبيبي.
- حفاضات الطفل نيو بورن ومفرش ومهاد تكفي للمدة الي سوف تمكثين فيها بالمستشفى.

- مناشف أو فوط تضعينها على كتفك للطفل للتجشؤ.

- اغراض الاستحمام ( فوط . شامبو .جل استحمام . لوشن.ليفه (أسفنجه) )

-بودر ة .زيت. كريم الحفاضات.أعواد أذن. كرات قطن. مناديل مبلله.فلزلين أطفال.)

شنطه الصحه والحلاقة تضم فرشاة.مقص أظافر .مقص عادي .منظف الأنف ومقياس الحراره (بتلقونها في بيبي شوب ومذركير وشيكو)

-بودرة السرة بتلقونها بالصيدلية (تمنع الألتهاب بإذن الله)

-مسحات طبيه
-قطرة الملح salinose عبارة عن ماء وملح
( للأنسداد الأنف ) بتلقونها بالصيدليه آمنه لطفلك.

-كريم طفح الحفاظ.

-مفرش لتغيير الحفاظ .

-أكياس للحفاظ (بتلقونها في بيبي شوب.ومذر كير).


وإذا في شي ناسيته ذكروني فيه

دعواتي الصادقه لكن بحمل سهل وولادة ميسره بإذن الله تعالى

وان شاء الله الله الكل يستفيــــد



منقووووووووووول