بنتي تدهورت

[رقه الورد]

السلام عليكم ورحمه الله وبركاته
اخواتي انا مالي بعد الله الا انتم زوجي سافر وكانت صحه بنته تمام
فجاه مرضنا انا وهي وجاها التهاب في اللوز ونحفت وعمرها تسعه شهور كان وزنها ثمانيه كيلو ومع المضاد جاها اسهال وماعاد تاكل وانا اهملتها لي اسبوعين طايحه بالسرير ماغير حليب لها واليوم احس اني احسن من اول ويوم شفت بنتي زين ماصدقت وزنتها والله وزنها سته ونص نحفت بشكل فضيع ابوها يجي بعد ثلاث ايام ماابغاه يشوفها كذاولا ابغى اهله يشوفونها كذا بيقولون اهملتها تكفون ساعدوني وهي حركتها ماشاء الله زايده وتحب تلعب كثير وحليبها ابتاميل تكفون ساعدوني ابغى ابدء معها من اللحين

[**سماسم**]

ماتشووفون شر يالغاليه ..
ولاتلعبين بجسم وصحه بنتج أهتمي بتغذيتها وإن شاء الله يزين جسمها
يالغاليه اخذيها نصيحه أي شيء له نتائج سريعه فعرفي ان مضاره خطيره ..
لا سؤلوج ليش وزنها ناقص قولي من التعب ومعروف الاطفال يتعبون وينزل الوزن وبعد التعافي يرد مثل ماكان ..
وربي يحفظها لج
,,

[انت لي وبس]

الله يعينك حبيبتي بس غذيها تماام ولاتكثرين لها اوتترسي بطنها اكل عشان تمتن عادي اذا سال ابوها قولي فقدتك والله مثل بنتي لما غاب ابوها عننا تعبت مرره ووزنها نزل مرره يحليلها
واذا سالوا اهله قولي من التعب ترى موضوع عادي خليهم يتكلموو لو فكرتي بكلامهم بتتعبي
ولو كلام الناس مو رخيص ماكان باعو الجرايد بريالين

[رقه الورد]

تسلمين اختي سماسم وانتي اختي انت لي وبس
انا مواقصد اعشاب وعلاجات لا اقصد ايش اعطيها من اكل وش تنصحوني فيه انا اعطيها شربه عدس وزبادي ولبن وصامولي

[ام ماهر]

زبادي مع مويه الحلب مره روعه وومفيد

[تــوفي]

شوربه بالبطاطس مره كويسه وتخلطيهم في الخلاط

[ام ملك ونور]

اللة يشافيهة ياااارب الطفلة مسكينة اللة يعينهةعل الام نصييييييييييحة وديهة دكتور اطفال خبرة حتة لو موديتهة وديهة ترة من يلتهب البلعوم احنة الكبار انعاني من الاكل والشرب وشلون وهية صغيرة ياعيني عليهة اللة يشافيهة

[فجر الباسل]

والله بنتي مثل بنتك جاه الالتهاب ونحفت وحليبها ايتاميل

[رقه الورد]

شكرا اخت سماسم والاخت توفي والاخت انت لي وبس والاخت ام ماهر والفجر الباسل وسوسو 87 على ردكم لي وابشركم بنتي بخير

[الحيـاة أمـل]

كما قالت الاخوات جزاهن الله خيرا لا تهتمي لكلام الناس واطعمي بنتك بشكل طبيعي وعادي وستعود لوزنها الطبيعي ان شاء الله...
واعطيها بوجبة الغداء خضار منوعة مسلوقة فهي مغذية ومفيدة جدا للطفل ..